နိုမိတော့မယ်

HIV ကိုကုသနိုင်ပြီလား ???? အဆက်ကို မျှော်နေတဲ့ စာဖတ်သူပရိတ်သတ်များ ရှိခဲ့ရင် ဆောတီးဗျာ။ ဒီရက်ပိုင်း အလုပ်ကလေးနည်းနည်း ရှုပ်တာရယ်(အလုပ်ဗန်းပြတာ)၊ နောက်ပြီး ကျွန်တော့်ရဲ့ တစ်ခုတည်းသော မန်မိုရီစတစ်ကလေးကို အစုတ်ပလုတ်ဗိုင်းရပ်စ်စုတ်တွေ ကိုက်သွား တာကြောင့်(နဂိုတည်းက စုတ်သလားမပြောတက်)၊နောက်ပြီး အရိုးသားဆုံးဝန်ခံရရင် စာရိုက်ရမှာ ပျင်းတာရယ်ကြောင့် မတင် ဖြစ်သေးတာပါ။ တစ်ခါတစ်လေ ညပိုင်းအားနေလို့ အပြင်မထွက်ရင် အိမ်မှာ စာလေးဘာလေးရိုက်ထားတယ်။ နောက်နေ့ Cyber ရောက် တော့ တင်လိုက်တယ်။ အခုတော့ Mem Str; ကလေးပျက်သွားတော့ အိမ်မှာလဲ မရိုက်ဖြစ်တော့ဘူး။ ဆိုင်ရောက်ပိုဆိုး ။ စာကလဲ အပြေးအလွှားဖတ်ရသေး၊ ဂိမ်းကလဲ ကစားလိုက်ချင်သေး၊ ဒီကြားထဲ ချက်တင်ထဲက အမျိုးတော်တွေက ခေါ်ရင် ထူးလိုက်ရသေး။ အ၀ှာ တိုင်ပတ်နေသလိုဖြစ်နေတယ်း)

ဒီရက်ပိုင်း အလုပ်ကပြန်လာရင် ယောင်တောင်တောင်လေးဖြစ်နေတယ်။ ရုံးစောဆင်းပေးနေတဲ့ ဂျာကြီးကိုပဲ အပြစ်တင်ရမလား၊ သူငယ်ချင်း မရှိ၊ အပေါင်းအသင်းမရှိတဲ့ ကိုယ့်ကိုကိုယ်ပဲ အပြစ်တင်မရလားမသိဘူး။ ညနေ 5 နာရီရုံးဆင်းဖြစ်တယ်။ အိမ်ပြန်ရမှာ စောသေးလို့ ဘော်ဒါတွေကို လက်ဖက်ရည်ဆိုင်ခေါ်တယ်။ ဘယ်မောင်မင်းကြီးသားမှ မလိုက်ဘူး။ ဖင်ပိတ်ငြင်းတယ်။ သူတို့မိန်းမတွေ နောက်လင်ယူ မှာကြနေတာပဲ။ ဒါတောင် ကျွန်တော်က သူတို့ကို ဒကာခံမှာနော်။ သူတို့ကို တိုက်ခိုင်းလို့ကတော့ လက်သီးနဲ့များ ထိုးမလားမသိ။

5 ခွဲလောက် အိမ်ရောက်ရင်လဲ ယောင်ပေပေနဲ့ TV ရှေ့ထိုင်ပြီး ကြည့်ဖြစ်တယ်။ ငှားထားတဲ့ စာအုပ်ကလေးကလဲ လက်စသတ်လိုက် သေးတယ်။ 7 နာရီလောက်ရောက်တော့ မေမေက ကိုရီယားကား ကြည့်တယ်။ အော် မိန်းကလေးတွေ တော်တော်တော့ ကိုရီယားကား ကြိုက်သား။ ဟိဟိ ကျွန်တော်လဲ ကြိုက်တယ်။ 8 နာရီပြီးတော့ ရေမိုးချိုး၊ ထမင်းစားပြီး အပြင်ထွက်ဖြစ်တယ်။ အထင်မကြီးနဲ့နော် ကျန်တဲ့ နေရာမဟုတ်ဘူး။ ငှားထားတဲ့ စာအုပ်ကလေး အပ်ဖို့ရယ်၊ ဗဟုသုတလေးရဖို့ Cyber ရယ်(ဟိဟိ အပျင်းပြေဖို့ဆို ပိုမှန်တယ်) ကိုပဲ သွားဖြစ်တယ်။ အိမ်ပြန်ရောက်တော့ MWD တို့ MRTV တို့ကလာတဲ့ ဇာတ်ကားတွေ မလွတ်တမ်းကြည့်ပစ်တယ်။ သူတို့ကလဲ သဘော ကောင်းပါ့ နှစ်ကားတောင် ဆက်တိုက်လွှင့်ပေးတယ်ဗျ။

အစီစဉ်တွေပြီးသွားလို့ မေမေအိပ်သွားပြီဆို ကျွန်တော်လဲ အခန်းထဲဝင်ပြီး ကွန်ပြူတာလေးဖွင့်၊ တစ်ဖက်က စာအုပ်ဖတ် ဟိုဟာကလိ၊ ဒီ ဟာကလိနဲ့ သိပ်မကြာခင်အချိန်မှာပဲ ကျွန်တော်အိပ်မောကျသွားတယ်ထင်တယ်။ မိုးလင်းတော့ ခြင်ထောင်ထဲမှာ အခန့်သား၊ ဘယ်အချိန် မေမေထပြင်သွားပေးတယ်မသိ။ ဒီလိုက တစ်ရက်လဲ မဟုတ်၊ နှစ်ရက်လဲမဟုတ်၊ ဟိဟိ မေမေ့ကိုတော့ အားနာနာနဲ့ပြောလိုက်တယ်။ ကျေးဇူးပဲနော် မေမေလို့.. မေမေကလဲ မဲ့ပြီးပြန်ပြောတယ်။ နင်မိန်းမရမှကို ငါလဲ ၀ဋ်ကျွတ်မှာတဲ့။ ဟူး... မေမေမသိဘူးနော်...။း)

စာဖတ်သူတို့အား အစဉ်လေးစားလျှက်..
မျှော်လင့်သူ

HIV ကို ကုသနိုင်ပြီလား ???

ကဲ စာဖတ်သူပရိတ်သတ်တို့ရေ...
ဒီကနေ့မှာတော့ စာဖတ်သူတို့အတွက် ကျန်းမာရေးနဲ့ ပတ်သတ်တဲ့ အကြောင်းအရာလေးတစ်ခုနဲ့ တင်ဆက်ပေးချင်ပါတယ်။ ဒီအကြောင်းအရာ လေးကို စာဖတ်သူတို့ စိတ်ဝင်စားလိမ့်မယ်လို့လဲ မျှော်လင့်မိပါတယ်။ အခုတင်ဆက်မယ့် အကြောင်းအရာလေးကတော့ ...

HIV ကို ကုသနိုင်ပြီလား ?????
- ခန္ဓာကိုယ်ထဲမှာရှိတဲ့ HIV ပိုးတွေ မပွားများလာဖို့ အေအာတီ(ART)ဆေးနဲ့ ထိန်းချုပ်ထားခြင်းဖြင့် ကုသနိုင်ပါပြီ။
- ဒါပေမယ့် အေအာတီ(ART)ဆေးဟာ HIV ပိုးတွေကို သေအောင်မသတ်နိုင်တဲ့အတွက် ဒီဆေးဟာ အမြစ်ပြတ် ကုသပေးနိုင်တဲ့ ဆေး မဟုတ်ပါဘူး။

HIV ဆိုတာ ဘာလဲ ?????
- HIV ဆိုတာ အလွန်သေးငယ်တဲ့ ရောဂါပိုးတစ်မျိုးဖြစ်ပါတယ်။
- HIV ဟာ ကူးစက်ခံရတဲ့လူရဲ့ ခန္ဓာကိုယ်ထဲမှာ တစ်သက်လုံးနေပြီးတော့ အဲဒီလူရဲ့ ကိုယ်ခံစွမ်းအားတွေကို ဖျက်ဆီးပစ်ပါတယ်။

ကိုယ်ခံစွမ်းအားစနစ် ဆိုတာဘာလဲ ?????
- ခန္ဓာကိုယ်ထဲ ၀င်ရောက်လာတဲ့ ရောဂါပိုးတွေကို ခုခံတိုက်ဖျက်ပေးနိုင်တဲ့ ကိုယ်တွင်းစွမ်းအား တစ်မျိုးကို ကိုယ်ခံစွမ်းအားလို့ ခေါ်ပါတယ်။
- သွေးဖောက်စစ်ဆေးတိုင်းတာခြင်းနဲ့ ကိုယ်ရဲ့ ကိုယ်ခံစွမ်းအား(CD4) အနည်းအများကို သိနိုင်ပါတယ်။

HIV ခန္ဓာကိုယ်ထဲ ၀င်လာရင်.....
- ခန္ဓာကိုယ်ထဲမှာ တစ်သက်လုံးနေပြီး ကိုယ်ခံစွမ်အားတွေကို တဖြည်းဖြည်း ဖျက်ဆီးပစ်ပါတယ်။
- ကြာလာတာနဲ့အမျှ ကိုယ်ခံစွမ်းအားတွေ လျော့နည်းကျဆင်းလာပြီး ပြင်ပက ၀င်ရောက်လာတဲ့ ရောဂါတွေကို မခုခံ မတိုက်ဖျက်နိုင် တော့ပါဘူး။
- ဒါကြောင့် ရောဂါပေါင်းစုံ မကြာခဏ ဖြစ်လာတက်ပါတယ်။ အဲဒီလိုဖြစ်လာတာကို AIDS လို့ခေါ်ပါတယ်။

အဖြစ်များတဲ့ ရောဂါလက္ခဏာတွေကတော့......
- ကိုယ်အလေးချိန် လျော့ကျခြင်း။
- နာတာရှည် ဖျားနာခြင်း။
- မှက်ခရုပေါက်ခြင်း။
- ရေယုန်ပေါက်ခြင်း။
- တာရှည် ၀မ်းပျက်ဝမ်းလျှော ရောဂါဖြစ်ခြင်း။
- တီဘီ ရောဂါဖြစ်ခြင်း။
- အရေပြားတွင် အနာများဖြစ်ခြင်း။

အေအာတီ(ART)ကုသမှုဆိုတာ ဘာလဲ ??????
- မျိုးမတူတဲ့ ဆေးသုံးမျိုး ပေါင်းစပ်ထားတဲ့ ကုသမှုဖြစ်ပါတယ်။
- ခန္ဓာကိုယ်မှာရှိတဲ့ HIV တွေပွားများလာခြင်းကို ထိန်းချုပ်ထားနိုင်တဲ့အတွက် ကိုယ်ခံစွမ်းအားစနစ်ကို ပြန်လည်ဖြည့်ဆည်း ပေးနိုင်တဲ့ ကုသမှုလည်းဖြစ်ပါတယ်။

အေအာတီ(ART)ကို ဘယ်လိုသောက်ရမလဲ ?????
- အေအာတီ(ART)ကုသမှုဟာ ဆေးအုပ်စု အမျိုးမျိုး ပေါင်းစပ်ပါဝင်မှသာ ထိရောက်မှုရှိတယ်။ ဒါကြောင့် အနည်းဆုံး ဆေးသုံးမျိုး ပေါင်းစပ် သောက်သုံးသင့်ပါတယ်။
- အေအာတီ(ART)ဆေးများဟာ သွေးထဲမှာ (၁၂)နာရီသာ အာနိသင်ရှိတဲ့အတွက် (၁၂)နာရီခြားတစ်ခါ နေ့စဉ် အချိန်မှန်မှန် သောက်ရပါမည်။
- အေအာတီ(ART)ဆေးဟာ HIVကို မသတ်နိုင်ပါ။ အကယ်၍ ဆေးသောက်တာ ရပ်လိုက်ရင် HIV ပိုးတွေပြန်ပြီး ပွားများလာလိမ့်မယ်။ ဒါကြောင့် ဆေးကို ရေရှည်(တသက်လုံး) သောက်ရန်လိုအပ်ပါတယ်။

ဆေးကို ဘယ်သူတွေ သောက်သင့်သလဲ ?????
ရောဂါဖြစ်ပွားမှု အခြေအနေအရ....
- HIV ကူးစက်ခံရပြီး နောက်ပိုင်း ကိုယ်ခံစွမ်းအား(CD4)အရေအတွက် ၂၀၀အောက် ကျဆင်းလာတဲ့သူများ။
- ခုခံအားကျဆင်းမှု ကူးစက်ရောဂါကြောင့် ကျန်းမာရေးအခြေအနေ ချို့ယွင်းလာပြီး ရောဂါလက္ခဏာများ ပြင်းပြင်းထန်ထန် ခံစားနေတဲ့ သူများ။
ဆေးကုသမှု မစတင်မီ နားလည်တက်ကျွမ်းတဲ့ ဆရာဝန်များနဲ့ တိုင်ပင်ဆွေးနွေးပြီးမှသာ ကုသမှုကို ခံယူသင့်ပါတယ်။

အေအာတီ(ART)ကုထုံးရဲ့ ကောင်းကျိုး ရလဒ်များက ဘာတွေလဲ ?????
- ကိုယ်ခံစွမ်းအားစနစ် ပြန်ကောင်းလာတဲ့အတွက် ယခင်အတိုင်း ကျန်းမာလာခြင်း။
- ကျန်းမာလာတဲ့အတွက် အလုပ်ပြန်လုပ်နိုင်ပြိး မိသားစုများကိုလည်း ပြန်လည်ကူညီ ထောက်ပံ့ပေးနိုင်ခြင်း။
- ကလေးတွေဆိုရင်လည်း သာမန်အတိုင်း ပြန်ကျန်းမာလာနိုင်ပါသည်။
သင်ဟာ ဆေးကို မှန်မှန်ကန်ကန်နဲ့ တိတိကျကျ သောက်မှသာလျှင် ဒီကောင်းကျိုးတွေရမှာပါ

ဆေးပုံမှန်စွဲသောက်ရန် ဘာကြောင့်အရေးကြီးသလဲ ?????
ဆေးပုံမှန် သောက်တယ်ဆိုတာ
- အနည်းဆုံး ဆေး(၃)မျိုးပေါင်းကို
- နေ့တိုင်း အချိန်မှန်မှန် (၁၂)နာရီခြားတစ်ခါ
- ရေရှည်(တစ်သက်လုံး) သောက်တာကိုပြောတာပါ။

အဲဒီလို ပုံမှန်စွဲသောက်မှသာလျှင်.....
- အေအာတီ(ART)ဆေးရဲ့ ကောင်းကျိုးထိရောက်မှုကို ရရှိပြီး ပြန်လည်ကျန်းမာလာ၍ ပုံမှန်ဘ၀ကို ပြန်ရမှာ ဖြစ်တဲ့အတွက် အရေးကြီး ပါတယ်။

အကယ်၍ ဆေးပုံမှန်စွဲမသောက်လျှင်.....
- ဆေးအာနိသင် ထိရောက်မှု မရှိတော့ဘဲ HIV ပိုးတွေဟာ အေအာတီ(ART)ဆေးကို ယဉ်ပါးသွားပြီး ဆေးမတိုးတော့ပါ။
- အဲဒါဆို HIV ပိုးတွေ ပြန့်ပွားလာပြီး ကိုယ်ခံစွမ်းအားတွေ ပြန်လည်ကျဆင်းလာပါလိမ့်မယ်။
- အစပိုင်းတွင် မသိသာပေမယ့် အချိန်တိုအတွင်းမှာ ကျန်းမာရေးကျဆင်းလာပြီး နောက်ဆုံးမှာ အသက်ဆုံးရှုံးနိုင်ပါတယ်။
- ဆေးယဉ်နေတဲ့ HIVပိုးများဟာ သင့်ဆီက တခြားလူတွေကို ကူးစက်သွားနိုင်ပြီး သူတို့လည်း သင့်လိုဘဲ ရောဂါခံစားရပြီး အသက်သေ ဆုံးနိုင်ပါတယ်။

ဖြစ်ပေါ်လာနိုင်တဲ့ ဘေးထွက်အာနိသင်များက ဘာတွေလဲ ?????
- အရေပြားမှာ အင်ပြင်ထခြင်း၊ ယားခြင်း။
- အသားဝါခြင်း၊ သွေးအားနည်းခြင်း။
- ကိုယ်ပူပြီး ဖျားခြင်း။
- ခေါင်းမူး၊ ခေါင်းကိုက်ခြင်း၊ မောပန်းခြင်း။
- ပြို့အန်ခြင်း၊ ၀မ်းလျှောခြင်း။
- ခြေလက် ထုံကျင်ကိုက်ခဲခြင်း။
ဒါပေမယ့် ဆေးသောက်တဲ့ လူတိုင်းမှာ ဖြစ်လေ့ဖြစ်ထမရှိဘဲ အချို့ကသာ ဖြစ်လေ့ရှိပါတယ်။

ဆက်လက်ဖော်ပြပါဦးမည်။
စာဖတ်သူတို့အား အစဉ်လေးစားလျှက်...
မျှော်လင့်သူ

အနမ်းတစ်ဖက်

ကျောင်းတွင် သူမကို စတွေ့ချိန်မှာ ကျွန်တော်ဝမ်းသွားနေပါတယ်။ သူမသိပ်လှပါတယ်။ ပန်းတို့ပွင့်ဖူးစမှာ ရနံ့တို့ တလှိုင်လှိုင် ထွက်သလို သူမအနားက ဖြတ်ကူးစမှာ ကျွန်တော့်ရဲ့ အလွမ်းတို့ တဖြိုင်ဖြိုင် ကြွေကျခဲ့ရပါတယ်။

သူမက ဆံပင်တို့ ၀ဲခါသွားအောင်ပြုတယ်။ ကျွန်တော်ကတော့ လွယ်အိတ်ကို ကျစ်ကျစ်ပါအောင် ဆုပ်ကိုင်မိပါတယ်။ သူမကို လွမ်းနေတုန်းမှာပဲ ၀မ်းတို့က တလဟော ထွက်ချင်လာတယ်။ ဒါနဲ့ပဲ ကျောင်းရဲ့အိမ်သာကို ၀မ်းသာစွာနဲ့ပဲ ပြေးခဲ့ရပါတယ်။ ကျွန်တော့်ကို ကျွန်တော် မကျေနပ်ခဲ့ပါ။

သူမက စံပယ်ဖူးလေးလို ချစ်စရာကောင်းသလောက် ကျွန်တော်က စာကလေးလောက်ပဲ လှခဲ့သူပါ။ ထိုအတွေးတို့ တွေး မိချိန်တုန်းက ကျွန်တော်အိမ်သာထဲမှာပါ။ သူ့ကိုချစ်တဲ့ အချစ်ရယ်….. မခံမရပ်နိုင်လို့ ထွက်လာတဲ့ ရင်ထဲက အညစ်ရယ် ဟာ သွားဆုံမိတယ် ထင်ပါရဲ့။
ကျွန်တော့်နားမှာ ကောင်းကင်ကြီး ပြိုကျသလို ဖြစ်နေတယ်။ အကြားမတော်တဲ့ လူတစ်ချို့တောင် တံခါးခေါက်ပြီး ‘ တိုးတိုးလုပ် ’ ဟု ဆိုသွားကြတယ်။ အချစ်ရယ်.. ကိုယ်ဟာ ဘာမှန်းမသိတဲ့ နက္ခတ်နဲ့ မွေးလာတဲ့ကောင်ပါ။ အဲ့ဒါ သိပ်ဆိုး တဲ့ နက္ခတ်လို့ တစ်ချို့က ဆိုကြတယ်။ ဒါနဲ့ ကိုယ်ကြောက်သွားတယ်။ အဲဒီတော့ ထုံးစံအတိုင်း ဗေဒင် မေးကြည့်တာပေါ့။

“ မင်းမွေးတဲ့ နက္ခတ်က အချစ်ကြောက်တဲ့ နက္ခတ်ပဲ ”

“ ဗျာ၊ တကယ်လား ဆရာ ”

“ ယတြာချေလို့ မရဘူးလား ဆရာ ”

“ အင်း…”

ဗေဒင်ဆရာ အနည်းငယ် အခက်တွေ့သွားပုံရတယ်။ နောက်ဆုံး စိတ်ညစ်ညစ်နဲ့

“ မရဘူးကွ ” လို့ ဆိုတယ်။


ဘာပြောကောင်းမလဲ အချစ်ရယ်။ အဲဒီတုန်းက ကိုယ်စိတ်ဓာတ်ကျတာ အရမ်းပဲ။ ဒါနဲ့ ကိုယ်လည်း ရုပ်ရှင်တွေထဲက မင်းသားတွေ စိတ်ဓာတ်ကျတဲ့ အိုက်တင်ယူပြီး ဘောင်းဘီထဲလက်နှိုက်ကာ ပလက်ဖောင်းဘေးက လျှောက်နေခဲ့မိတယ်။

တကယ်ပါ။ အဲ့ဒီတုန်းက ကိုယ်ကြေကွဲတာ လရောင်မြင်ဖူးတဲ့ လူသားတိုင်း သိပါတယ်။ ကိုယ်ဆိုမိတဲ့ ကဗျာတစ်ပုဒ်တောင် ရှိတယ်။ ဘာတဲ့….

နှလုံးသားမှာ

အလွမ်းရှိတယ်ဆိုရင်

အခြားဘယ်နေရာမှာရော

အလွမ်းနေထိုင်ပါသေးသလဲ။

ပြောပြပါလေ

တစ်ချိန်ကျရင်

သူရှိတဲ့နေရာကို

ရှောင်သွားချင်လို့ပါ။

နောက်ဆုံး အကြံတစ်ခုရသွားတယ်။ ကိုယ့်ကိစ္စကို ဗေဒင်ဆရာ မကူညီနိုင်ရင် နတ်ဆရာဆီသွားမယ် ဆိုပြီးတော့ပါ။ ကိုယ် ဟယ်ရီပေါ်တာ သိပ်ကြိုက်တယ်။ ဒါပေမယ့် ကိုယ် နတ်ဆရာကို ကြောက်နေတယ်။ ဘာမှမဆိုင်မှန်းတော့ သိပါတယ်။ ဒါပေမယ့် တစ်ခါတစ်ခါ လူတွေဟာ မဆိုင်တာပြောရင် အထင်ကြီးခြင်းခံရတယ်ဆိုလို့ ပြောကြည့်တာပါ။
အဲ့ဒီလိုနဲ့ ကိုယ် နတ်ဆရာဆီ ရောက်သွားတယ် ဆိုပါတော့…။

“ ဘာကိစ္စလဲ ”

“ အဲ့ဒီလို … အဲ့ဒီလို ကိစ္စကြောင့် ”

“ သြော်၊ အေး၊ သိပြီ ခဏစောင့် ”

ဆိုပြီးတော့ လူငယ်တွေ ဟစ်ဟော့စတိုင်အတိုင်း လက်ကားယား ခြေကားယား လုပ်နေလေရဲ့။ ကိုယ်လေသွားတယ်…။ သူက ‘ က ’ ကြီးနဲ့ စရမယ့် ‘ ကိစ္စ ’ ကို ‘ ရ ’ ကောက်နဲ့ ‘ ရစ် ’ နေတဲ့အတွက် ကိုယ်က ‘ တ ’ ၀မ်းပူနဲ့ တင်းသွားတာပေါ့။ ထားလိုက်ပါ။ သူက ဆက်ပြောတယ်။

“ မှော်ဝင်နေတယ်…. ” တဲ့။

ကိုယ် နားမလည်ခဲ့ပါဘူး။ မှော်ဆိုတာ ဘာကိုပြောတာလဲ။ ရေကန်ထဲက မှောက်ကိုပြောတာလား။ ကိုယ်သူ့ကို ကြောက်လို့ ပြန်မမေးခဲ့ပါဘူး။ ဒါနဲ့ သူက နောက်ဆုံးစကားဆိုတယ်။

“ မင်းရဲ့ ချစ်သူက မင်းကို ပြန်ချစ်လာစေချင်တာမှတ်လား ”

“ ဟုတ်ကဲ့ ”

“ ဒါဆို မင်းကိုယ့်ပါးကိုယ် ပြန်နမ်းနိုင်တဲ့ တစ်နေ့ မင်းရဲ့ ချစ်သူက မင်းကို ပြန်ချစ်လိမ့်မယ်။ ”

“ အို ”

တကယ်တမ်းပြောရရင် မဖြစ်နိုင်မှန်းသိရက်နဲ့ ကိုယ်ပျော်သွားတယ်။ ဘာဖြစ်လို့လဲဆိုတော့ ကိုယ့်မှာ မျှော်လင့်ချက်ရှိသွား လို့လေ။ ကိုယ့်ပါးကိုယ်ပြန် နမ်းနိုင်တဲ့နေ့……။ ဒါဟာ ကိုယ့်ရဲ့ မျှော်လင့်ချက်ပါ ချစ်သူ။ ဒါနဲ့ ကိုယ့်ပါးကိုယ် ပြန်နမ်းနိုင်အောင် နေ့တိုင်းပဲ လေ့ကျင့်နေခဲ့မိတယ်။ အနမ်းသည် တစ်ခါတစ်ခါ ဘာမှန်းမသိပေမယ့် ကိုယ်ကတော့ ဒီလို ခံယူထားပါတယ်။

အလွမ်းသည် အလွမ်းတိုင်း နေပါစေ။
အနမ်းအား မနှောင့်ယှက်ရ။
နားမလည်ဘူးထင်တယ်…. ချစ်သူ။ ဒီလိုပါ။

ချစ်သူအား နမ်းဖူးသည့် အနမ်းတို့သည် ရင်မှာ နွေးထွေးနေချိန်တွင် အလွမ်းသည် အနမ်းအား ၀င်ရောက် နှောင့်ယှက်ခြင်း မပြုရဟု ဆိုလိုပါတယ်။ အဲဒီလိုနဲ့ လေ့ကျင့်လာခဲ့လိုက်တာ အခုထိ ကိုယ့်ပါးကိုယ် မနမ်းနိုင်သေးပါဘူး။

တစ်နေ့မှာပေါ့…။ အမျိုးသမီး တစ်ယောက်နဲ့ တွေ့တယ်။ ကိုယ်လည်း ပျင်းနေတာကြောင့် သူနဲ့ စကားပြောဖြစ်တယ်။
“ နာမည် ဘယ်လိုခေါ်လဲ။ ”

“ မကျင်ပု ”

“ ဘယ်မှာနေလဲ ”

“ ငပုတော ”

ကိုယ်ဆက်မမေးရဲတော့ဘူး။ ကိုယ်နောက်မေးတဲ့ မေးခွန်းတိုင်း မှာ ‘ ပု ’ တာတွေကိုပဲ ပြောနေမှာစိုးလို့လေ။ ဒါနဲ့ သူက ကိုယ့်ကို ပြန်မေးပါလေရော…။

“ နာမည် ဘယ်လိုခေါ်လဲ။ ”

“ မောင်လှရှည် ”

“ ဘယ်မှာနေလဲ ”

“ ရေတာရှည် ”

သူလည်း ထပ်မမေးတော့ပါဘူး။ ဒါနဲ့ ကိုယ်တို့ ဘေးက လူကြီးတစ်ယောက်က ၀င်မေးတယ်။

“ ဘာလုပ်နေတာလဲ …” တဲ့။

“ အမေးအဖြေ လုပ်တန်း ကစားနေတာလေ ”

လို့ ကိုယ်က ပြန်ဖြေလိုက်တယ်။

“ မသိပါဘူး။ မင်းက အဲဒီ ကောင်မလေးကို သမ္မာကျမ်းစာထဲက အတိုင်း မင်းရဲ့ နံရိုးတစ်ဖက် ဟုတ်မဟုတ် စစ်ဆေး နေတာလားလို့ပါ ”

“ ဟင် ”

ကိုယ်တကယ် တွေဝေသွားတာပါ။ ဒါဆို သမ္မာကျမ်းစာထဲကအတိုင်း မင်းဟာ ကိုယ့်ရဲ့ နံရိုးတစ်ဖက်ရော မဖြစ်နိုင်ဘူးလား။ ဘုရားသခင်သည် ယောကျာင်္းတည်းဟူသော လူ၏ နံရိုးတစ်ဖက်အား ထုတ်ယူ၍ မိန်းမတည်းဟူသော လူအား ဖန်ဆင်း၏လို့ သမ္မာကျမ်းစာထဲမှာ ပါတယ်။

ဒါနဲ့ ကိုယ်မင်းကို နမ်းကြည့်ဖို့ ဆုံးဖြတ်လိုက်တယ်။ ဟုတ်တယ်လေ။ မင်းဟာ ကိုယ့်ရဲ့ နံရိုးဆိုရင် မင်းရဲ့ ပါးတစ်ဖက်ကလည်း ကိုယ့်ရဲ့ အစိတ်အပိုင်း တစ်ခုပဲပေါ့။ အဲဒါဆို နတ်ဆရာပြောတဲ့အတိုင်း ကိုယ့်ပါးကိုယ် နမ်းနိုင်ရင်..။ တစ်နေ့ မင်းကိုတွေ့တော့ ဘာမပြောညာမပြောနဲ့ ကိုယ်နမ်းလိုက်မိတယ်။

“ ရွှတ် ”

“ ဖျန်း ”

ကိုယ်က နှာခေါင်းနဲ့ပဲ နမ်းခဲ့တာကို မင်းက လက်ဝါးနဲ့ ပြန်ရိုက်တယ်ပေါ့။ ထားပါလေ…။ မင်းက ကိုယ့်ရဲ့ နံရိုးတစ်ဖက် မဟုတ်ဘူးလား..။ ဒါဆို ကိုယ့်ရဲ့ နံရိုးတစ်ဖက်ရော….။ တစ်နည်းပြောရရင် ကိုယ့်ရဲ့ ပါးတစ်ဖက်ရော…။ သေပြီ…။
ကောင်မလေးရေ…. ငါ့ရဲ့ ပါးတစ်ဖက်မှန်မမှန် မိန်းကလေး အားလုံးကို လိုက်နမ်းကြည့်ရမယ်ထင်ပါရဲ့…။

Own Writter – Luu Nay

စာဖတ်သူတို့အား အစဉ်လေးစားလျှက်…..
မျှော်လင့်သူ

မေးခွန်းကြီး ၃ ခုရဲ့ အဖြေ

မေးခွန်းကြီး သုံးခုရဲ့ အဖြေကတော့ အောက်ပါအတိုင်းဖြစ်ပါတယ်ခင်ဗျာ...

ပထမမေးခွန်း..
မဟာဇနကမင်းသား သမုဒ္ဒရာထဲ ခုန်ချခါနီး ပြောတဲ့ စကားကြီး ၃ ခွန်းကတော့ ၀မ်း၊ တူး၊ သရီး... ဖြစ်ပါတယ်ခင်ဗျာ။

ဒုတိယမေးခွန်း..
ဆရာတော်ကြီး မိန့်တော်မှုတဲ့ စကားကတော့ 'လိုက်သွားကြ ငါလဲ မတက်နိုင်ဘူး' ဖြစ်ပါတယ်ခင်ဗျာ။

တတိယမေးခွန်း..
တိုးတိုးလေးပြောလိုက်တဲ့ သီပေါမင်းရဲ့ စကားကတော့ 'ထိုင်ရတာ ကျပ်လို့ ဟိုဘက်နည်းနည်းတိုးပေးပါတဲ့' ဖြစ်ပါတယ်ခင်ဗျာ။

လွတ်လပ်စွာဖြေပေးတဲ့ ဘော်ဒါတွေကျေးဇူးပဲ။ ပျော်ရွှင်နိုင်ပါစေဗျာ။ အခုရက်ပိုင်း ကျွန်တော်တော့း(

စာဖတ်သူတို့အား အစဉ်လေးစားလျှက်...
မျှော်လင့်သူ

မေးခွန်းကြီး ၃ ခု

အလုပ်တွေ ရှုပ်နေတာနဲ့ စာတောင်သိပ်မရေးဖြစ်ဘူး။ ဒီနေ့ စာဖတ်သူတို့ကို ဥာဏ်စမ်းတဲ့ သဘော ၊ ဆိုလိုချင်တာကတော့ ဘယ်လောက် ဗဟုသုတ ပြည့်စုံနေပြီလားဆိုတာကို စစ်ဆေးတဲ့သဘောနဲ့ မေးခွန်းလေးသုံးခု မေးချင်ပါတယ်။ ဒီမေးခွန်းကို ဘယ်တက္ကသိုလ်မှာမှ မမေးဖူးပါဘူး။ စာဖတ်သူတို့ အာရုံစိုက်ပြီး Comment မှာဖြေပေးပါ။ ကျွန်တော်လဲ အဖြေပြောပြမှာပါ.

ပထမမေးခွန်း။
မဟာဇနကမင်းသားကို ဗုဒ္ဓဘာသာဝင်တွေသိကြမှာပါ။ ဘုရားလောင်းပေါ့။ မိထ္ထီလာတိုင်းကို ကုန်ကူးသွားတော့ မဟာသမုဒ္ဒရာကြီးကို ဖြတ် သန်းရပါတယ်။ ဒီအချိန်မှာ မုန်တိုင်းကျတော့ သဘောင်္ပျက်တယ်။ နောက်ဆုံးတော့ သဘောင်္ပေါ်က ခုန်ချဖို့ဖြစ်လာတယ်။ ဒီလိုနဲ့ သဘောင်္ ရွှက်တိုင်ထိပ်တက် ခုန်ချဖို့ အားပြင်ပြီး စကားကြီး ၃ ခွန်းကို ပြောပါတယ်။ ဒီစကားကြီး ၃ ခွန်းက ဘာပါလဲ ?

ဒုတိယမေးခွန်း။
သီပေါမင်းကြီး ပါတော်မူတော့ တိုင်းတစ်ပါးကို ပို့ဆောင်ခြင်းခံရပါတယ်။ ဂေါဝန်ဆိပ်ကို ပို့ဖို့ လှည်းယဉ်ပေါ်မှာလိုက်ပါပြီး သူကိုးကွယ် တဲ့ဆရာတော်ဘုရားရဲ့ ကျောင်းရှေ့က ဖြတ်သွားရတယ်။ ဒီအခါမှာ မင်းသီပေါက ဆရာတော်ဘုရား တပည့်တော်တို့ သွားရပါတော့ မယ်ဘုရား.. ဆိုပြီး ငိုယိုပြီး အော်ပြောပါတယ်။ ဒီအချိန်မှာ ဆရာတော်ဘုရားကြီးက ပြန်မိန့်ပါတယ်။ ဒီမိန့်တော်မူတဲ့ စကားက ဘာပါလဲ?

တတိယမေးခွန်း။
ဒုတိယမေးခွန်းထဲကလိုပဲ သီပေါမင်းဟာ ဂေါဝန်ဆိပ်ကိုအသွား လှည်းယဉ်လေးပေါ်မှာ မိဖုရား စုဖုရားလတ်ရဲ့ နား အနားကိုကပ်ပြီး တိုးတိုးလေးပြောတယ်။ အဲဒီလိုပြောလိုက်တဲ့ စကားဟာ ဘာပါလဲ ?

ကဲ မေးခွန်းလေးသုံးခုကတော့ ဒါပါပဲ ။ စာဖတ်သူတို့ အားလုံးစိတ်ဝင်စားလိမ့်မယ်လို့ ထင်ပါတယ်။ ကြိုးစားပြီး ဖြေကြည့်ပါ။ အဖြေလေး တွေကို မျှော်လင့်နေပါတယ်။ တစ်ခုပြောချင်တာက မေးခွန်းကို သိပ်အလေးအနက်ကြီး မစဉ်းစားဖို့ပါပဲ။ သေချာလုံးစေ့ပတ်စေ့ ဖတ်သူဆိုရင် အဖြေဟာ ဘယ်လိုမျိုးထွက်နိုင်မယ်ဆိုတာ သိနိုင်ပါလိမ့်မယ်။

စာဖတ်သူတို့ကို အစဉ်လေးစားလျှက်...
မျှော်လင့်သူ