သူငယ်ချင်းများ နှင့် ကျွန်တော်

လွန်ခဲ့သော ငါးနှစ် ၊ ၂၀၀၄ လောက်ကပေါ့ စာရေးသူ တက္ကသိုလ်မြေသို့ ပထမဆုံး ခြေလှမ်းချဖြစ်ခဲ့သည်။ စာရေးသူ တက်ခဲ့တဲ့ အထက် တန်းကျောင်းက စာရေးသူတို့အိမ်နှင့်က သိပ်မဝေး ။ မနက်ကျောင်းသွား ၊ နေ့ခင်း ထမင်းပြန်စား ၊ ညနေကျောင်းဆင်း
ပြန်တော့လဲ အိမ် ဘေးက ကျူရှင်တက် ၊ ဒီလိုနဲ့ တပတ်ကုန်ခဲ့ရသည်။ အပြင်လောက နှင့် စာရေးသူ နှင့် လားလားမှ မဆိုင်သလိုပင် ။ တပတ်လျှင် ကျောင်း ပိတ်ရက် တစ်ရက်သာ စာရေးသူ၏ အမေနှင့် ဈေးဘက်သို့ရောက်ဖြစ်သည်။

အခုတော့ အသိပညာတွေ အတက်ပညာတွေ စုစည်းဖို့အတွက် တက္ကသိုလ်ဆိုသော မြေသို့ ခြေချခဲ့ရသည်။ လူရည်မလည်တဲ့စာရေးသူ အဖို့ အားလုံးက အသစ်ဆန်းဖြစ်ပြီး ကြောက်စိတ်တောင် အနည်းငယ် ၀င်မိခဲ့သည်။ ကျောင်အပ်တဲ့ နေ့မှာ စာရေးသူ၏အမေကိုယ်တိုင် ကျောင်းလိုက်အပ်ပေးခဲ့သည်။ ကျောင်းစတက်တဲ့ နေ့မှာ ကသိကအောက် တော်တော်လေး နိုင်ခဲ့သည်။ စာရေးသူ ဘေးဘယ်ညာ
ကြည့် လိုက်သည်။ အားလုံးက ဘယ်အချိန်က ခင်လာကြတဲ့သူငယ်ချင်းတွေမသိ အားရပါးရ စုဖွဲ့ပြီး စကားပြောနေကြသည်။တမျိုးကြီး
ဖြစ်နေ သည်။ ကောင်လေးတွေကော ကောင်မလေးတွေကော အတူတူထိုင်လို့ရသား ။

ကြောင်တောင်တောင်နဲ့ ဟိုဘက်ကြည့်လိုက် ဒီဘက်ကြည့်လိုက် ကြည့်နေစဉ်မှာပင် တစ်ယောက်က ပုခုံးလာပုတ်သည်။ငါသိတဲ့သူ
တော့ ရှိသားပဲ လှည့်ကြည့်လိုက်သည်။ ၁၀ တန်းတုန်းက ဘော်ဒါမှာ တစ်ခန်းထဲ အတူနေခဲ့တဲ့ ဘော်ဒါ ဖြစ်နေသည်။ စာရေးသူ အလွန်
ပျော်ရွှင် ခဲ့ရသည်။ နောက်ရက်တွေမှာ မကြောင်တော့ ဘော်ဒါနဲ့ စာသင်လိုက် ကမ်တင်း သွားလိုက် ၊ ပြန်တော့လဲ သူ့အိမ်ပြီးမှကိုယ့်
အိမ်ပြန်တယ် ။ ဒီလိုနဲ့ သိပ်မကြာခင်ပဲ စာရေးသူအတွက် နောက်ထပ်ချစ်ရမယ့် ဘော်ဒါနှစ်ယောက် တိုးလာခဲ့ပြန်သည်။

ဒီလိုနဲ့ တပူးတွဲတွဲ သူငယ်ချင်းတွေ နေခဲ့ကြသည်။ တစ်ယောက်အခက်ခဲကို တစ်ယောက်က ဘယ်တော့မှ ဥပက္ခာမပြုပဲ ဖြေရှင်းပေးခဲ့ ကြသည် ။ ပျော်ရွှင်စွာနေတက်သော လူငယ်များဖြစ်သောကြောင့် သူတို့ရှိနေတဲ့ နေရာတိုင်းမှာ ပျော်ရွှင်မူလေးတွေ ဖြစ်ပေါ်နေတက် သည်။ ကိုယ့် Intake တူချင်းမသိတဲ့သူမရှိသလောက်ပင် ။ စူးစမ်းချင်စိတ်ကလဲ အပြည့်ဖြစ်ခဲ့သည်။ စူးစမ်းကောင်းလို့လဲ ဆရာနေ သော အဆောင်အား ကျော်ဝင်မိသဖြင့် ကျောင်းအုပ်ကြီးအား ဌာနမှုးမှ တောင်းပန်၍ ကျောင်းဆက်တက်ခွင့်ရခဲ့သည် အထိဖြစ်ခဲ့သည်
ကျောင်းမှာ ဘာတဲ့ဆိုရင် ရှေ့ဆုံးက သွားသည်။ အမြဲတစ်စေလဲ လွဲတက်သည်။


တစ်နေ့ ကျောင်းမှာ ဆရာကန်တော့ပွဲတဲ့ ၊ စာရေးသူတို့ အဖွဲ့တက်ကြွနေပြီပေါ့ ။ မနက်ဖြန်ကြရင် ဘာဝတ်မယ်ညာဝတ်မယ်ပေါ့ ။ နောက်ဆုံး မြန်မာတို့ရဲ့ ထုံးတမ်းစဉ်လာအရ တိုက်ပုံကိုရွေးလိုက်သည်။ မရှိလဲမပူ အဖေဟာယူဝတ်မယ်ပေါ့။ မနက်ဆံကေသာကို အုန်းဆီကျော့အောင်လိမ်း တိုက်ပုံဖားဖားကြီးများနှင့် လေးယောက်သား ကျောင်းရောက်ခဲ့သည်။ အားလုံးကတော့ ပေါ့ပေါ့ပါးပါး အဆင်ပြေသလိုဝတ်လာကြသည်။ အတန်းကြီးတောင် တိုက်ပုံမ၀တ် ၊ ဒါပေမယ့် မရှက်ပေါင် မြန်မာ့ရိုးရာပဲ နောက်ဆုံး တိုက်ပုံတွေနဲ့ ဆိုတော့ ရှေ့ဆုံးကတောင် ၀င်ကန်တော့ခွင့်ရခဲ့သည်။

တစ်ယောက်ကလာအော်သည်။ မနက်ဖြန် ဌာနမှာ စာတမ်းဖတ်ပွဲရှိတယ်တဲ့ ။ စာရေးသူတို့ ရောက်အောင်သွားခဲ့သည်။ ဟိုရောက်တော့ အတန်းကြီးများက သူတို့ပြုစုထားတာတွေကို ဖတ်ကြသည်။ မေးသည်ကို ဖြေကြသည်။ အခုမှ ကျောင်းစတက်တဲ့ စာရေးသူတို့နား မလည်။ ဘယ်အချိန်ပြီးသည်တော့မသိ ၊ ကျောင်းစောင့်လာနှိုးမှ ဘော်ဒါလေးယောက်နိုးပြီး ထပြန်ခဲ့သည်။ ဒီလိုနဲ့ ကျောင်းချိန်တွေ ဖြတ်သန်းခဲ့သည်။ ကျောင်းရည်လဲ လည်လာခဲ့သည်။ ကျောင်းတက်ချိန်တက် ၊ လ္ဘက်ရည်ဆိုင်ထိုင်ချိန်ထိုင် ၊ ကျန်အားလပ်ချိန်များအား အကျိုးရှိစွာ ဂိမ်းဆိုင်တွင်ဖြုံးလိုက်သည်။

စာရေးသူတို့ အိမ်မက်ဖြစ်သော ဘွဲ့ကို လေးယောက်လုံး အတူတူယူမယ် ဆိုသော အိမ်မက်လွင့်ပြယ်ခဲ့သည်။ ဘွဲ့ယူအခမ်းနားအား စာရေးသူနှင့် နောက်တစ်ယောက်သာတက် နိုင်ခဲ့သည်။ ဘော်ဒါနှစ်ယောက် တစ်နှစ်ကျနေခဲ့သည်။ ထိုတုန်းကလဲ ယောင်္ကျားလေးများ ဖြစ်ပေမယ့် မျက်ရည်ကြခဲ့ရသည်။ စာရေးသူတို့ နှစ်ယောက် ကျောင်းပြီးသွားတော့ အလုပ်ခွင်ထဲဝင်ဖြစ်ခဲ့သည်။ ကျန်တဲ့ ဘော်ဒါနှစ် ယောက်မှာလဲ ကျောင်းဆက်တက်ဖြစ်ခဲ့သည်။

တစ်နေ့ဘော်ဒါတွေ ညနေပိုင်း လ္ဘက်ရည်ဆိုင်ထိုင်စဉ် ဘော်ဒါတစ်ယောက်ဆီမှ စကားတစ်ခွန်း ကြားလိုက်ရတယ်။ " ငါမိန်းမခိုး မယ်တဲ့ " ၊ အံ့သြသွားခဲ့တယ် ။ ဒါပေမယ့် သူဒီလိုဖြစ်လာပြီ ဆိုတော့လဲ ဘော်ဒါတွေ သွေးဆူလာကြသည်။ အခြေနေ အကျိုးကြောင်း
မေးမြန်းပြီးတော့ စီစဉ်ရတော့သည်။

ဆက်လက်ရေးသားပါအုံးမည်။

မျှော်လင့်သူ.. (သူငယ်ချင်းများအား သတိရလွမ်းဆွတ်လျှက်)

ခရီးသွားမှတ်တမ်း ( ၂ )

နေ့လည်စား စားပြီးတဲ့နောက်မှာ ကျွန်တော်တို့ အပြန်ခရီးကို စတင်ခဲ့ပါတယ်။ လမ်းများ ဆိုးသည့်တိုင်အောင် ရာသီဥတုက သာယာလှ သောကြောင့် သက်သာရာ ရခဲ့သည်။ နေရောင် ဖျော့ဖျော့လေးအောက်မှာ ကျွန်တော်ရဲ့ ဆိုင်ကယ်လေး တစ်ရိပ်ရိပ်ပြေးနေခဲ့သည်။ လမ်း ဘေးတစ်လျှောက် မြင်တွေ့ရသော စပါးခင်းများကလဲ မျက်စိပသာဒ ကျလှသည်။ လူကြီးသူမတွေ ပြောတာ ကြားဖူးသည်။ တောဆိုပြေ မှ မြို့ဆိုပြေ၏တဲ့ ။ အားလုံးတက်ညီလက်ညီနဲ့ လုပ်ငန်းခွင်ဝင်နေတဲ့ မြင်ကွင်းလေးက အားဆေးတစ်ခွက်ထက် အားပိုရှိလှသည်။

ခရီးလမ်း တစ်လျှောက် ဗုဒ္ဓမြတ်စွာဘုရားရှင်၏ ခရီးစဉ်အကြောင်းကို တွေးတောမိပါသည်။ ဘုရားရှင်ဟာ မဟာပုဏ္ဏမထေရ်မြတ်၏ လျှောက်ထားချက်အရ တစ်ပတ်တိုင်တိုင် ၀ါဏိဇ္ဇဂါမရွာသားများအား တရားရေအေး တိုက်ကြွေးခဲ့ပါတယ် ။ ထိုအချိန်မှာ နဂါးမင်းတစ်ပါး ကြွလာပြီး ဘုရားရှင်ထံ လျှောက်ထားသောအခါ ဘုရားရှင်က အပြန်ခရီးတွင် နဂါးမင်း နေထိုင်ရာ အရပ်ဒေသသို့ ကြွချီတော်မူပြီး ခြေ တော်ရာ တစ်စုံ ပေးသနားတော်မူပါသည်။ ထိုနေရာသည် မန်းချောင်းဘေးမှာ ရှိတဲ့ မန်းရွှေစက်တော်ရာ နေရာပဲဖြစ်ပါတယ်။ ထို့နောက်မှာ
ဘုရားရှင် ဆက်လက်ကြွချီခဲ့ရာ မကွေးမြို့ တစ်ဖက်ကမ်း မင်းဘူးမြို့သို့ ကြွချီတော်မူပါတယ် ။ ထိုမြို့၌ပင် မြတ်စွာဘုရားရှင် ကျိန်းစက် တော်မူပါတယ်။

အတွေးလေး နယ်ချဲ့ခဲ့ရာ သိပ်တောင်မကြာလိုက်ပေ ။ မကွေးမြို့တစ်ဖက်ကမ်း မင်းဘူးမြို့သို့ ရောက်ရှိလာခဲ့သည်။ ဘုရားရှင် ကျိန်းစက် ခဲ့တဲ့ နေရာမှာ ဘုရားတစ်ဆူ တည်ထားကိုးကွယ်ခဲ့ပါတယ်။ ထိုစေတီအား စက္ကိန်းတဲ စေတီတော်မြတ်ဟု ခေါ်ဆိုခဲ့ကြပါ တယ်။

(သမိုင်းဝင် စက္ကိန်းတဲစေတီတော်မြတ်ကြီး - မင်းဘူးမြို့)

မင်းဘူးမြို့ဟာ ဧရာဝတီမြစ်နောက်ဖက်ကမ်း ကိုသာ ကြွချီတော်မူပြီး မြစ်အရှေ့ဘက်ကမ်းသို့ မကြွခဲ့ပေ။ စာပေများ၌ မြစ်အရှေ့ဘက် ကမ်းသည် ဘီလူးများကြီးစိုးရာ နေရာဖြစ်သော ကြောင့်ဟုဆိုပါသည်။ ဘုရားရှင် တစ်ညကျိန်းစက်နေစဉ် မြစ်အရှေ့ဘက်ကမ်းမှ ဘီလူးညီနောင်လေးဖော်က သဖန်းသီးနှင့် ဘုရားရှင်အား ဆက်ကပ်ပူဇော်သည်။ ထိုအခါ ဘုရားရှင်က သူကျိန်းစက်ခဲ့သော သိကြား မင်းဖန်ဆင်းသည့် မြသားသလွန်တော်ကို ပေးသနားတော်မူသည်။ ထိုမြသားသလွန်တော်အား မြစ်တဖက်ကမ်းတွင် ထာပနာပြီး စေတီ တစ်ဆူ ပူဇော်လေသည်။ ထိုစေတီအား မြသလွန်စေတီတော်မြတ်ကြီးဟု ခေါ်တွင်တော်မူလေသည်။

(မြသလွန်စေတီတော်မြတ်ကြီးအား မြစ်တစ်ဖက်ကမ်း စက္ကိန်းတဲစေတီတော်မြတ်ပေါ်မှ ဖူးတွေ့ရစဉ်)

(မြသားသလွန်အား ထာပနာ၍ တည်ထားတော်မူသော မြသလွန်စေတီတော်မြတ်ကြီး - မကွေး)

စက္ကိန်းတဲ ဘုရားပေါ်တွင် ခရီးတစ်ထောက်နားပြီးနောက် ခရီးဆက်လက်ထွက်ခွာခဲ့သည်။ နဂါးပွက်တောင် (မင်းဘူးမြို့) ဘက်သို့ မောင်းနှင်လိုက်သည်။ နဂါးပွက်တောင်သည် မြန်မာနိုင်ငံရှိ ရွံ့မီးတောင်များအနက် တစ်ခုဖြစ်သည်။ အချိန်တိုင်းပွက်နေပြီး ထွက်လာ သောချော်ရည်များမှာ အေးခဲနေပြီး ရွံ့များသာ ဖြစ်သည်။ အခုနောက်ပိုင်းမှာ ရွံ့မီးတောင်ကြီးအပြင် ဘေးမီတာအနည်းငယ်မှာပင် နောက်ထက် ရွံ့မီးတောင်ငယ်များလဲ ပေါ်ထွက်လာခဲ့သည်။

(နဂါးပွက်တောင် ပင်မရွံ့မီးတောင်ကြီး - မင်းဘူးမြို့)

(အသစ်ပေါ်ထွက်လာသော ရွံ့မီးတောင်ငယ်များ)

(နဂါးပွက်တောင်အား စောင့်ရှောက်သော နဂါးမောင်နှမ ရုပ်ထု)

ထို့နောက် မင်ဘူးမြို့မှ ဆက်လက်ထွက်ခွါခဲ့ရာ မွန်းလွဲပိုင်း ၂ နာရီလောက်တွင် မကွေးရွှေမြို့တော်ကြီးသို့ ပြန်လည်ရောက်ရှိခဲ့ပါတော့ သည်။

မျှော်လင့်သူ

သြော် ချစ်တက်တာကိုး

နာမည်က မောင်တိုး ၊ အသက်ကလား အခုမှ ၂၂ နှစ်ပြည့်ပြီးကာစ ၊ပညာအရည်ချင်းကတော့ ရေးဖတ်ထက် နည်းနည်းပိုတဲ့ အစိုးရကပေး တဲ့ ဘွဲ့လေး တစ်လုံးနဲ့ပေါ့ ၊ ရုပ်ရည်ကတော့ မချိုမချဉ် ၊ ဒါပေမယ့် လူချစ်လူခင်တော့ လွတ်ပေါတယ် (အဟိ) ၊ ဒါပေမယ့် ရည်းစားက တော့ တစ်ယောက်မှ မရှိ (အခုလက်ရှိကိုပြောတာမဟုတ်ဘူးနော် ) ၊ ဆက်ပြောမယ်နားထောင် ။

မောင်တိုးက လူချစ်လူခင်ပေါပေမယ့် သူ့ဘ၀က အချစ်ခံရုံပဲလားမသိ ၊ သူ့ကို ကြိုက်တယ်သူတွေတော့ များသား (နည်းနည်း လေလုံးထွား လိုက်အုံးမယ်) ၊ အဲဒါခက်တာပဲ သူ့ကို ကြိုက်တဲ့ကောင်မလေး (သင်ဇာဝင့်ကျော် နဲ့များ ခက်ဆင်ဆင် ) ကိုကြတော့ သူက ပြန်မကြိုက် ၊ သြော် ဒါကလဲ လူ့ဘ၀ကြီးကို ဟုတ်ဘူးလား ပရိတ်သတ်တို့ရေ... အဲ ယောင်ကုန်ပြီ စာဖတ်သူတို့ရေ.. အဟီး...

ကဲ ဆက်ပြောမယ် .. ဒီလိုပဲပေါ့ဗျာ ၊ လိုတာမရ ရတာမလိုကိုက လူ့ဘ၀ရဲ့ စာသားလေးတွေ မဟုတ်လား၊ မောင်တိုး တစ်ယောက် ဒီလိုနဲ့ အသက်တောင် ၂၂ ရောက်ခဲ့ပေါ့ ၊ ဖြစ်ချင်တော့ မောင်တိုးတစ်ယောက် ဆန်းပွင့်လာတယ်ဗျာ၊ ဆန်းပွင့်တယ်ဆိုတာ ဒီလိုဗျ၊ သူကြိုက်တဲ့ (ဘယ်နှယောက်မြောက်လဲတော့ မသိ) ကောင်မလေးက သူ့ကို ပြန်ကြိုက်တယ်ဗျာ ၊ မောင်တိုးတစ်ယောက် ဒေါ်လာသန်း ၂၀ မကုန်ပဲ လကမ္ဘာ တစ်ခေါက်ရောက်သွားတယ် ၊ သူ့ကံကလဲဗျာ ဆိုးလွန်းပါတယ် ၊ စာဖတ်သူတို့ရေ ငိုတော့မငိုကြနဲ့နော် ၊ ဖြစ်ချင်တော့ သူနောက် ကောင်မလေး တစ်ယောက်နဲ့ထပ်တွေ့တယ်ဗျာ ၊ မောင်တိုး တစ်ယောက် ငါ့ကံ ဘယ်လောက်ကောင်းသလဲ စမ်းကြည့်မယ် ဆိုပြီး နောက် တစ်ယောက် ချိတ်လိုက်တယ် ၊ ဟိဟိ ကံက ကောင်းတယ်လို့ပြောရမလား ၊ မကောင်းဘူးလို့ပဲ ပြောရမ
လား စာဖတ်သူတို့ရေ...

ဒီလိုနဲ့ မင်းသားက တစ်ပါး ၊ မင်းသမီးလေးက နှစ်ပါးနဲ့ပေါ့ ၊ သြော် ပြောရအုံးမယ် မဒီလေးနှစ်ပါးက ပထမဆုံးတွေ့တဲ့ တစ်ပါးက အ သက်က မောင်တိုးထက်ငယ်တယ် (ရော ဘယ်လောက်ငယ်လဲ စာဖတ်သူတို့ မေးတော့မယ် ) ၃ နှစ်ဗျာ ၃ နှစ် ၊ အသက်ဘယ်လောက် ရှိမလဲ တွက်ကြည့်ပေတော့ ၊ သူနဲ့က တွေ့ရော ချစ်ကြရောပေါ့ ၊ စတွေ့ထဲက စူတဲ့နှုတ်ခမ်း အခုထိလဲ စူတုံးပဲ (အဟီး) ၊ ချစ်ဖို့တော့ ကောင်းသား ၊ ရက်ပိုင်းပဲခြားတယ် နောက်မဒီလေး တစ်ပါးနဲ့တွေ့တယ် ၊ မောင်တိုးထက် ၂ နှစ်ကြီးတယ် ၊ ကိုယ့်ထက်ငယ်တော့လဲ ညီမလေးဆိုပြီး ချစ်လိုက်ပြန်ရော ၊ ဟော ကိုယ့်ထက်ကြီးတော့လဲ မ ဆိုပြီး ပိုးလိုက်တာပဲ ၊ အဟိ အဲထိတော့ ကံအကောင်းဆုံးလူသား လေးပေါ့ ၊

ဒီလိုနဲ့ သိပ်မကြာလိုက်ပါဘူး ၊ မဟာ လမင်းကြီး ပြည့်တဲ့နေ့ တန်ဆောင်မုန်းလပြည့်ရောက်ခဲ့ ပါတယ်ခင်ဗျာ ၊ လက သူ့ဘာသာ အချိန် တန်ပြည့်တာ မှန်ပေမယ့် မောင်တိုး တစ်ယောက် ၀က်သချီးလည် ပါပေတော့တယ်ခင်ဗျာ၊ သြော် မရောက်ခင် တစ်ရက်ပြောပြအုံးမယ်၊
ညီမလေးနဲ့ မနက်ပိုင်းတွေ့တယ် ၊ မောင်တိုးကို ကောင်မလေးက ပြောတယ် ၊ ကို မနက်ဖြန် လပြည့်နေ့ ချစ်သွားချင်တဲ့နေရာ လိုက်ပို့ ပေးတဲ့ ၊ ကဲ မောင်တိုးကလဲ ချစ်တာကိုး အလွယ်တကူပဲ ၊ ဟာ ချစ်ကလဲ ဖြစ်တာပေါ့ လည်ရမှာပေါ့ ၊ တစ်လမှာ တစ်ခါပဲ လပြည့်တာ ကို (ဟင်း သူပြောမှလား လ တစ်လကိုဘယ်နှစ်ခါပြည့်မလဲ) ၊ ကောင်မလေးက ဒါကြောင့် ကို့ကို ချစ်တာတဲ့ ၊မောင်တိုး တစ်ယောက် CIA က ဘင်လာဒင် ဖမ်းမိတဲ့ မျက်နှာမျိုးနဲ့ (ဘယ်လိုလဲ မမေးနဲ့ မှန်းသာကြည့် ) ၊

ဟော နာရီ အနည်းငယ်ပဲ ခြားတယ် ၊ မ နဲ့ တွေ့ပြန်တယ် ၊ အလုပ်တွေလွတ်ရှုပ်နေတယ် ၊ မနက်ဖြန် ပြောထားတဲ့ ကိစ္စ မေ့နေပြီလား တဲ့ ၊ မောင်တိုး စဉ်းစားရပြီ ၊ အဲဟုတ်သားပဲ မ ပြောထားတယ်လေ ဘုရားဖူးသွားမယ့် ကိစ္စ ၊ မေ့နေတာတော့ အမှန် ဒါပေမယ့် မောင် တိုး ချောင်းတစ်ချက် ဟန့်လိုက်သည် ၊ မ ကပြောတော့မယ် ဒါက မေ့စရာလား လိုက်ပို့ပေးမှာပေါ့ ၊ မနက်ဖြန် မနက် ၆ နာရီ စောင့်နေ လာခေါ်မယ် ၊ သြော် စာဖတ်သူတို့ရေ အပြစ်တော့မပြောကြပါနဲ့ ၊ ဒီတစ်ယောက်ကိုလဲ မောင်တိုးက ချစ်တာပါပဲ၊ (အားကြနေပြီလား မ သိ) ၊ မောင်တိုး တစ်ယောက် အချိန်တွေကို စီမံ ခန့်ခွဲရလေပြီ ၊ ရော ငါ ဘာစဉ်းစားနေတာပါလိမ့် ၊ မ နဲ့က မနက်သွား ချစ်နဲ့က ညနေ အဆင်ပြေနေတာပဲ ၊

မောင်တိုး တစ်ယောက် အစီစဉ်ကောင်းလို့ ရက်ကြပ်ထဲမှ အောင်မြင်စွာ ဖြတ်သန်းလာခဲ့သည် ၊ နည်းနည်းလေးပဲ စိတ်မောလိုက်ရ သည် ၊ သူအောင်မြင်လို့ ပျော်တဲ့မျက်နှာမျိုး မြင်ဖူးလား ၊ မမြင်ဖူး တွေးကြည့်ပြောမယ် (ဘောလုံးတစ်သင်း ပွဲကြပ်ထဲ နိုင်အောင် ကန် နိုင်လို့ ပျော်နေတဲ့ မန်နေဂျာရဲ့ မျက်နှာနဲ့ ခက်ဆင်ဆင် ) ၊ ကဲ လေကြော မရှည်နေတော့ပါဘူး ၊ ဆက်ပြောမယ် ၊

တစ်နေ့ မောင်တိုး တစ်ယောက် သီချင်းလေးဖွင့်ပြီး ညိမ့်နေတုံး ရှိသေးတယ် ၊ ချစ် (ညီမလေးကို ထိုသို့ခေါ်သည်) ၀င်လာသည်၊ ကို ဆိုင်ကယ်တိုက်လို့တဲ့ ၊ မောကြီးသုတ်ပြာနဲ့ ၊ မောင်တိုးက မေးလိုက်တယ် ဘယ်နားမှာလဲ ၊ ဖြေပါတယ် အရှေ့မှာတဲ့ ၊ ခက်တယ် ဘာ လို့သွားကြည့်နေလဲ ၊ လန့်သွားမှာပေါ့ ရေသောက် ၊ ကို ဟုတ်ဘူး ချစ်ဆိုင်ကယ်နဲ့ တိုက်ပစ်တာတဲ့ ၊ ဟိုက် ဘုရား (This Is Police Case) ၊ ရင်တွေခုန်လိုက်တာ (လန့်တာကို ပြောတာနော်) ၊ ကဲ မောင်တိုးတို့ သူရဲကောင်းလုပ်ဖို့ အချိန်တော့ တန်ပြီ၊ ချစ်သူရှေ့ မား မားရပ်လို့ပေါ့ ၊ ချစ်တိုက်တာ များလားဟင် ၊ ကိုကလဲ ထွက်ကြည့်ပါအုံး ၊ ဟုတ်သားပဲ ၊ မောင်တိုးတစ်ယောက် ထွက်ကြည့်ရတာပေါ့၊ ဒါနဲ့ လူနာကို ဆေးခန်းလိုက်ပို့ ဟိုပို့ ဒီပို့နဲ့ မောင်တိုး တစ်ယောက်လဲ အတော်တန်ကို မောသွားတယ် ၊ ကိစ္စတွေတော့ အားလုံးပြီးပါပြီ ဆရာဝန်က မနက်ဖြန်ထပ်လာပါတဲ့ ၊ ကွိကွိ ၊

ကဲ မောင်တိုး တစ်ယောက် မနက်ဖြန် ဘယ်လိုနှစ်ပါး (အဲ သုံးပါး ဖြစ်သွားပြီ) ၊ ဘယ်လိုသုံးပါးသွားမလဲ ဆက်ဖတ်ပေးပါအုံး စာဖတ်သူ အပေါင်းတို့ရေ ( ဒူေ၀၀၀၀၀၀၀၀၀၀၀၀၀၀၀၀၀၀၀၀၀ )

မျှော်လင့်သူ (စိတ်ကူးပုံဖော်သည်)

Myanmar Internet User

မြန်မာ Internet user တစ်ယောက် ဆိုင်ထဲဝင်လာသည်။ သူအရင်ဆုံး ဘာလုပ်မည်နည်း ? G-talk ၊ MIRC ၊ VZO စသည့် Chatting Browser တွေ အကုန်သူဖွင့်လိုက်သည်။ တစ်မျိုးကို Account သုံးလေးခုနှင့်ပေါ့ ။ အချိန်အတော်တန် ကြာအောင် သူအသုံးပြုလိုက်သည်။ ထို့နောက် ကောင်တာမှာ ငွေရှင်းလိုက်သည်။ စာဖတ်သူတို့ စဉ်းစားကြည့်ပါ သူဘာရသွားသနည်း ?

ကျွန်တော်တို့ ကမ္ဘာကြီးဟာ အခုဆိုလျှင် အလျင်မြန်တိုးတက်လာပြီး ကမ္ဘာကြီးမှာ ရွာကြီးတစ်ရွာ ဖြစ်လာခဲ့သည်။ အဖြစ်ပျက်တွေလဲ ပြောင်းလဲမြန်ဆန်လွန်းလှသည်။ စီးပွားရေး ၊ လူမှုရေး ၊ ကျန်းမာရေး ၊ ပညာရေး စသည်ဖြင့် တရိပ်ရိပ်နှင့် မြန်ဆန်စွာ တိုးတက်လာသည်။ ကျွန်တော်တို့ အနေနှင့် ထိုသို့တိုးတက်မှုများကို လက်လှမ်းမှီသလောက် လေ့လာနိုင်မှသာ သူများနောက်မကျန်နေခဲ့ပဲ သူများနှင့် ရင်ဘောင်တန်းနိုင်မှာ ဖြစ်ပါတယ်။ Chat ဆိုသည်မှာ မြန်မာအနက်အဓိပ္ပာယ်အရ အလ္လာပသလ္လာပ ၊ အပျင်းဖြေ စကားပြောသည်ဟု အဓိပ္ပာယ်ရပါတယ်။ လူတစ်ယောက်ဟာ တစ်နေ့မှာ အလ္လာပသလ္လာပ ပြောဖို့ အချိန် ၃ နာရီလောက် သုံးတယ်ဆိုရင် သင့်တော်ပါ့မလား။ မြန်မာလူငယ် အများစုအနေနှင့် Chat ကိုအမုန်းသုံးစွဲ ကြတာကို အမြဲတွေ့နေရပါတယ်။ နေကောင်းလား၊ စားပြီးပြီလား ၊ ဘာတွေလုပ်နေသလဲ စသဖြင့် စကားစချီပြီး ပြောနေကြသည်။ အရှိန်လေး နည်းနည်းရလာလျှင် ရည်းစားစကား ဖွင့်ပြောမည်။ ဒါသည် တစ်ယောက်ထဲနှင့် မဟုတ် နောက် Account တစ်ခုမှ တစ်ယောက်အားလဲ Q လိုက်သေးသည်။ ဘေးမှ ကြည့်လိုက်လျှင် ကမ္ဘာ အလုပ်ရှုပ်ဆုံး လူသားဟုတောင် ထင်ရသည်။ စာဖတ်သူတို့အနေ နှင့် ကျွန်တော့်အား Chatting လုပ်ခြင်းအား မုန်းတီးသည်ဟု ထင်ကောင်း ထင်နိုင်ပေလိမ့်မည်။ ကျွန်တော် မမုန်းပါ ၊ မုန်းစရာအကြောင်းလဲ မရှိပေ။ ကျွန်တော် ဆိုလိုရင်းက လူငယ်တွေ အသုံးမှားနေခြင်းကိုသာ ဆိုလိုပေသည်။

မြန်မာ စကားပုံ တစ်ခုရှိသည် ။ " တစ်ရွာ တစ်ကျီဆောက်ပါ " ။ ခေတ်ကြီး တိုးတက်လာသည်နှင့်အမျှ တစ်နေရာမှ တစ်နေရာ ရောက်မှ မိတ်ဖွဲ့နေစရာ မလိုတော့ပဲ ပြည်နယ်နှင့် တိုင်းအသီးသီးမှာ ရှိတဲ့ ညီကိုမောင်နှမတွေ Online ပေါ်မှာ တွေ့ကြပြီး မိတ်ဆက်ရင်း ခင်မင်ရင်နှီးနိုင်ပေသည်။ ကွဲကွာနေသော သူငယ်ချင်းများ မိဘဆွေမျိုးများ Online ပေါ်မှာ လွယ်လင့်တကူ တွေ့ဆုံကြပြီး ဆက်သွယ်နိုင်ကြသည်။ မိတ်ဆွေရင်းကဲ့သို့သော ဘော်ဒါများလဲ ရရှိနိုင်ပေသည်။ ထိုသို့ အရမ်းအသုံးဝင်လှသော Chatting ကို အကျိုးရှိစွာ အသုံးချစေချင်သည်။

ကမ္ဘာပေါ်မှာ နေ့စဉ်ပြောင်းလဲ နေသမျှကိုလဲ သွားရောက်ကြည့်ရှုနေစရာ မလိုပဲ Internet ပေါ်မှပင် လွယ်လင့်တကူ ရှာဖွေကြည့်ရှုနိုင် သည်။ သူများနိုင်ငံတွေမှာ တိုးတက်ဖွံ့ဖြိုးနေသည်ကို သွားရည်ယိုခိုင်းသည် မဟုတ်ပါ။ သူတို့တွေ ဘယ်လိုကြိုးစားလို့ ဘယ်လိုအောင် မြင်သည်ဆိုတာကို အတုယူစေချင်သည်။ Internet တစ်နာရီ သုံးမည်ဆိုပါက ထိုသုံးသည့် အချိန်ထဲမှ မိမိအတွက် အကျိုးရှိမည့် အကြောင်းရာများကို လေ့လာရှာဖွေ မှတ်သားစေချင်သည်။ တစ်ချို့ Internet User များ G-talk နှင့် Gmail ဆက်စပ်သည်ဆိုတာကို တောင် သိပ်မသိဘူးဖြစ်နေသည်။ သူတို့တွေ Internet သုံးသည့်အချိန်တွေမှာ ဘာတွေလုပ်နေသနည်း။

ထိုသို့ပြောသောကြောင့် စာဖတ်သူများ မေးချင်ကြလိမ့်မည်။ " စာရေးသူကော ဘာသိသနည်း " ။ ကျွန်တော် ဖြေချင်ပါသည်။ ကျွန်တော် Internet နှင့်ပတ်သတ်၍ အပုံ ၁၀၀ ပုံ ၁ ပုံတောင် သိချင်မှ သိပါလိမ့်မည်။ သို့သော် ကျွန်တော်အားမငယ်ပါ ။ ဘာကြောင့်လဲ ? ကျွန်တော့်မှာ လေ့လာချင်စိတ် အပြည့်ဝရှိသည်။ အမြဲတစေလဲ လေ့လာသည်။ ဟိုလူ ဒါသိသည် ၊ ကျွန်တော်လဲ သိရမည် ၊ သိအောင်လဲ ကြိုးစားသည်။ ဟိုလူ ဟိုဟာသိသည် ၊ ကျွန်တော်လဲ သိရမည် ၊ သိအောင်လဲ ကြိုးစားမည် ။ စာရေးသူတို့လဲ သိကြမှာပါ Google ဆိုတာကကြီးက Internet ပေါ်က စာကြည့်တိုက်ကြီးတစ်ခုပါပဲ ။ စာဖတ်သူတို့ ဘာသိချင်လဲ ၊ ဘာတက်ချင်လဲ၊ ဘာတွေလေ့လာချင်လဲ ။ Google ထဲမှာ ရိုက်ထည့်လိုက်ယုံနဲ့ မိမိလိုချင်တာနဲ့ အနီးစပ်ဆုံးဖော်ပြပေးလိမ့်မည်။ ကဲဘယ်လောက်လွယ် သလဲ ။ ကျွန်တော် သိချင်သမျှ ဘာပဲလိုလို Google မှာပဲ ရှာကြည့်လိုက်သည်။ ရှာပေးနိုင်သည်။

စာဖတ်သူတို့ကို ဟာသအနေနဲ့ ကျွန်တော်တစ်ခုပြောပြ ပါမည်။ ကျွန်တော် Network နှင့် ပတ်သတ်သမျှကို Google ထဲမှာပဲ ရအောင် ရှာသည်။ သူငယ်ချင်းတစ်ယောက် ကျွန်တော့်နားလာပြီး ဆိုင်ကယ်သော့ပျောက်သဖြင့် လာငြီးနေသည်။ ကျွန်တော်ပြောလိုက်သည် မင်း Google ထဲမှာ My Motorcycle Key လို့ ရိုက်ထည့်လိုက်ပါလားလို့ ဟာသအနေနဲ့တောင် ပြောမိပါသည်။ ထိုမျှလောက် အသုံးဝင် သည်ကို စာဖတ်သူတို့ အကျိုးရှိရှိ အသုံးချစေချင်သည်။ ကမ္ဘာတစ်ဝှမ်းမှာ နာမည်ကြီးနေသည့် Social Website ကြီးတွေ ဖြစ်တဲ့ Facebook တို့ Tagged တို့ကိုလဲ ၀င်ရောက် အသုံးပြုစေလိုသည်။ ကျောင်းသား၊ ကျောင်းသူများအနေနဲ့လဲ မိမိတို့ ပညာအရေးနဲ့ ပတ်သတ်သမျှကို Internet ပေါ်မှာ ရှာဖွေလေ့လာစေချင်သည်။

နောက်တစ်ခု ကျွန်တော်ပြောချင်ပါသည်။ မြန်မာ Internet user တွေ အသုံးပြုနေတဲ့ Word ပိုင်းနဲ့ ပတ်သတ်လို့ပါ။ အသုံးပြုသူ တော်
တော်များများမှာ Broken English ( မြန်မာအသံထွက်အား English စာလုံးနှင့် ရေးသားသည်။) ကို အသုံးပြုနေတာကိုပါ။ ဒါကလဲ လွဲမှားနေတာ တစ်ခုပါပဲ။ အချိန်အများကြီး အသုံးပြုသည့် တိုင်အောင် ကိုယ့်အတွက် အကျိုးမရှိတာမျိုး ဖြစ်နိုင်ပါသည်။ ကမ္ဘာတစ်ဝှမ်း ရှိ လူမျိုးကြီး တော်တော်များများမှာ ကိုယ့်လူမျိုး စာလုံးကိုသာ အသုံးပြုကြပါသည်။ ကျွန်တော်တို့ အနေနှင့်လဲ English word သုံးသည့် အခါမှာ English စာသုံးတိုင်းသာ အသုံးပြုစေလိုပါသည်။ ပုံမှန်ပြောဆိုမှုကို Simple English မျိုးကို အသုံးပြုလို့ ရပေသည်။ နောက်တခုက ကိုယ့်လူမျိုး စာလုံးကိုလဲ အသုံးပြုစေချင်သည်။ Myanmar word ကိုလဲ ကြိုးစားရိုက်စေချင်သည်။ ခက်သည်ဆိုပြီး မရိုက်လျှင် တစ်သက်လုံး တက်မည် မဟုတ်ပေ။ မည်သူမှ မွေးကတည်းက မတက်သည်ကို သတိပြုစေလိုသည်။ အဓိကကျသည်မှာ မိမိ၏ စူးစမ်းချင်စိတ် လေ့လာလိုစိတ်ပေါ်သာ မူတည်ပါသည်။ အစပိုင်းမှာ ခက်ခဲသော်လဲ နောက်ပိုင်းတွင် လွယ်ကူစွာ ရိုက်နိုင်ပေလိမ့် မည်။ နောင်တစ်ချိန်တွင်လဲ အသုံးဝင်ပေလိမ့်မည်။

တိုးတက်မှုတိုင်းမှာ ကောင်းကျိုး နှင့် ဆိုးကျိုး ထိုနှစ်မျိုးဟာ ဒွန်တွဲနေတက်ပါတယ်။ စာဖတ်သူတို့ကို သတိပြုစေလိုစေချင်သည်က မိမိကုန်ခဲ့သော အချိန် နှင့် ငွေ အပေါ်တွင် ကောင်းကျိုးများသာ သက်ရောက်ဖို့ပါပဲ ။ Internet ပေါ်မှာ လူငယ်တို့လမ်းမှား ရောက်စေ နိုင်သော ညစ်ညမ်း Website များ သိန်းပေါင်းများစွာ ရှိပေသည်။ ထိုအတွက်သာ သင့်ရဲ့ အချိန် နှင့် ငွေကို ကုန်ဆုံးစေပါက သင့်အတွက် အကျိုးယုတ်ယုံ သာဖြစ်ပေလိမ့်မည်။ ထိုသို့ပါက Internet မသုံးတက်သည်ကပင် သင့်အတွက် ကောင်းပေလိမ့်မည်။ Internet ပေါ်တွင် တန်ဖိုးရှိသော Website များကို လေ့လာနိုင်ယုံသာမက ထို Website တည်ဆောက်ပုံများကိုလဲ အချိန်ပေးနိုင်လျှင် ပေးနိုင်သလို လေ့လာနိုင်ပေသည်။

ပညာ နှင့် ပတ်သတ်လျှင် ရှက်ကြောက်သည့် စိတ်မထားသင့်ပါ။ "ပညာရှာ ပမာ သူတောင်းစား" ဆိုသော မြန်မာ စကားပုံအား လူငယ်တို့ လက်ကိုင်ထား သင့်ပေသည်။ သင် မသိခဲ့သည်ရှိသော သင်အသုံးပြုသော Cyber မှ တာဝန်ရှိသူများကို ပြခိုင်း၍ ရပါသည်။ သင့်အနေနှင့်လဲ သူတစ်ခါ လုပ်ပြသည်ကို အတွေးထဲမှာ ဆွဲမြဲအောင် မှတ်ထားသင့်သည်။ တစ်ခါခေါ်ပြခိုင်းသည် ၊ နှစ်ခါခေါ်ပြခိုင်း
သည် ၊ အကြိမ်များလာလျှင် သင်ကိုယ်တိုင် ဆိုလျှင်လဲ စိတ်ရှည်နိုင်မည် မဟုတ်တော့ပေ။ အခွင့်ခါ သင့်တိုင်းမှာ သင့်ရဲ့ Network ပိုင်းအသိပညာကို တိုးတက်အောင် ကြံဆောင်နိုင်အောင် သင်ကိုယ်တိုင်သာ စွမ်းဆောင်ရပေမည်။
မြန်မာ Internet User များ တိုးတက်ရေးကို အစဉ်ရှေးရှုလျှက်....

မျှော်လင့်သူ..

ကောင်လေး နှင့် ကောင်မလေး

ကောင်လေး နှင့် ကောင်မလေး

တစ်နေကုန် အလုပ်တွေနဲ့ရှုပ်နေတဲ့ ကောင်လေး ညနေပိုင်းလောက်မှာ ရေမိုးချိုးပြီးကွန်ပြူတာရှေ့ဝင်ထိုင်ဖြစ်ခဲ့တယ်. သူ့ရဲ့ Gtalkထဲ
မှာ သူမသိတဲ့ Account တစ်ခုကိုသူတွေ့လိုက်တယ်.. အမှတ်မထင်ကြည့်နေတုန်းမှာပဲ " Hi " ဆိုပြီး နှုတ်ခွန်းဆက်တဲ့စကားလေး တက်
လာခဲ့တယ်. သူကြောင်ကြည့်နေမိတယ်. နောက် သူပြန်ထူးလိုက်တယ်.
" Hello " .
ဒါနဲ့ ဘယ်ကမှန်းမသိတဲ့ Account ပိုင်ရှင်လေးနဲ့ သူစကားပြောမိတယ်. ဒါပေမယ့်သူစိတ်သိပ်မကြည်ဘူး.တဖက်ကြောင့်ဟုတ်မယ်
မထင်. တစ်နေကုန်အလုပ်ရှုပ်နေတဲ့အတွက်အရမ်းပင်ပန်းနေတဲ့အတွက်ကြောင့်ပါ. ဒါနဲ့ပဲ သူစကားသိပ်မပြောတော့ပဲလက်စသတ်လိုက်
တယ်.
"ကျွန်တော် အရမ်းပင်ပန်းနေလို့ နားတော့မယ် နော်. နောက်မှတွေ့တော့မယ်နော်."
လို့ကောင်လေး ပြောလိုက်တယ်.
"နောက်ကော ခင်လို့ရလားဟင်"
"ဟုတ်ကဲ့ ရပါတယ်."
သူ Account ကို Signout လုပ်လိုက်တယ်.နောက်နေ့မှာ ဒီလိုပဲ ကောင်လေး အလုပ်တွေပြီးလို့ Online တက်ဖြစ်တယ်.မနေ့က Account ပိုင်ရှင်လေး ရှိနေတာကို သူသတိမပြုမိခဲ့ဘူး.ခဏလောက်နေတော့ msg တက်လာတယ်.
" ယူတို့ကို မခင်ဘူးနော်."
ကောင်လေး ပြန်ဖြေလိုက်တယ်
" မဟုတ်ပါဘူး ယူရောက်နေမှန်း ကျွန်တော် သတိမထားမိလို့ပါ"
သူမကျေနပ်အောင် ကောင်လေးတောင်းပန်လိုက်တယ်. ဒီလိုနဲ့ကောင်လေးနဲ့ ကောင်မလေးရင်းနှီးခဲ့တယ်. ကောင်မလေးက ညပိုင်း
ဆိုရင် ကောင်လေးဆီကို ဖုန်းအမြဲခေါ်တယ်.ကောင်လေးက ကောင်မလေး သူ့အပေါ်စိတ်ဝင်စားတာကို သူရိပ်မိခဲ့တယ်. ဒါပေမယ့် ကောင်လေးက အရမ်းချစ်တက်တယ်. သူအရမ်းလဲ အသဲကွဲဖူးတယ်.ဒါကြောင့် အချစ်ကိုကြောက်နေပြီး သူရှောင်ဖယ်ဖယ်လုပ်နေခဲ့ တယ်. ဒါပေမယ့် သေချာတာကတော့ သူလဲ ကောင်မလေးကိုစိတ်ဝင်စားနေမိတာပဲ.နောက်ပိုင်း ကောင်လေးကသူ့စိတ်ကိုမထိန်း ချုပ် နိုင်တော့ပဲ ..ဖုန်းပေါ်မှာပဲ သူဖွင့်ပြောလိုက်တယ်...............

အချိန်စက်ဝန်းလည်ပတ်ခဲ့တယ်.သူတို့ အွန်လိုင်းချစ်သူဖြစ်တာ တစ်လပြည့်ခဲ့ပြီ.အရာအားလုံး အဆင်ပြေခဲ့တယ်. သံယောဇဉ်တွေလဲ ခိုင်မြဲလာခဲ့တယ်.နှစ်ယောက်သား ဘ၀ထူထောင်ဖို့ အိပ်မက်တွေမက်ခဲ့တယ်.သိပ်မကြာခင်မှာပဲ လှိုင်းခတ်လာခဲ့တယ်.ကောင်မလေးကို သူ့အိမ်ကမိဘတွေက အိပ်ထောင်ပြုပေးဖို့ စီစဉ်ကြတယ်.ကောင်မလေးကငိုပြီး ကောင်လေးကိုဖုန်းနဲ့ပြောတယ်.ကောင်လေး အကြီးကျယ်တုန်လှုပ်သွားတယ်.မျက်နှာမမြင်ဖူးကြပေမယ့် စိတ်ထဲမှာတော့ အရမ်းရင်းနှီးနေကြတဲ့ ချစ်သူတွေလေ.. ဒါပေမယ့်ကောင်
လေးမှာ အဝေးတစ်နေရာကဆိုတော့ မလှုပ်သာပဲကောင်မလေး အခြေနေကိုသာ နားစွင့်နေခဲ့ရတယ်.ကောင်မလေးကလဲကောင်လေး
ကို အရမ်းချစ်တော့ အိမ်ကစီစဉ်ပေးတာကို အတင်းငြင်းဆန်ခဲ့တယ်. တစ်ခါမှ ပြန်ခံမပြောဘူးပေမယ့်..ကောင်လေး အတွက်သူပြောခဲ့ တယ်. နောက်ဆုံး ကောင်လေးနဲ့ ကောင်မလေး အတူတူ တစ်နေရာကိုထွက်ပြေးပြီး ဘ၀တစ်ခု ထူထောင်ဖို့ ဆုံးဖြတ်လိုက်တယ်.ဒါနဲ့
ကောင်လေးနဲ့ ကောင်မလေး အချိတ်ဆက်လုပ်ပြီး.ထွက်ပြေးဖို့စီစဉ်ခဲ့တယ်.ကောင်လေး ကောင်မလေးဆီ လာဖို့ ကားဂိတ်ဆင်းခါနီး မှာပဲ.ကောင်မလေး ညီမလေးဆီက ဖုန်းဝင်လာခဲ့တယ်.ဒါနဲ့ အပြေးအွန်လိုင်းပေါ်တက်မိတယ်.အွန်လိုင်းပေါ်မှာ တွေ့လိုက်ရတာ သူရဲ့ ချစ်သူမဟုတ်ပဲ..မိဘတွေသဘောတူထားတဲ့ ကောင်လေးတစ်ယောက်ပါ.ကောင်မလေးကို မေ့ပစ်လိုက်ဖို့ ကောင်မလေးကမိဘတွေကို မလွန်ဆန်နိုင်လို့နောက်ဆုံးသူနဲ့ လက်ထက်မယ်. မင်းတို့က အိမ်မက်သက်သက်ပါ..အဓိပ္ပာယ်မဲ့စွာ သံရည်ပူလို ပူတဲ့ စကားလုံးတွေ သူ့နားထဲ လောင်းထည့်ခံလိုက်ရတယ်.ကောင်လေး အရမ်းခံစားရတယ်.သူ့ရဲ့ အစီစဉ်ကို လက်လျှော့ခဲ့ရပေမယ့် သူကောင်မလေးကို တစ်ရက်မှမမေ့ပဲသတိရလွမ်းဆွတ်နေခဲ့မိတယ်.

တပတ်ပြည့်တဲ့နေ့မှာ ဖုန်းဝင်လာခဲ့တယ်.မိဘတွေသဘောတူထားတဲ့ ကောင်လေးဖြစ်နေခဲ့တယ်..ဖြစ်ပျက်ခဲ့တဲ့ နေ့ကစပြီးကောင်မ လေး ထမင်းလဲ မစားတော့ဘူး.အပြင်လဲမထွက်တော့ဘူး.. နေလဲမကောင်းဖြစ်နေတယ်တဲ့.ဒါကြောင့် မင်းဖုန်းဆက်ပြီးကောင်မလေး ကို ထမင်းစားအောင်ပြောပေးတဲ့..ပြီးတော့ သူမင်းကို စိတ်နာအောင်လဲပြောပေးတဲ့...ချစ်သူဒီလိုဖြစ်နေပေမယ့် ကောင်လေး ဖုန်းဆက်
ဖို့ငြင်းဆန်လိုက်တယ်.သူကောင်မလေး ရဲ့စိတ်ကိုသူအသိဆုံးပဲလေ. ကောင်မလေးအခုလိုခံစားရသလိုကောင်လေးလဲခံစားနေရတာ
လေ. သူပြောလိုက်ရင် ကောင်မလေးသေလောက်အောင် ခံစားရမယ်ဆိုတာ သိနေတယ်လေ. သူမပြောဘူးလို့ ဆုံးဖြတ်လိုက်တယ်. နောက်ရက်အနည်းငယ်ကြာမှာ ဖုန်းဝင်လာခဲ့တယ်. ကောင်မလေးဖြစ်နေတယ်.ကောင်လေး အရမ်းပျော်သွားတယ်. အိမ်ကနည်းနည်း အလျှော့ပေးလိုက်တယ်.ဒီတကြိမ်မှာတော့ ကောင်လေး လက်လွှတ်မခံချင်တော့ ကောင်မလေးကိုလာတွေ့ဖို့အမြန်ဆုံးဖြတ်လိုက်တယ်. ဒါပေမယ့် ကောင်လေးအပျော်တွေမကြာခဲ့ပါဘူး.. သူမေးလ် တစ်စောင်လက်ခံရလိုက်တယ်..

ကိုကို..
မပြောချင်ဆုံးစကားကိုပြောရတော့မယ်..
ဒီရက်တွေမှာကိုကို့ ကိုလွမ်းနေခဲ့တာပါ..
မလုပ်ချင်တာတွေကို ကိုကို့ကြောင့်လုပ်ခဲ့တယ်.
ချိန်းထားတဲ့အချိန်မှာ ကိုကို့ဆီက လာနိုင်ဖို့အမြဲစဉ်းစားနေမယ်နော်..
၈လပိုင်း ၂၁ နေ့ကနေပြီး ကိုကိုနဲ့ မတွေ့တော့ဘူးနော်..
အွန်လိုင်းကိုလဲမ၀င်တော့ဘူး.. ဖုန်းလဲမဆက်တော့ဘူး..
ကိုကို မတွေ့ကြတဲ့အချိန်တွေမှာလွမ်းနေမယ်..
ရင်ထဲမှာလဲ ကိုကိုတစ်ယောက်ထဲပဲရှိနေမယ်..
ယုံကြည်မယ်.. ကိုကိုလဲ ----နဲ့ထပ်တူရှိမယ်လို့ ယုံနေမယ်နော်..
ကိုကို.. ပြန်လာခဲ့မယ်နော်.. ကိုကို..စောင့်နေပေးပါနော်.
ကိုကို့ ကို ---- ချစ်တယ်..
ကိုကိုနေကောင်းအောင် အမြဲဂရုစိုက်ရမယ်နော်..
-----နဲ့ ကိုကိုချစ်ခဲ့ကြတာ ပုံပြင်မဟုတ်ဘူးဆိုတာ..
အာလုံးသိဖို့ ----- ကိုိုကို့ဆီကိုရောက်အောင်လာခဲ့မယ်နော်..
ကိုကို.. ---- ကိုမမေ့ပါနဲ့နော်..
ကိုကိုချစ်နေပါနော်..
ချစ်တယ် ..ကိုကို(ကိုကို့ချစ်ဇနီး)

ဒီ msg လေးရပြီး နောက်ပိုင်း ကောင်လေးနဲ့ ကောင်မလေး မတွေဖြစ်ကြတော့ဘူး..ကောင်မလေး ပျောက်သွားလိုက်တာဘယ်ဆီ
ရောက်နေမှန်းတောင် ကောင်လေးမသိခဲ့ပါဘူး.အချိန်တွေ တဖြည်းဖြည်း ကြာမြင့်လာခဲ့ပါတယ်.ဒါပေမယ့် ကောင်လေးတစ်ယောက် ကောင်မလေးကို နေ့စဉ်နဲ့အမျှ.သတိရလွမ်းဆွတ်နေမိတယ်.. ကောင်မလေးပေါ်မှာပဲ ထာဝရ သစ္စာရှိဖို့ဆုံးဖြတ်ထားတယ်ချိန်းထား
တဲ့ရက်မှာ ပြန်တွေ့ကြမယ်လို့ အစွမ်းကုန်ယုံကြည်နေမိတယ်...ကောင်လေး အချစ်တွေ ထာဝရမပျောက်ကွယ်ပဲကောင်မလေးကိုထာဝရ
ချစ်နေမယ်ဆိုတာ ကောင်မလေး သိနေပါစေလို့ ဆုတောင်းရင်း..
(4.9.2012)

စာဖတ်သူတို့အား အစဉ်လေးစားလျှက်..

မျှော်လင့်သူ..

ကျောင်းတော်ရာ ဘုရားသမိုင်းအကျဉ်း

(ကျောင်းတော်ရာ စေတီတော်မြတ်ကြီး)

ရှေးအခါက လှည်းကုန်သည်များ လှေကုန်သည်များ စုပေါင်း နေထိုင်သောကြောင့် ကုန်သည်ရွာ ပါဠိလို
ဝါဏိဇ္ဇဂါမလို့အမည်တွင်ခဲ့ပါတယ်။ ထိုရွာတွင် မဟာပုဏ္ဏနှင့် စူဠပုဏ္ဏဆိုတဲ့ သူကြွယ်ညီနောင် နှစ်ဦးရှိခဲ့ပါတယ်။ ထိုညီနောင်နှစ်ဦးဟာ ကုန်သွယ်မှုပြုကြပါတယ်။ နောင်တော်က လှေနှင့်ကုန်ရောင်းထွက်လျှင် ညီတော်က အိမ်၌နေ၍ကုန်များကို စုဆောင်းပေးပြီးအလှည
့်ကျ လုပ်ဆောင်ကြသည်။

တစ်နေ့၌ အစ်ကိုတော် မဟာပုဏ္ဏဟာ ယူဇနာ ၃၀၀ ဝေးကွာသောမဇ္ဈိမတိုက် ယခုအိန္ဒိယတိုင်း သာဝတ္ထိပြည်သို့ ဆိုက်ရောက်သဖြင့် ဇေတ၀န်ကျောင်းတော် နှင့်မနီးမဝေးသောအရပ်၌ စခန်းချနေကြလေသည်။ အရင်ဘ၀များစွာ ကတည်းကပါရမီရင့်သန်လာခဲ့သော
မဟာပုဏ္ဏအဖို့ ဘုရားရှင်ရဲ့ တရားတော်တွေကို ကြားနားရပြီးရဟန်းပြုလိုသဖြင့် ဘုရားရှင်ထံ၌ ခွင့်တောင်းပြီးရဟန်းပြုကာပိုင်ဆိုင်
သမျှ ပစ္စည်းဥစ္စာများအား ဘဏ္ဍာစိုးကြီးမှတဆင့် လွှဲပေးခဲ့သည်။ ရဟန်းပြုပြီးသည့်နောက် မဂ်ဖိုလ်တရားမထင်နိုင်သဖြင့် ဤနေရာ
သည် ငါနှင့်မအပ်စပ် ငါမွေးရပ်ကိုပြန်၍ အားထုတ်ပါက ထင်နိုင်သည်ဟု တွေးမိသဖြင့် ဘုရားရှင်ထံ ခွင့်တောင်းပြီး ပြန်ကြွလာခဲ့သည်။

မဟာပုဏ္ဏမထေရ်မြတ်သည် သုနပရန္တတိုင်းအရပ်၌ လေးဌာနသတင်းသုံးတော်မူပါသည်။ အဇ္ဇုဟတ္ထတောင် ၊ သမုဒ္ဒဂီရိကျောင်းရာ ၊ မာတုလဂီရိ ၊ မကုလကာမ၀ိဟာရ ဌာနတို့မှာ သတင်းသုံးတော်မူပါသည်။ ဦးစွာ သုံးဌာနမှာစိတ်ငြိမ်မူမရှိခြင်းကြောင့် နောက်ဆုံး မကုလကာမ၀ိဟာရမှာသာ သီတင်းသုံးပြီး မဂ်ဖိုလ်တရားထင်နိုင်ပေတော့သည်။

(မဟာပုဏ္ဏမထေရ်မြတ်)

နောက်ဆုံးသတင်းသုံးသော ဌာနမှာ ညီတော်တို့ရွာနှင့် မနီးမဝေးတည်ရှိရာ ဆွမ်းခံရာ၌လဲ အဆင်ပြေခဲ့၏ ။ နောက်တွင်ညီတော်မှာ မဟာပုဏ္ဏမထေရ်မြတ်၏ သရဏဂုံတည်သော ဥပသကာဖြစ်ခဲ့သည်။

တစ်နေ့မှာ ညီတော် စူဠပုဏ္ဏဦးစီးသော ကုန်သည်အဖွဲ့ဟာ သမုဒ္ဒယထဲသို့ ကုန်သွယ်ထွက်ခဲ့သည်။ရွက်လှေသည်အရှိန်ဟုန်ဖြင့်
ကျွန်တစ်ကျွန်းသို့ ဆိုက်ရောက်လေသည်။ (ယခု အိန္ဒိယတောင်သမုဒ္ဒရာအတွင်းရှိ မလ္လာယု မည်သော မလယကျွန်းပင်ဖြစ်လေသည်။)
ထိုကျွန်း၌ စန္ဒကူးနံ့သာပင်များသာပေါက်ရောက်သည်။ ညီတော်မှာလှေပါကုန်များအား ချစေပြီး ထိုအပင်တို့အား ခုတ်စေကာလှေပေါ်
တင်၍ တင်ဆောင်လာခဲ့သည်။

ဌာနေသို့ပြန်ရောက်လျှင် ထူးခြားလှသော စန္ဒကူးကျောင်းတော်ကြီး ဆောက်လုပ်ကာနောင်တော်မထေရ်အားလှုဒါန်းလေသည်။
မထေရ်မြတ်က ဌာနေမှတိုင်းသားတို့ တရားရေအေး တိုက်ကျွေးနိုင်ရန်အတွက် ဘုရားရှင်ထံ အသနားခံပြီး ဆွမ်းစားဖိတ်တော်မှုသည်။
ဘုရားရှင်သည် ရှင်သာရိပုတ္တရာ ၊ ရှင်မောဂ္ဂလ္လာန် နှစ်ပါးနှင့်တကွ တပါးယုတ်ငါးရာ( ရဟန်း ၄၉၉ ) နှင့်အတူသိကြားမင်းဖန်ဆင်းပေး
သော ပြာသာဒ်ယာဉ်ပျံ ငါးရာနှင့် ကြချီတော်မူပါတယ်။


မြတ်စွာဘုရားရှင် ( ၇ ) ရက် သီတင်းသုံးတော်မူပြီးနောက် မထေရ်အားခေါ်ကာ ဗျာဒိတ်ပေးတော်မူသည်။
" နောင်သော်အခါ အရိမဒ္ဒန ပေါက္ကာရာမပြည်ကို အစိုးရသောအလောင်းစည်သူမင်းသည် ဖောင်စင်္ကြာနှင့် တိုင်းခွင်လှည့်လည်၍ ဆိုက်ရောက်လာသောအခါ (ဤငါ၏ သရက္ခန်ကျောင်းရာ၌)စေတီတည်၍ ကြီးစွာသော ပူဇော်ခြင်းကို ပြုလတ္တံ့"ဟုဗျာဒိတ်
စကားမိန့်ကြာပြီး ပြန်ကြွတော်မူလေသည်။

စာဖတ်သူတို့အား အစဉ်လေးစားလျှက်

မျှော်လင့်သူ

ခရီးသွားမှတ်တမ်း ( ၁ )

တန်ဆောင်တိုင် အားလပ်ရက်ကလေး တစ်ရက် ကျွန်တော် မြစ်အနောက်ဖက်သို့ ခရီးထွက်ဖြစ်ခဲ့ပါတယ်။ အရင်ရက်ပိုင်းကတောင်ကြီး
မီးပုံးပွဲကို သွားဖို့စီစဉ်ထားသော်လည်း အကြောင်းအမျိုးမျိုးကြောင့် မသွားဖြစ်ခဲ့ပေ။ဒါကြောင့်မြစ်အနောက်ဖက်ဘုရားဖူးအစီစဉ်ဆွဲ
ဖြစ်ခဲ့ပါတယ်။

မနက်ဝေတီဝေလင်းအချိန်မှာ ကျွန်တော်ရဲ့မွေးရပ်မြေ မကွေးမှ ကျွန်တော့်ရဲ့မြစ်အနောက်ဖက် ဘုရားဖူးခရီးစဉ်ကိုစတင်ဖြစ်ခဲ့ပါတယ်။ ကျွန်တော် ငယ်ငယ် ၈တန်းအရွယ်လောက်ထိ မြစ်အနောက်ပိုင်း (မင်းဘူး) သို့ တစ်ခေါက်ရောက်ဖို့မလွယ်ခဲ့ပေ။ကျွန်တော်တို့မြို့
(မကွေး) နှင့် မင်းဘူး မြို့ကြားရှိ ဧရာဝတီမြစ်ပြင်မှာ အတော်ကျယ်ပါတယ်။ နွေအခါမှာလဲ ရေလမ်းကြောင်းပိတ်၍သွားရတာမလွယ်
ကူသလို မိုးအခါမှာလဲ ရေကြီးခြင်းကြောင့် ခက်ခဲရပြန်ပါတယ်။

မကွေး နှင့် ဘုရား၏ ခြေတော်ရာအစစ်ရှိရာ မန်းရွှေစက်တော်နှင့် မိုင်၄၀ ပတ်ဝန်းကျင်သာရှိပေမယ့် အရင်ကနေ့တ၀က်ကျိုးနီးပါသွား
ခဲ့ပါတယ်။ ၂၀၀၂ ခုနှစ်တွင် ဧရာဝတီတံတား(မကွေး) ဖွင့်လှစ်လိုက်ခြင်းကြောင့် ကျွန်တော်တို့ လွယ်ကူစွာ မြစ်အနောက်ဖက်သို့ ကူးလူး
သွားလာနိုင်ခဲ့သည်။ ကျွန်တော် ဗုဒ္ဓသမိုင်းဝင် စန္ဒကူးနံ့သာကျောင်းတော်ရာ စေတီတော်မြတ်ကြီးဆီကိုဦးခိုက်ထွက်လာခဲ့ပါတယ်။
ကျောင်းတော်ရာ ဘုရားမှာ မကွေးတိုင်း မင်းဘူးခရိုင် ပွင့်ဖြူမြို့နယ်အတွင်းမှာ တည်ရှိပါတယ်။ မကွေးမြို့နှင့် မိုင် ၂၀ ကွာဝေးပါတယ်။ ဆိုင်ကယ်နှင့်ပုံမှန်စီးပါကာ ၁ နာရီကျော်ကျော်မျှသာ စီးရပါတယ်။

မင်းဘူးမြို့တွင် ၀င်ပြီး မနက်စာစားဖြစ်ခဲ့ပါတယ်။ မကွေးတိုင်း တစ်တိုင်းထဲပင်ဖြစ်သည့်တိုင်အောင် မြစ်တစ်စင်းခြားထားရုံနှင့် မတူညီ
သော စရိုက်လက္ခာများကိုတွေ့ခဲ့ရပါတယ်။ မင်းဘူးမြို့ဟာ ခရိုင်မြို့တစ်မြို့ဖြစ်ပြီး စီးပွားရေး အတန်သင့်ကောင်းမွန်သော မြို့တစ်မြို့
ဖြစ်ပါတယ်။ ဘုရားကျောင်းကန်များနှင့်လဲ စည်ကားနေပါတယ်။ထို့နောက်ဆက်လက်ထွက်ခါခဲ့ရာ မိနစ် ၃၀လောက်တွင်မင်းဘူးစက
ုသွား ကားလမ်းဘေး ရေပုတ်ရွာ အနီးမှာ ကျောင်းတော်ရာသမိုင်းနှင့် ဆက်စပ်နေသော ရွှေမြင်တင် ဘုရားကို ဖူးမျှော်ခဲ့ရပါတယ်။ ရွှေမြင်တင် စေတီတော်ဟာ မဟာပုဏ္ဏရဟန္တာအရှင်မြတ်၏ ပထမသီတင်းသုံးတော်မူရာ အဇ္စူဟတ္ထအရပ်၌ တည်ထား တော်မူသော စေတီတစ်ဆူဖြစ်ပါတယ်။


ဆက်လက်ခရီးနှင်ခဲ့ရာ စကုမြို့ ကိုကျော်လွန်ပြီး ပွင့်ဖြူနှင့် ကျောင်းတော်ရာလမ်းခွဲရှိရာ လယ်ကိုင်းသို့ ရောက်ရှိခဲ့ပါတယ်။ လမ်းတစ်
လျှောက် ချိုင့်များပေါသဖြင့်မိုင်၂၀ အား အတော်တန်ပင်မောင်းယူနေခဲ့ရပါတယ်။

ကျောင်းတော်ရာ စေတီတော် သမိုင်းအား စာဖတ်သူတို့ သိရှိစေရန်ကျွန်တော်မှတ်သားထားသလောက် အနည်းငယ် တင်ပြပေးပါမည်။
ကျောင်းတော်ရာ သမိုင်းအကျဉ်းမှာ သွားရောက်ဖတ်ရှုပေးပါ..

နံနက် ၉ နာရီလောက်မှာ ကျွန်တော် ကျောင်းတော်ရာ စေတီတော်ကြီးတည်ရှိရာ ၀ါဏိဇ္ဇဂါမ ရွာကြီးသို့ ရောက်ရှိခဲ့ပါတယ်။ တည်နေရာ
ကတော့ စန္ဒကူးနံ့သာ ကျောင်းတော်ရာဘုရား အရှေ့ဘက် ၃ ဖာလုံအကွာ မုန်းချောင်း ငါးကျွေးဆိပ် တည်ရှိရာနေရာဖြစ်ပါတယ်။ ပုံမှာ မြင်တွေ့ရတာကတော့ ပုဏ္ဏောဝါဒသုတ္တံ - ဒေသနာတော်အလာ ဘုရားရှင်လက်ထက် သုနာပရန္တတိုင်းသား စန္ဒကူးနံ့သာ ကျောင်းတော်
အလှူရှင် မဟာပုဏ္ဏအရှင်မြတ်၏မွေးရပ်မြေဇာတိရပ်ကို နိုင်ငံတော်အစိုးရ ယဉ်ကျေးမှုဌာနမှ ရှာဖွေစိုက်ထူပေးထားသောမှတ်တိုင်
ဖြစ်ပါတယ်။

(ကျောင်းတော်ရာ ငါးကျွေးဆိပ်)

ဘုရားကြီးရဲ့ ပွဲတော်ချိန်ဖွင့်ပွဲ ၀ါဆိုလပြည့်နေ့နှင့် ၀ါခေါင်လပြည့်နေ့တို့မှာ ကြက်ပျံမကျ စည်ကားသိုက်မြိုက်စွာ ကျင်းပကြပါတယ်။ ဘုရားဖူးပြည်သူများမှာ ကြက်သီးထလောက်အောင်ပင် များတာကို တွေ့ရပါတယ်။ ပွဲတော်ချိန်တွင် ဘုရားငါးကြီးများအားထိုငါကျွေး
ဆိပ် (အထက်ပါပုံ) တွင် ငါးစာကျွေးကြရသည်။ စေတီတော်ကြီး၏ နာယက ဆရာတော်ကြီးများက စက်လှေများဖြင့် ရွှတ်ဖတ်ပူဇော်
ကာ မြစ်ကြောင်း တစ်လျှောက် မုန်းချောင်းထဲသို့ ငါးကြီးများအား ခေါ်ဆောင်လာသည်ဟုသိရှိရပါတယ်။

(ကျောင်းတော်ရာ ငါးကျွေးဆိပ်နှင့် ကျွန်တော်)

ငါးကျွေးဆိပ်၌ ခေတ္တမျှနေပြီး စေတီတော်ကြီးတည်ရှိရာနေရာကို ထွက်လာခဲ့ပါတယ်။ စေတီတော်မြတ်ကြီးအား ဖူးမျှော်ပြီး ဘုရား
ပုရ၀ုဏ်အတွင်းရှိ စန္ဒကူးတောများအား လှည့်လည်ကြည့်ကာ ဘုရားဂေါပက အဖွဲ့များနှင့် စကားပြောနေရင်း ခဏနားနေလိုက်သည်။

ကျောင်းတော်ရာဘုရားကြီး ပုရ၀ုဏ်တွင်းရှိ စန္ဒကူးပင်များ

ထို့နောက် ဘုရားကြီး အပြင်ဘက်ရှိ ထမင်းဆိုင်တန်းများ၌ ရွာထမင်းဟင်းစားကာ အပြန်ခရီးစတင်ခဲ့ပါတယ်။
(အပြန်ခရီးအား ဆက်လက်ဖော်ပြဖော်ပြပါမည်။ )

မျှော်လင့်သူ