မြှားနတ်မောင် ( ၂ )

အပိုင်း ( ၁ ) အဆက်...

လွတ်လာတဲ့ ကျွန်တော်တို့ သုံးစီးဖမ်းတဲ့ နေရာနဲ့ နည်းနည်းလှမ်းလှမ်းမှာ စောင့်နေလိုက်သည်။ ခဏလောက်ကြတော့ ရောက်ချလာပါ သည်။ မျက်နှာသိုးကြီးနှင့် သတိုးသားလောင်းလေ :D ၊ ဒါနဲ့ပဲ အချိန်မဆွဲပဲ အချိန်မလင့်ခင် တရားရုံးကြီးဆီသို့ ဦးတိုက်ရပါတော့သည်။ အဟိ ဘချောသားတို့ ကံကောင်းပုံများ ၊ တရားရုံးရောက်တော့ တရားသူကြီးရှေ့ လက်မှတ်ထိုးဖို့အလို့ငှာ တရားသူကြီး မေမြန်းသောအခါ တရားခွင်ဝင်နေပါကြောင့် အမှုပြီးမှ လက်မှတ်ထိုးလို့ရမည်တဲ့ ။ ကဲ မထူးတော့ဘူးလေ စောင့်ရမည်ပေါ့။ ဗိုက်ကလဲ အကျင့်မကောင်း မနက်စာ မစားရသေးတဲ့အတွက် ဆန္ဒက ပြချင်ချင် ။ မဖြစ်သေး ရေလေးသောက်ပြီး အိနြေ္ဒဆယ်လိုက်သည် ။ သိပ်မကြာပေ ၊ တစ်နာရီခွဲ လောက်ကြာတော့ ပြီးသွားသည်။ ဒါနဲ့ တရားသူကြီးမရှေ့မှာ အစစ်ဆေးခံပြီး လက်မှတ်ထိုးကြတယ်လေ။ ကျွန်တော် ပါလေရာ သကြီးက တော့ အသိသက်သေပေါ့။

တရားရုံးက အားလုံးပြီးစီးတော့ သတိုးသားအသစ်စက်စက်လေး ချွေးမတိတ်နိုင်သေး ၊ အခုနက ဆိုင်ကယ်ဝှီးတက် ကိစ္စအတွက် ယာဉ် ထိန်းရုံးကို ပြေးရပြန်တယ်။ အားလုံး မကွေးဘက်ပြန်ရောက်တော့ ဆာလောင်နေကြပြီ ၊ မွန်းလဲ လွဲနေပြီလေ။ ဒါနဲ့ ၀ါးတီးဆွဲဖို့ အတွက် High Class Garden ဆိုတဲ့ ဆိုင်ကလေးကို ပြေးကြလေသည်။

သတိုးသား နဲ့ သတိုးသမီးလေ

ဟိဟိ မလန်းဘူးတော့ မပြောပါနဲ့ဗျာ . အိမ်ကနေ သူငယ်ချင်းစာမေးဆိုပြီးထွက်လာတာ ဒီလောက်ဝတ်ခဲ့တာတောင် ကံကောင်း :D

ကျွန်တော် နဲ့ သူငယ်ချင်းတွေပေါ့

သတိုးသမီးလဲ ဆာနေရောပေါ့ ဓာတ်ပုံရိုက်မယ်ဆိုတာတောင် ခေါင်းမဖော်နိုင်တော့ဘူးလေ :)

ကျွန်တော်တို့ ဘော်ဒါကြီးလေ

ဘေးက သွားကြီးဖြီးပြီ ရယ်နေတာကတော့ လွန်ခဲ့တဲ့ နှစ်ကခိုးပေးလိုက်တဲ့ တစ်ယောက်လေ ၊ မိန်းကလေးလေး မွေးတယ် ၊ အမျိုးသ မီးတော့ပါမလာဘူး ၊ ကလေးတစ်ယောက်နဲ့ အလုပ်တွေရှုပ်နေလေရဲ့ ၊ ကျွန်တော် ယောက္ခမကြီးပေါ့ ။ ဟိဟိ သူ့သမီးလေးက ချောသ ဗျ။

နောက်က ရပ်နေတဲ့ နှစ်ယောက်က မယုံရဘူး တွေ့ရင်တွေ့သလိုကစ်တာ

ဟိဟိ ဒီလိုပြောလဲ စိတ်မဆိုးကြဘူးဗျ။ ပေါင်းသင်းလာတဲ့ နှစ်ကမနည်းမှ မနည်းတော့တာလေ ။

စားစရာ မလာသေးခင် အိနြေ္ဒဆယ် စကားပြောနေကြတာလေ

ဘေးလူမြင်ကောင်းအောင် ဟန်ဆောင်ပြောနေကြတာလေ လာတာနဲ့ တွယ်မှာဆိုတာကြီးပဲ ။

ကျွန်တော့် ယောက္ခမ မျက်နှာကြည့်ကြပါအုံး

ဂိုက်ပေးကြမ်းတဲ့ သူငယ်ချင်းယောက္ခမ ပုံလေ... အော်ပျော်ပျော်နေ သေခဲတဲ့။

အငတ်ကြမ်းတယ်တော့ မဆိုပါနဲ့ဗျာ မနေနိုင်တော့လို့ပါ

စားကြပါအုံး ကျွန်တော် ဗိုက်အရမ်းဆာနေလို့ပါဗျာ ။

ကဲ ကျွန်တော့်ကိုပဲ မပြောတော့နဲ့နော်..

ကြည့်လိုက်ပါအုံး စားနေကြတာ .. အငတ်လေးတွေပေါ့ဗျာ.

အီသီယိုပီးယား ကိုကို ပါခင်ဗျာ

ယောက္ခမကြီးလေ

သူမှမဟုတ်ပါဘူး ကျွန်တော်တို့ တဖွဲ့လုံး ပျော်ပျော်နေတက်ကြတာပါ။ ဘယ်နေရာပဲ ဖြစ်ဖြစ် လူတွေရှိနေဖို့မလိုဘူး ၊ စည်ကားဖို့ မလိုဘူး ဘော်ဒါတွေရှိရင်ဖြစ်တဲ့ဆိုတဲ့ အဖွဲ့လေးပါဗျာ.

ဆရာကြီး ဂိုက်ဖမ်းနေတာပါခင်ဗျား)

ဟဲဟဲ အားလုံးစားသောက်ပြီးတော့ ဘသားချောက ကောင်မလေးပြန်ပို့ ကျွန်တော်တို့ ဘော်ဒါတွေကတော့ ပင်ပန်းသမျှလေး ဖြေဖို့ ဘိလိယက်ခုံလေးသို့ပြေးကြပါတော့သည်။

ဆက်ပါအုံးမည်။

မျှော်လင့်သူ.

မြှားနတ်မောင် ( ၁ )

ဒီရက်ပိုင်း Blog ရေးဖို့ စိတ်တွေတအားဖြစ်နေတယ်။ ဒါပေမယ့် ဘာကို ရေးရမယ် မယ်မယ်ရရလဲမရှိ။ ဒါနဲ့ပဲ ဒီရက်ပိုင်း အချစ်ဆုံးသူငယ် ချင်းစုံတွဲကို မြှားနတ်မောင်လေး လုပ်ပေးခဲ့တဲ့အကြောင်းပဲ ရေးလိုက်မိတယ်။ ကိုယ်မစွံလို့တော့ မဟုတ်ဘူးနော် ၀ါသနာပါလို့ပါး)

ကျွန်တော်တို့ ချစ်ဆုံးသူငယ်ချင်းလေးယောက်ထဲလေ မိန်းမလိုချင်လှပါပြီဆိုတော့ ကျွန်တော်တို့တွေ ခေါင်းချင်းဆိုင်ရပြီပေါ့။ မကူညီလို့ လဲမဖြစ်လေ ။ ဘော်ဒါအရင်းကြီးတွေကို ဒါပေမယ့် မခက်ပါဘူးလေ ဘာကြောင့်လဲဆိုတော့ မနှစ်က ဒီဇင်ဘာလတုန်းကလဲ အေးခဲနေတဲ့ ကြားက တစ်ယောက်ခိုးပေးခဲ့တယ်လေ။ အခု နောက်တစ်ယောက်ဆိုတော့ အတွေ့ကြုံက မသေးတော့ဘူးဆိုရပေတော့မည်။

အခုအတွဲက နည်းနည်းစဉ်းစားရကျပ်သည်။ အရင်အတွဲက မြို့ပေါ်ကကြီးပဲ ။ အလွယ်လေး ခိုးပေးလိုက်တယ်။ အခုတစ်ယောက်က နယ်က ..... ကောင်မလေး အိမ်ဘက်ကလဲ ယုံတယ် ၊ သူ့သမီးလေးကို ကျောင်းစာမေးပွဲဖြေပြီးကတည်းကတိုင်း ဒီအကြောင်းတွေ ကြို မြင်ပုံရတယ်ထင်၏ ၊ အိမ်ထဲ အိမ်ပြင်တောင် မထွက်ရသလောက်ပဲ ။ ဒီတော့ လူကြီးနှင့် လူငယ် ဘယ်သူက ကလိန်ဥာဏ် ပိုထွက်မယ် ထင်လဲး) ၊ ဟိဟိ အဖြေမှန်ပါတယ် ။ ကျွန်တော်တို့လူငယ်တွေပဲပေါ့ ။

ဒါနဲ့ပဲ ကောင်မလေးအိမ်ကို စာမေးပွဲမအောင်ဘူး supplementory exam ထိတယ်ဆိုပြီး ၊ အိမ်ကထွက်လို့ရအောင် ကြံလိုက်သည်။ အိမ် ကလဲ စာမေးပွဲဆိုပြီး ပေးလွတ်တယ်း) ။ ကဲ လက်နှေးရင် ခွက်ဆေးရမှာဆိုးတဲ့ ကျွန်တော့်သူငယ်ချင်း ဘသားချောက အမိအရ ကိုင်ပါတော့သည်။ ဒီလိုစီစဉ်လိုက်ကြတယ် ၊ ကောင်မလေးက မြို့ပေါ်က သူ့အဘွားအိမ်မှာ နေတယ်။ ပထမတစ်ရက် အိမ်ကို သူငယ် ချင်းဆီ စာမေးဆိုပြီးထွက်မယ် ၊ အဲဒီ့နေ့မှာ တရားရုံးမှာ လက်မှတ်ထိုးမယ် ။ နောက်တစ်ရက်ကျော်ကြရင် ခိုးပြေးမယ် ဆိုင်ကယ်နဲ့ပေါ့။

ဒီလိုနဲ့ အေးခဲလှတဲ့ ဒီဇင်ဘာလ 2 ရက်နေ့မှာ ဘော်ဒါတွေစုရုံးပြီး လက်မှတ်ထိုးပွဲအခမ်းနားလေး ကျင်းပလိုက်တယ်။ မကွေးတိုင်းမြို့ ကြီးမှာ ထိုးလို့ရပါလျှက်နဲ့ ဘသားချောက ဧရာဝတီမြစ်အနောက်ကမ်း မင်းဘူး တရားရုံးမှာ ထိုးချင်သည်လေ။ သြော် မဖြစ်ဘူးဆိုတာ မရှိစေရဘူးလေ ဘော်ဘော်ကြီး ဆန္ဒပေါ့ ။ ဒါနဲ့ ဆိုင်ကယ်လေးစီး လူရှစ်ယောက်နဲ့ မြစ်ကူးတံတားကြီးကိုဖြတ်ကူးလေသည်။ တ၀က် လောက်လဲရောက်ကော တစ်ဖက်မှ လာတဲ့သူက လှမ်းအော်သည်။ ဘာတဲ့... သေချာနားစွန့်လိုက်တော့ ဟိုဘက်ကမ်းမှာ မော်တော် ပီကယ်တွေ အကုန်စစ်နေတယ်တဲ့ ။ အကုန်ဆိုတာ (ဆိုင်ကယ်ဝှီးတက်၊ လူလိုင်စင်၊ ဦးထုပ်) စတာတွေပေါ့ ။ ဒါနဲ့ ဘာတစ်ခါမှမပြည့်စုံ တဲ့ကျွန်တော်တို့ နောက်ပြန်မောင်းခဲ့ရပြန်သည်။ လိုအပ်တာတွေပြန်ယူပြီး ပြန်တက်ခဲ့ပြန်ပါတယ် တံတားပေါ်ကိုပေါ့။ ဟိုဘက်ရောက် တော့စုံစမ်းကြည့်တော့ အရမ်းကြမ်းနေတယ်တဲ့။ ဆိုင်ကယ်မှာ ဘက်မှန်ပါမပါ ပါစစ်တာတဲ့ ။ ဗုဒ္ဓေါ..... ဘယ်လိုလုပ် ကျုပ်တို့ယော ကျာင်္းလေးတွေ စီးတဲ့ဘီးက ဘက်မှန်ပါမတုံး :D ခက်ပြီ။ ဒါနဲ့ပဲ ရပ်နေလို့က မဖြစ်ဘူးလေ ။ အရဲစွန့်သွားရတော့မှာပေါ့ ။ ဒီတော့ ရှေ့ ပြေး သုံးစီကိုလွတ်လိုက်ပြီး ကျွန်တော်မြှားနတ်မောင်လေးကတော့ အခြေနေစောင့်ကြည့်နေလိုက်သည်။ 10 စက္ကန့်အကြာလောက်မှာ ခရာသံဆူညံသွားတယ်။ ဘာဖြစ်တယ်မသိ ... ဒါနဲ့ ကျွန်တော် ခပ်တည်တည်နှင့် မောင်းခဲ့ရာ စစ်မယ့်သူတောင်မရှိ ၊ ဘယ်ရှိမလဲ သတိုးသားလေး မောင်ဘချော ကအဖမ်းခံနေရတယ်လေ ။ သူ့နေရာပဲ မော်တော်ပီကယ်က အုံသွားတာကိုး ။ နည်းနည်းဆက်စီးသွား တော့ ဘော်ဒါတွေ ဆိုင်ကယ်နှစ်စီး ၊ ဟိဟိ သွားတော့မတိုင်နဲ့နော် ။ သုံးစီးမောင်းပြေးတာ သတိုးသားဆိုင်ကယ်တစ်စီး မိသွားတယ် လေ......

ဆက်ပါအုံးမည်။

မျှော်လင့်သူ

ဒဏ်ရာရက်စွဲပေါ်က .... ငါ .... ( ၂ )

ငါခဏလောက်လှဲနေပြီး ညစာစားဖို့ အုပ်ဆောင်လေး လှန်ကြည့်တယ်။ အားလုံးစားသောက်ပြီးကြပြီ ။ အထဲက သူက လှမ်းအော် တယ် ။ မနက်က ချက်တာတွေမကုန်လို့ ထပ်မချက်ဘူးတဲ့ သူတို့ကတော့ အပြင်ကစားခဲ့ပြီတဲ့။ ထမင်းကြမ်းခဲလေး ပန်းကန်ထဲထည့် လို့၊ ဟင်းက မယ်မယ်ရရမရှိ ။ ငါအရမ်း စိတ်ညစ်သွားတယ် တစ်ရက်လဲမဟုတ် နှစ်ရက်လဲမဟုတ်။ ငါအလကား သူတို့ဆီက စားနေတာမဟုတ် ။ ငါ တစ်လတစ်ခါ ထမင်းဖိုးရှင်းပေးရတယ် ။ နောက် အိမ်လခ ရှင်းပေးခဲ့ရတယ် ။ ဒါတွေကို မေမေ မသိစေချင် ။ သူကရွှေဘုံစံထားပေမယ့် အခုလို နေနေရတာကို မြင်ရင် သူတို့ကို နောက်မှ ဒီလိုကျိတ်ပြီး နေနေတဲ့ ငါ့ကို အရင်သတ်မှာ ။ မသွားခင်ကတည်းက မက်စရာမရှိလို့ မေမေ့စကား အခုနားထဲမှာ အမြဲကြားနေခဲ့တယ်။

အုပ်ဆောင်း ပြန်အုပ်ပြီး အ၀တ်စားလေးလဲကာ အပြင်လောကထဲ ငါထွက်ခဲ့တယ်။ ငါ့ကိုသိတဲ့သူ ဒီရက်ကွပ်ထဲမှာတော့ လမ်းထိပ်က ကုန် စုံဆိုင်က အပျိုကြီးရယ် ငါအပျင်းပြေငှားဖတ်နေကြ စာအုပ်ဆိုင်က အသက်ခပ်လတ်လပ် အစ်မကြီးရယ် ၊ ငါအထီးကျန်သွားတိုင် သွား ထိုင်ဖြစ်တဲ့ လ္ဘက်ရည်ဆိုင်က စားပွဲထိုးလေးရယ် ။ ငါအပြင်လောကထွက်တိုင်း ဒီသုံးနေရာပဲထွက်မိတယ်။ ဝေးဝေးသွားလို့ကလဲ မရ၊ အပြန်နောက်ကျရင် တံခါးပိတ်မယ်က ကြိုပြောထားတယ်။ ငါအပြင်မှာ ဗိုက်ကလေးဖြည့်ပြီး အိမ်ပြန်ရောက်တော့ အိပ်ရာလေး
ပေါ်လဲမိ တယ်။ ငါအိပ်တဲ့နေရာမှာ မီးဖိုဘက်က လာတဲ့မီးလေးနဲ့ စာအုပ်ကို ရအောင်ဖတ်တယ်။ ဒါတောင် မီတာခတက်တယ်ဆိုပြီး ဘာ မပြောညာမပြောနဲ့ မီးကိုပိတ်သွားတယ်။ ငါ ဒေါသမဖြစ်တော့ ငါ ရအောင်ဖတ်မယ်ဆိုပြီး အပျိုကြီးဆိုင်က ၀ယ်ထားတဲ့ ဖယောင်း တိုင်နဲ့ ငါစာကိုဖတ်ခဲ့တယ်။

တစ်လမှာ နှစ်ရက်ထဲ နားရတဲ့ ငါ ကောင်းကောင်းနားဖူးတဲ့ ရက်မရှိခဲ့။ တစ်ရက်လောက် အိပ်ရေးဝအောင် အိပ်မယ်ကြံတယ် ။ ခြင် ထောင်ကြိုး လာဖြတ်သွားတယ်။ လူသွားလမ်းကြီးမှာ နေဖင်ထိုးအောင် အိပ်နေလို့တဲ့။ ငါတွေးမိတဲ့ ငါစိတ်အရမ်းနာတယ်။ ဒါပေမယ့် ငါအတွက်နဲ့ ငါ့ဆွေမျိုးတွေ ကြားမှ ပြဿနာတက်မှာ မလိုချင်ဘူး ။ ငါ သူတို့ဆီမှာ နေတဲ့ တစ်လျှောက် ငါဖြစ်ခဲ့တာတွေကို ရင်နာနာနဲ့ ဘ၀ကပေးတဲ့ သင်ခန်းစာလို့ ငါမှတ်ယူခဲ့တယ်...

တချိန်က ဒီရက်စွဲတွေပေါ်မှာ ရှင်သန်ခဲ့တဲ့ ရက်တွေကို ပြန်တွေးမိရင် ငါ ရင်တွေနာကျင်ပြီး မွန်းကြပ်လာတယ်။ ဒီရက်စွဲတွေဟာ ငါ့နှလုံးသားမှာ ထင်ကျန်နေတဲ့ ဒဏ်ရာတွေပဲပေါ့။ ဒဏ်ရာ ရက်စွဲတွေပါ.

မျှော်လင့်သူ

ဒဏ်ရာရက်စွဲပေါ်က .... ငါ .... ( ၁ )

ငါ ဆိုတဲ့ ငါတစ်ယောက် ကျောင်းပြီးတာနဲ့ မိဘရင်ခွင်ကခွာထွက်ပြီး အဒေါ်ဆိုတဲ့ အားကိုးချက်နဲ့ မြို့ကြီးပြကြီးကို အထင်ကြီးတက်တဲ့ ငါ ခရီးဆောင်အိပ်ကိုဆွဲပြီး တစ်ယောက်ထဲထွက်ခွာလာခဲ့တယ်။ ဟိုရောက်ရင် ဘာလုပ်မယ် ညာလုပ်မယ်၊ ဟိုသင်တန်းတက်မယ် ဒီသင် တန်းတက်မယ်ဆိုတဲ့ အတွေးနဲ့ပေါ့။ အပူဆိုတာဝေးရော အရာအားလုံးဟာ မျက်လုံးထဲမှာ ရေခဲမတက် အေးချမ်းနေခဲ့တယ်။

မှော်ဝင်တုတ်နဲ့ ရမ်းလိုက်ရင် ဖြစ်လာသလို မြို့ကြီးမှာနေရင် ဖြစ်မယ်ဆိုတဲ့အတွေးက သံမှိုဆွဲသလိုပဲပေါ့ ။ မက်လုံးပေးခဲ့တဲ့ သူတို့ကလဲ အခုပဲ သူတို့က အကုန်ဖြည့်ဆည်းပေးမလို ငါ့ကိုဆွဲဆောင်ခဲ့တယ်။ ကျောင်းပညာကလွဲလို့ ဘာမှဗဟုသုတမရှိတဲ့ငါ အယုံကြီးယုံခဲ့မိ တယ်။ ငါရောက်ပြီး ဒုတိယနေ့မှာပဲ ငါအလုပ်စလုပ်ရတယ်။ သူပြောသလို အထပ်မြင့်တိုက်ကြီးထဲက အဲယားကွန်းအခန်းထဲမှာ ဘောပင် ကိုင်ပြီး အလုပ်တော့မဟုတ်ခဲ့၊ နေပူပူမှာ မှတ်စုစာအုပ်ကလေးကိုင်ပြီး ကုန်တင်ကုန်ချကြည့်ရတဲ့ တာဝန် ၊ နောက် ဂိုဒေါင်လေး သုံးလေး လုံးကို စောင့်ကြည့်ရတဲ့ သူတို့အခေါ် ဂိုဒေါင်မှုးပေါ့. ၊ ငါစိတ်မပျက်ခဲ့ဘူး . အရာအားလုံးလန်းဆန်းတက်ကြွနေခဲ့တယ်၊ သူ(အဒေါ်) က ပြောခဲ့တယ် ၊ ဒါက လောလောဆယ်တဲ့ လုပ်ထားနှင့်တဲ့ သူ့အမျိုးသားက အဆင်ပြေရင် သူ့အလုပ်မှာ ခေါ်ထားမယ်တဲ့ပေါ့ ။

ငါအလုပ်စဆင်းရတယ် ၊ သူ့အိမ်က ဘီးအစုပ်ကလေး တဆင်းနဲ့ပေါ့ ။ မန္တလေးလိုဆိုင်ကယ်တစ်ဝီ၀ီမြို့ကြီးမှာ ရောင်ပေပေလေးပေါ့။ ဘီး လေးမှာ ထမင်းချိုင့်လေး ချိတ်ပြီးပေါ့။ နေကုန်နေခန်း ငါအလုပ်ကို ကြိုးစားခဲ့တယ်။ ငါဒီအလုပ်ကိုခဏလုပ်မယ် နောက်ပိုင်း ငါသင်တန်း တွေတက်မယ်ပေါ့ ။ ငါမငြီးငြူခဲ့ပါဘူး ။ ဒါပေမယ့် သူက ငါအလုပ်သွားဖို့အတွက် တစ်စီးတဲ့ရှိတဲ့ဘီးကို ပြန်လိုချင်ခဲ့တယ် ။ ငါအလျင်မြန်ပဲ မေမေ့ဆီက ငွေတောင်းပြီး ငါကိုယ်ပိုင် ဘီးသစ်လေး ၀ယ်လိုက်တယ်။

တစ်နေ့တစ်နေ့ ငါအဖြစ်က ပိုဆိုးလာခဲ့တယ်။ ငါ မနေ့က တစ်နေကုန်ပင်ပန်းလို့ ကိုက်ခဲနေပေမယ့် သူတို့စားဖို့ မနက်စာထမင်းအိုး အတွက် ငါထတည်ပေးရတယ်။ ဟိုလုပ်ဒီလုပ်နဲ့ ပြန်ပြီး မအိပ်တက်တော့တဲ့ငါ သူတို့မနိုးခင် ရေချိုးတာ ၊ နောက်ဖေးသွားတာ ပြီး အောင်လုပ်ထားလိုက်ရတယ်။ အဲလိုမှမဟုတ်ရင် ငါဆိုတဲ့ငါ မလွယ် ။ ငါအိမ်မှာ မနက်စာကို မေမေက ရှယ်လုပ်ခဲ့ပေးပေမယ့် သူတို့ မျက်နှာညိုပြီးမှ ငါမနက်စာ တလုပ်စားရမှာကို ငါမလိုချင်ခဲ့ဘူး ။ သူထည့်ပေးတဲ့ တစ်ရာဖိုး ခြောက်ခုဆိုတဲ့ ဘယာကြော်လေးနဲ့ ငါထမင်းချိုင့်ထုတ်ပြီး ငါအလုပ်ကိုထွက်ခဲ့ရတယ်။ တစ်ညလုံးလဲ ဆာလောင်ခဲ့တဲ့ ဒဏ်ကို ငါ ကြာကြာမထိန်းနိုင်တော့ ။ လမ်းထိပ်က အပျိုကြီး ကုန်စုံဆိုင်က တစ်ရာတန်ပေါင်မုန့်လေးကို ကိုက်ရင်း ဘီးလေးနဲ့ အလုပ်ဆီကို ၄၅ မိနစ်ကြာအောင်ငါနင်းခဲ့တယ်။

ငါ သူ့ဆီမှာ ဘယ်လောက် စိတ်ဆင်းရဲခဲ့ရ ရဲခဲ့ရ ငါ အလုပ်ထဲမှာ ဘယ်တော့မှ မျက်နှာမငြိုငြင်ခဲ့ ။ ပျော်ရွှင်စွာနဲ့ ငါဘ၀ရဲ့ တာဝန်တွေ ကို ငါ ထမ်းဆောင်ခဲ့တယ်။ ငါ့လက်အောက်က လူတွေကိုလဲ ငါဂရုစိုက်ဆက်ဆံခဲ့သလို ငါရဲ့ လုပ်ဖော်ကိုင်ဘက်တွေကိုလဲ ငါသင့် အောင်ပေါင်းခဲ့တယ်။ ငါ ရဲ့ စေတနာရောင်ပြန်ဟပ်တယ်ပဲ ပြောရမလား ။ အချိန်တိုလေးအတွင်းမှာ ငါလုပ်ဖော်ကိုင်ဖက် မိတ်ဆွေ ကောင်းတွေ ငါရရှိလာတယ်။ ပိုင်ရှင်ကလဲ အလေးပေးခဲ့တယ်။ ထမင်းစားချိန်ရောက်တိုင်း ငါ့ထမင်းချိုင့်လှပ်တိုင်း ငါစိတ်ညစ်ရတယ် ဒါပေမယ့် ငါမျက်နှာမငယ်ရပါဘူး ။ ငါအပေါင်းသင်းတွေက ကောင်းလွန်းတယ်။ နောက် ဒီထမင်းချိုင့်ကို မယူခဲ့ပဲ နင်ဘာစားချင်လဲ ပြောသာပြောလိုက်ဖြစ်စေရမယ် ဆိုတဲ့သူတွေ ။ ငါအလွန်မင်းပျော်ရွှင်ခဲ့မိတယ်။

ငါ ညနေရုံးဆင်းခါနီး အလုပ်သမားတွေနဲ့ ဘောလုံးကစားရင်း ရင်းနှီးမှုယူခဲ့တယ်။ အဲနောက် ငါရေချိုးပြီး လုပ်ဖော်ကိုင်ဖက်တွေနဲ့ မန္တလေးရွှေမြို့တော်ကြီးထဲ ဘီးသစ်ကလေး စီးပြီး လျှောက်လည်ခဲ့တယ်။ တစ်ခါတစ်လေ ဦးပိန်ဘက် ငါရောက်ခဲ့သလို တစ်ခါတစ် လေလဲ ဘုရားကြီးမှာ သွားထိုင်နေခဲ့တယ်။ ဒီလိုနဲ့ ငါအိမ်ပြန်ရတယ် ။ ငါအိမ်ရောက်ရင် အလုပ်ကပြန်ရင် ကြိုမယ့်သူမရှိခဲ့ ငါအတွက် ကျောခင်းဖို့ပေးထားတဲ့ နေရာလေးမှာ ခဏလဲနေမိတယ်။ မီးဖိုခန်းဘက်ကလာတဲ မီးရောင်ပြပြလေးနဲ့ အေးခဲတဲ့ ဆောင်းတွင်းမှာ တောင် ကြမ်းခင်းမပါပဲ သံမံတလင်းပေါ် ဖျာလေး တစ်ချက် ခင်းပြီး နေခဲ့ရတယ်။

ဆက်ရန်........

မျှော်လင့်သူ

ဒီဇင်ဘာ ရာဇ၀င်

အညာမြေရဲ့ ဒီဇင်ဘာဆောင်းတွင်း တစ်ညဟာ ရိုးသားမှုတွေဖုံးအုပ်ပြီး တိတ်ဆိတ်အေးချမ်းလျှက်ရှိနေခဲ့သည်။ ပတ်ဝန်းကျင်တစ်ခု လုံးမှာလဲ အနွေးဓာတ်ပျက်ပျယ်မည် ဆိုးသဖြင့် မလှုပ်ချင်လောက်အောင် အေးလွန်းလှသည်။ ညသန်းခေါင်ချိန် ကျွန်တော်တို့မြို့ရဲ့ လမ်းမကြီး တစ်ခုလုံးမှာ လူသူကင်းမဲ့ပြီး မြူခိုးများ အုပ်ဆိုင်းနေသည်။ ကျွန်တော့်အဖို့တော့ ပုံမှန်အလုပ်ဆင်းချိန်ပေါ့။ သူများတွေလို အေးနေပေမယ့်လဲ မကွေးနိုင်သေးပေ။ အလုပ်မှအပြန် ထူထဲစွာဝတ်ဆင်ပြီး ဆိုင်ကယ်ကို အရှိန်နှင့်မောင်းနှင်လာခဲ့သည်။

ကျွန်တော့်ရဲ့ အိမ် နှင့် အလုပ်က ၁၀ မိနစ်စာလောက်စီးရသည်။ အေးခဲလွန်းတဲ့အတွက်ကြောင့် ၁၀ နာရီစာ စီးရနေသည်တောင်ထင် ရသည်။ ဘေးဘယ်ညာကြည့်တော့လဲ တိတ်ဆိတ်နေသည်။ မီးရောင်ပြပြလေး နှင့် ကျွန်တော်ဆိုင်ကယ်တစ်ရိပ်ရိပ် မောင်းနှင်ခဲ့သည်။
ထိုသို့ မောင်းနှင်ရင်းနှင့် ကျွန်တော်စိတ်ထဲမှာ ဆို့နှစ်ဖို့ကောင်းတဲ့ အဖြစ်ပျက်တစ်ခု ခေါင်းထဲ ၀င်လာခဲ့သည်။ လွန်ခဲ့သော နှစ်အနည်း ငယ်အကြာကပေါ့.........................

ဒီဇင်ဘာလရဲ့ ညလေးတစ်ညမှာ ကျွန်တော်ဘော်ဒါတွေနှင့် မြို့ထဲမှာ လျှောက်ပတ်နေခဲ့သည်။ အပူပင်မဲ့တဲ့ ကျောင်းသားဘ၀ပေါ့။ အချိ်န်အတော်လင့်သည်နှင့် အိမ်သို့ပြန်လာခဲ့သည်။ အိမ်ရောက်တော့ ည ၁၂ နာရီ ပတ်ဝန်းကျင်ရှိနေခဲ့ပြီ။ မေမေအဖို့ မအိပ်နိုင်သေး ချစ်လှစွာသော သားကြီး နှင့် လင်တော်မောင်ကို အေးသည့်ကြားမှ စောင့်နေရသည်။ ဖေဖေကတော့ ကျွန်တော့်လို အလေလိုက်နေသည် တော့ မဟုတ်ပေ။ အလုပ်ကိစ္စအတွက်နှင့် ခရီးသွားနေခြင်းဖြစ်သည်။ ကျွန်တော်ရောက်သည်နှင့် ညအိပ်ရာဝင်အ၀တ်စားလဲပြီး မေမေနှင့်အတူ ဧည့်ခန်းထဲမှာ ဖေဖေ့ကို ထိုင်စောင့်ရင်း စကားတွေပြောနေလိုက်သည်။

ခဏအကြာတွင် အိမ်ရှေ့မှ ကားဟွန်းသံကြားလိုက်ရသည်။ ဖေဖေပြန်ရောက်လာသည်။ ဖေဖေနှင့်အတူ ဖေဖေ့လက်ထဲတွင် ချမ်း၍ တုန်နေသော ချစ်ဖို့ကောင်းတဲ့ ခွေးလေးတစ်ကောင်ပါ ပါလာသည်။ အကြောင်းစုံမေးကြည့်တော့ လမ်းပေါ်မှာ ကားမောင်းရင်းနဲ့ တွေ့ ခဲ့ကြောင်း ၊ ခွေးမကြီးနဲ့ ကွဲနေကြောင်း ၊ သေသွားမှာစိုးသဖြင့် သနားသောကြောင့် ကားရပ်ပြီး ခေါ်လာခဲ့ကြောင်း ပြောလေသည်။ ကျွန်တော်တို့လဲ ခွေးလေးကို အ၀တ်များဖြင့် နွေးထွေးအောင် သိပ်လိုက်ပြီး ကျွန်တော်တို့လဲ ညအိပ်ရာဝင်ခဲ့သည်။

အချိန်တွေ တဖြည်းဖြည်းကြာလာခဲ့သည်... ကျွန်တော်တို့ မိသားစုဝင် ၄ ယောက်တွင် တစ်ယောက်ထပ်တိုးလာခဲ့သည် ။ ထိုတစ် ယောက်မှာ ခွေးကလေး တိုးမောင် ပင်ဖြစ်သည်။ ကျွန်တော်တို့အားလုံးက ချစ်ကြသည်။ တိုးမောင်ကလဲ လိမ္မာလွန်းလှ သည်။ ဖေဖေပြောနေကျ စကားလေးတစ်ခွန်းကို အမြဲကြားနေမိသည်။ ငါ့သားတွေနဲ့ ငါ့မိန်းမကတော့ ငါ့သားလေး တိုးမောင်လောက် တောင် အသုံးမကျဘူးဟေ့.. ကြည့်စမ်း ငါအလုပ်ကပြန်လာရင် တိုးမောင်က ပြေးကြိုဖော်ရတယ်.. ဟင်း သူတို့ကတော့ မလှုပ်တလှုပ် တဲ့။ ဖေဖေစိတ်ကြည်နေတဲ့နေ့မျိုးဖြစ်သည်။ တိုးမောင်ကလဲ အလိုက်သိလွန်းစွာ အမြီးလေး နှံ့ပြီး ပြေးကြိုတက်သည်။

တစ်ခါတစ်လေ ဖေဖေ အလုပ်ထဲမှာ စိတ်အခန့်မသင့်တဲ့အခါမျိုး ပြန်လာတဲ့အခါကြရင် တိုးမောင်ကတော့ မသိပေ။ ပုံမှန်အတိုင်း ပွတ် သီးကပ်သပ်နှင့် ကြိုလျှင် ဖေဖေက ငေါက်လွတ်တက်သည်။ ထိုအခါမျိုးကြရင် တိုးမောင်လေး ကုပ်ချောင်းချောင်းနဲ့ ၀ပ်သွားတက် သည်။ ကျွန်တော်တို့အားလုံး သဘောကျပြီး ရယ်ခါမှ ပြန်ထလာတက်သည်။ ထိုအခါဖေဖေလဲ စိတ်ပြေသွားတက်သည်။

ထိုသို့နှင့် ကျွန်တော်တို့ မိသားစုလေး ဒီဇင်ဘာဆောင်းတွင်းအပြင် ရာသီဥတု ၃ ပါးလုံးကို အေးအတူပူအမျှနှင့် ပျော်ရွှင်စွာဖတ်သန်း ခဲ့ကြသည်။ သိပ်မကြာပေ ကျွန်တော်တုိ့ မိသားစုလေးထဲ အနိစ္စဆိုတဲ့ မုန်တိုင်းတစ်ခု ၀င်ရောက်ခဲ့သည်။ လူသားတို့မရှောင်လွဲနိုင် သေလမ်းသို့ ဖေဖေ နှလုံးရောဂါခံစားရပြီး လျှောက်လှမ်းသွားခဲ့သည်။ ကျွန်တော်တို့မိသားစုလေး အရမ်းကြေကွဲဝမ်းနည်းခဲ့ရသည်။ ပထဆုံးအကြိမ် ဒီလောက်ပူဆွေးမှုကိုခံစားဖူးသည်ဆိုတော့ ရူးသွပ်ချင်လောက်အောင်ပင်ဖြစ်ခဲ့သည်။ ကျွန်တော်တို့အားလုံး ပူဆွေး နေသလို တိုးမောင်လေး မှာလဲပူဆွေးနေခဲ့သည်။ ဖေဖေဆုံးပြီးနောက်ပိုင်း တိုးမောင် အရင်ကလို မမြူးတော့ပေ။ အမြဲကုပ်ချောင်း ချောင်းနှင့် ဖေဖေအိပ်ရာနားကိုပဲ သွားသွားအိပ်နေတက်သည်။ အစားလဲ နောက်ပိုင်း သိပ်မစားတော့ပေ။ ပိန်လှီလာခဲ့သည်။ ဆရာ ၀န်ခေါ်ပြီး ဆေးထိုးလဲမတိုးပဲဖြစ်လာခဲ့သည်။ သိပ်တောင်မကြလိုက်ပေ.. သူအရမ်းချစ်သော သူ၏ သခင်နောက်သို့လိုက်သွားခဲ့သည်။ ထိုအချိန်ကလဲ ဒီဇင်ဘာလကြီးပေါ့.။ ကျွန်တော်တို့အဖို့ ထပ်မံပူဆွေးရပြန်သည်။

အော် အခုဆိုရင် ဖေဖေနှင့် တိုးမောင် ကျွန်တော်တို့ ရင်ခွင်ကနေ အပြီးတိုင်ထွက်ခွာသွားသည်မှာ သုံးနှစ်ကျော်ခဲ့ပါပြီ။. ဘ၀တပါးသို့ ပြောင်းရွှေ့သွားသော ဖေဖေနှင့် တိုးမောင်အတွက် အမြဲရည်စူးပြီး ကျွန်တော်တို့ မိသားစုသုံးယောက် အမြဲကုသိုလ်လုပ်ဖြစ်ခဲ့ပါတယ်။ ဖေဖေနှင့် တိုးမောင် ကောင်းရာ သုဂတိလားပါစေ.
သတိရလွမ်းဆွတ်လျှက်.....

မျှော်လင့်သူ