Accident

အခုရေးမယ့် ပို့စ်လေးက တကယ်ဖြစ်ပျက်ခဲ့တာပါ။ စာဖတ်သူတို့ အနေနဲ့လဲ ဒီစာဖတ်ကို ဖတ်ပြီး နားလည်ပေးစေလိုပါတယ်။ စာရေးသူ ပုတ်ခတ်ရေးသားခြင်းမျိုးလဲ မဟုတ်ပါဘူး။ ဘယ်သူကမှားတယ် မှန်တယ်ကို ထောက်ပြလိုခြင်းလဲ မရှိပါ။ စော်ကားလိုခြင်းလဲ မရှိပါ။

လွန်ခဲ့သော နှစ်လပတ်ဝန်းကျင်က ကျွန်တော့်ဆီကို သူငယ်ချင်းရောက်လာတယ် ။ သူကပြောတယ် ငါဆိုင်ကယ်တိုက်လို့တဲ့။ ဘယ်မှာလဲ ဆိုတော့ မင်းတို့ဆိုင်အရှေ့မှာတဲ့။ ဟုတ်ပါတယ် ကျွန်တော့်ဆိုင်က ထွက်သွားတဲ့ ကောင်မလေးနဲ့ သူနဲ့ ဆိုင်အပေါက်ဝမှာ တိုက်တာပါ။ ဖြစ်ပျက်တာကို မြင်တဲ့သူတွေက ပြောပါတယ်။ ကောင်မလေးနှစ်ယောက် စက်ဘီးစအထွက်မှာ ငေးနေတဲ့ ကျွန်တော့် သူငယ်ချင်းဆိုင် ကယ်က နောက်ကနေ ၀င်ချိတ်သလိုဖြစ်သွားတာပါ။ ရှေ့ကကောင်မလေးက လက်ကိုင်မနိုင်တော့ လဲမလိုဖြစ်ပြီး နောက်က ကောင်မ လေးက ဘေးကိုအသာပြုတ်ကျခဲ့ပါတယ်။ ဒါပေမယ့် အခန့်မသင့်တော့ လက်ကောက်ဝတ်အကြောမျက်သလို ဖြစ်သွားတယ်။ ကောင် လေးတွေ ဘောလုံးကစားရင်း ဖြစ်နေကြပါ။ ကောင်မလေးဆိုတော့ လန့်သွားတာပေါ့။ ဒါနဲ့ ကျွန်တော်ဆိုင်ကယ်ထုတ်ပြီး အရိုးကြောဆရာ ၀န်ကြီးဆီကို လိုက်ပို့ပါတယ်။

ဆရာဝန်ကြီးက ခဏစမ်းသပ်ပြီး စမ်းသပ်ခ 3500 Kyats ယူကာ သူ့ရဲ့ ဓာတ်မှန်ခန်းမှာ ဓာတ်မှန်ရိုက်စေပါတယ်။ ဒါနဲ့ ဓာတ်မှန်သွားရိုက် တယ်။ ဓာတ်မှန်ခ 4000 kyats ယူတယ်။ ဆရာဝန်ကြီးဆီ ပြန်သွားရတယ်။ သူက ဓာတ်မှန်ကိုကြည့်တယ်။ ဘာမှမဖြစ်ပါဘူး အကြော ရောင်သွားတာပါတဲ့။ သူက ဒီလိုသာ ပြောတယ် ဆေးစာရွက်ရေးလိုက်တာ တစ်ရွက်အပြည့်ပဲ ။ ရှေ့မှာ ဆေးဝယ်လိုက်ပါတဲ့။ ကျွန်တော် လဲ နားတော့မလည်ပါဘူး ဆေးအကြောင်းကို ။ ဒါပေမယ့် အားဆေးကတော့ သုံးမျိုးလောက်ပါနေ တယ်။ ငွေရှင်းတော့ 7000 kyats ကို 100 kyats ပဲ လျော့တယ် ။ မနက်ဖြန် ပြန်လာပြပါတယ်။

ဒါနဲ့ မနက်ဖြန်ပြတော့ နောက်ရက် ပြန်လာပြဖို့ချိန်းလာတယ်။ လူနာက သက်သာပါတယ် မလိုက်ချင်ဘူး ။ ဒါပေမယ့် ဆရာဝန်ကြီးက လိုက်ဖို့တိုက်တွန်းတယ်။ နှစ်ရက်မြောက်တဲ့ နေ့မှာ လူနာက ဆေးအစွမ်းပြလာပါတယ်။ ဆရာဝန်ကြီး အွန်တဲ့ဆေးကြောင့်ပဲ ထင်တယ်။ လူနာက အန်တာ မရပ်တော့ဘူး။ ခေါင်းတွေလဲ မူးဝေလာတယ်။ နောက်တစ်ရက် ဆရာဝန်ကြီး ပြဖို့သွားခေါ်တော့ မျော့မျော့ပဲ ကျန် တော့တယ်။ တော်တော်လေး စိတ်လေသွားတယ်။ လူနာက လက်က သက်သာနေပြီး အကြောရောင်ရုံဆိုတော့။ ဒီလို အန်တာကို ဆ ရာဝန်ကြီးကို ပြောပြတယ်။ သူကတော့ ပြုံးပြုံးပဲ ဆေးထပ်ပေးတယ် ၊ သူ့ရဲ့ အနှိပ်ခန်းမှာ လက်သွားနှိပ်ရတယ်။ တစ်နေ့ကို 10000 kyats လောက်ဖြုန်းပေးရတယ်။

နောက်တစ်ရက်မှာတော့ လူနာက မခံနိုင်တော့ပဲ အန်ရုံတင်မကဘူး ၊ ၀မ်းပါ အမဲရောင်တွေသွားပြီး မေ့မတက်ကိုဖြစ်သွားတယ်။ ကျွန် တော်တို့လဲ လန့်သွားတယ်။ ဆရာဝန်ကြီး သူ့ဘာသာသူ အင်္ဂလန်ပြန်မကလို့ ဘာကြီးဖြစ်ဖြစ် မပြရဲတော့ဘူး။ ပုဂ္ဂလိကဆေးရုံ တစ်ခုကို ပြေးရတော့တယ်။ ဟိုရောက်တော့ ပါရဂူကြီးနဲ့တွေ့တယ် ။ ဆေးထပ်ညွှန်းလိုက်တယ်။ မသက်သာနောက်ရက်ပြန်ပြတဲ့။ မသက်သာလို့ သူတို့ ချိန်းတဲ့ အချိန်သွားလိုက်တယ်။ ဟိုရောက်တော့ ဆရာဝန်ကြီးက ခွဲခန်းဝင်နေလို့တဲ့ ။ လူနာကိုခေါ်ပြီး ဓာတ်မှန်ရိုက်တယ်။ ခဏ နေအဖြေထွက်တော့ ဆရာဝန်လေးက အခန်းထဲခေါ်ပြီး ပြောတယ်။ အူအတက်ရောင်တာတဲ့ ဒီညပဲ ခွဲခန်းဝင်ရမယ်တဲ့။ ဒါနဲ့ လူနာကို ထား ဆေးရုံတက်ရမယ့် လိုအပ်တာတွေကို ပြင်ဆင်ရတယ်။

ကျွန်တော်တို့ ပြန်ရောက်တော့ လူနာက မျက်နှာလေးဝင်းလို့ ။ မေးကြည့်တော့ ခွဲခန်းက ထွက်လာတော့ ဆ၇ာဝန်ကြီးက သေချာစမ်း ပေးတယ်တဲ့။ အူအတက်ရောင်တယ်ဆိုတာ မဟုတ်ပါဘူးတဲ့။ အရိုးဆေးတွေကို မလိုအပ်ပဲ အလွန်အကျွန်သုံးစွဲတဲ့ အတွက် အစာအိမ် ထိတာပါတဲ့။ ဒါဆိုကျွန်တော်တို့က စိတ်ချရမှာလား ပြောတော့ စိတ်ချရပါတယ်တဲ့။ နှစ်ရက်လောက် ဆေးရုံလာပြလိုက်ရင် သက်သာ သွားပါမယ်တဲ့။

ဒီလိုနဲ့ ဆိုင်ကယ်စဖြစ်ပြီး နှစ်ပတ်လောက်အကြာမှာ အားလုံးကင်းရှင်းပျောက်သွားပါတယ်။ ကျွန်တော်စဉ်းစားမိတယ်။ အဲနေ့ကသာ ဆေးခန်းမလိုက်ခဲ့ရင် နှစ်ရက်ဆို အကြောတင်တာက သက်သာပြီလို့း) တော်သေးတာပေါ့ အသိတွေဖြစ်နေလို့လဲ လျှော်ကြေးစ ကားမပြောခဲ့ရဘူး ဆေးကုစရိတ် 200000 Kyats လောက်ကျသွားတယ် သြော် ဖြစ်ကံပါလို့ပဲ တွေးရတော့မှာပေါ့နော်.....

စာဖတ်သူတို့ အဆင်ပြေနိုင်ပါစေ..

မျှော်လင့်သူ