အိမ်မက် မှတ်တမ်း

လက်ကနာရီလေးကို ကြည့်လိုက်မိသည်... ၆ နာရီထိုးတော့မယ်။ အိပ်ရာမှထဖို့ပြင်
လိုက်သည်။ ဘေးကိုတစ်ချက်ကြည့်လိုက်သည် ၊ သားသားနဲ့ မိန်းမ အပူပင်မဲ့စွာ
အိပ်ပျော်နေတုန်းပင်။ စောင်လေးကို အပေါ်သို့ဆွဲတင်ချုံပေးလိုက်သည်။ နှာခေါင်း
ထဲ ထူးခြားလန်းဆန်းတဲ့ အနံ့တစ်ခုရလိုက်သည်။ သင်းပျံ့လတ်ဆတ်တဲ့ ပိတောက်
နံ့။ သြော် သင်္ကြန်တောင်ရောက်ပြန်ပြီပေါ့။

ရေချိုးခန်းထဲဝင်ပြီး မျက်နှာသစ်ရေမိုးချိုးလိုက်သည်။ တစ်ဖက်ခြံမှ သင်္ကြန်သီချင်း
သံ သဲ့သဲ့လေးကြားလိုက်ရသည်။ စိတ်ထဲတစ်မျိုးလန်းဆန်းသွားသည်။ မီးဖိုထဲဝင်
ကာ သားသားနှင့် ချစ်ဇနီးလေးစားဖို့ ပေါင်မုန်နဲ့ ကြက်ဥကြောက်လိုက်သည်။ကော်
ဖီပါဖျော်ထားလိုက်သည်။
" ဟာ ကိုကိုကလဲ မလုပ်ပါနဲ့ ဖြူစင်လုပ်မှာပေါ့"
" နိုးပီလား မိန်းမရဲ့ "
" ကိုကိုကလဲ အလုပ်ပိတ်ရက်လေး နားပါ ဒါတွေကို ဖြူစင်လုပ်မှာပေါ့ "
" မဟုတ်ပါဘူးကွာ တစ်ခါတစ်လေလဲ ကိုကို ကြော်တာလေး ဟော့ဒီက
ချစ်မိန်းမလေး စားစေချင်လို့ပါ "
ကျွန်တော် သူမရဲ့မေးစေ့လေးကို ကိုင်ပြီးပြောလိုက်သည်။
သူမပြုံးသွားသည်။

အိမ်ထောင်သက် ၄ နှစ်ထဲရောက်သည့်တိုင်အောင် စကားများ
စိတ်ဆိုးခြင်း မရှိပဲ နှစ်ယောက်သား ဘ၀ကိုပျော်ပျော်ရွှင်ရွှင် ဖြတ်သန်းလာခဲ့သည်။
သားသားလေးကလဲ ကျွန်တော်တို့ရဲ့ ကမ္ဘာလေးဖြစ်သည်။ လိမ္မာလှသည်။
" အော်ဒါနဲ့ မိန်းမ ညက ကိုယ့်မေမေဖုန်းဆက်ထားတယ်မလား."
" ဟုတ်တယ်လေ ကိုကို သမီးကြီး မေမေနဲ့ ဥပုဒ်စောင့်လိုက်ခဲ့ရမယ်တဲ့ "
ကျွန်တော်သူမြင်အောင် တစ်ချက်ပြုံးလိုက်သည်။
" ကောင်းတာပေါ့ မိန်းမရဲ့ ငါ့မိန်းမ ကုသိုလ်ရတာပေါ့ "
" ကုသိုလ်ရတာတော့ ဟုတ်ပါတယ် ကိုကိုရယ်. ဒါပေမယ့် မေမေက တစ်နေကုန်
နေမှာဆိုတော့ ကိုကို နဲ့သားသား ဖြစ်ပါ့မလား .ဒါနဲ့ ကိုကိုက ဘာလို့ပြုံးနေတာလဲ
ဟင်းနော် ကိုကိုနော် ဖြူစင်သိတယ်.."
" ဟဟ ပြောပါအုံး မိန်းမက ဘာသိတာလဲ "
" ကိုကို ဖြူစင်မရှိတုန်း ကဲမလို့မလား."
" မဟုတ်ရပါဘူး မိန်းမရယ် ငါ့မိန်းမ တစ်နေကုန်နေနိုင်မလားတွေးပြီးပြုံမိတာပါ"
" မေမေ "
" ဟော မိန်းမ သားသား အပေါ်မှာနိုးနေပြီ သွား နှစ်ယောက်သား မျက်နှာသစ်
ပြီးရင် ဆင်းလာခဲ့ ကိုကို စားဖို့ပြင်ထားလိုက်မယ် ဟုတ်ပြီလား"
"ဟုတ်"
" အေးအေးသွားသွား "
ချစ်ဇနီးလေးမှာ ကလေးတစ်ယောက်ပမာ အပေါ်သို့ပြေးတက်သွားသည်။


အခက်ခဲများကြားမှာ နှစ်ယောက်သား ချစ်လွန်းလို့ ခက်ခက်ခဲခဲ ပေါင်းစည်း
ရသူများဖြစ်သည်။ ထို့ကြောင့် နှစ်ယောက်ကြားမှာ ပြဿနာ အဖုထစ်များပင်
မရှိပဲ တစ်ဦးနှင့်တစ်ဦး ချစ်ခင်စုံမက်စွာနဲ့ ဘ၀ကိုဖြတ်သန်းခဲ့ကြသည်။
" သားသား မေမေ ဒီနေ့ ဘွားဘွားကြီးနဲ့ ဥပုဒ်စောင့်လိုက်သွားမယ်.
သားသားက ဖေဖေနဲ့ နေခဲ့ .. မဆိုးရဘူးနော်. မေမေပြန်လာရင်မုန့်ဝယ်ခဲ့
မယ် "
" ဟုတ် "
" အင်း မေမေ့ သားလေးက လိမ္မာမှန်းမေမေသိပါတယ်. "
" အဲဒါ ကိုယ်နဲ့တူလုိ့ပေါ့ကွ "
အပေါ်မှ သားသားကို ချီဆင်းရင်း သားသားကို မှာနေသော ချစ်ဇနီး၏
စကားအား ၀င်ထောက်လိုက်သည်။
" ဟုတ်ပါတယ် ကိုကိုရယ် ၊ ကိုကိုလဲ လိမ္မာတယ် သားလေးလဲ လိမ္မာ
တယ် "
" ကဲ လာစားကြတော့ နောက်မှမှာတော့ မိန်းမရေ..
အေးကုန်တော့မယ် "
" ဟုတ်ကဲ့ ကိုကို "
"သား ဘယ်လိုလဲ ဖေကြီးကြော်တာ မေကြီးလောက်ကော ကောင်း
လား "
" ဟုတ် ကောင်းတယ် "
"အေး ကောင်းရင်လဲ များများစား မိန်းမထည့်စားလေ "


ချစ်ဇနီးလေးက မုန့်စားနေရင်းပြောသည်။
" ခနနေရင် မေမေလာခေါ်တော့မှာဆိုတော့ ကိုကိုတို့ စားဖို့ ဖြူစင်
ဘာမှ မပြင်ဆင်ပေးရသေးဘူး "
" မပူပါနဲ့ မိန်းမရယ် မင်းသာစိတ်ဖြောင့်ဖြောင့်သွားပါ ၊ ကိုယ်တို့ဖြစ်
ပါတယ် လမ်းထိပ်က ထမင်းဆိုင်မှာ သွားဆွဲလိုက်မယ် "
" ကိုကို သွားစားတာက ကိစ္စမရှိဘူး. သားလေးရေစိုမယ်နော်."
" အော် မိန်းမကလဲ သင်္ကြန်ရေ စိုတာက ကလေးတောင်ကျန်းမာ
သေးတယ် ၊ ဟုတ်ဘူးလား သားရယ် "
"ဟုတ်တယ် ၊ သားရေပက်မယ်နော် မေမေ "
" ဒီသားအဖနှစ်ယောက်ကတော့ အတိုင်ဖောက်ညီနေတယ် ၊
ဖြူစင်ရှိနေတဲ့ အချိန်ဆို ကိစ္စမရှိဘူး ကိုကိုရဲ့ အခု ကလေးက
ရေတွေစိုနေရင် ကိုကို နဲ့ မဖြစ်ပါဘူး မနက်ဖြန် ဖြူစင်ရှိမှာပဲ
အဲတော့မှ ကစား ဟုတ်ပြီလား သား "
" အင်း "
သားသား စားနေရင်းနှင့် စိတ်မပါစွာပြောလေသည် ။
" ဟုတ်ပါပြီ မိန်းမရယ် ကိုယ်တို့ ထမင်းသွားစားရင် ကားနဲ့
သွားမယ်ဟုတ်ပြီလား စိတ်မပူတော့နဲ့ ဟုတ်ပြီလား "
" ဟုတ် ကိုကိုလိမ္မာတယ် "
" စားစား ခနနေရင် မေမေရောက်လာတော့မယ် "


ချစ်ဇနီးလေ ကျွန်တော်တို့ သားအဖကို စိတ်မချဖြစ်နေတယ်ထင်ပါတယ်.
ခဏခဏမှာနေတယ် အတင်းအပေါ်တက်ပြီး အ၀တ်စားလဲခိုင်းလိုက်ရ
တယ်။
" တီတီ " ....
" ဖိုးထူးရေ "
" ဗျာ ကိုလေး "
" အိမ်ရှေ့မှာ မေမေတို့ ကားနဲ့တူတယ် သွားဖွင့်ပေးလိုက်ပါအုံးကွ "
" ဟုတ်ကဲ့ ကိုလေး "
" သား ပြီးရင် ပါးစပ်သုတ်တော့ ဘွားဘွားသွားကြိုရအောင် "
" ကဲလိမ္မာတယ် ထ "

မေမေ ရောက်လာပြီ။ သားသားလေးက ပြေးပြီး သူ့ဘွားအေ ကိုကြိုသည်။
" ဘွားဘွား "
" အမလေး ငါ့မြေးလေး ချစ်ဖို့ကောင်းလိုက်တာ.. ဘာတွေစားထားတာလဲ
မြေးလေးရဲ့"
" ဖေကြီးကြော်ကြွေးတာ ပေါင်မုန့်ကြော် "
" ဟုတ်ပါပြီကွယ်.. ၊ သားကြီး မင်းမိန်းမကော "
" အော် အပေါ်မှာ ပြင်နေတယ်လေ မေမေ ပြီးတော့မှာပဲ၊ သူ့ယောင်္ကျားနဲ့
ကလေးကို မှာနေတာနဲ့ သူနောက်ကျနေတာ "
" မိန်းမရေ မေမေရောက်ပြီကွ "
" ပြီးပြီ ကိုကိုရေ .. "

ချစ်ဇနီးလေ ယောဂီရောင် ၀တ်စုံလေးနဲ့ ဆင်းလာသည်။ ကျွန်တော်
လှလွန်းလို့ ကြောင်ပြီး ငေးနေမိသည်။
" ကိုကိုရယ် ဖြူစင်လဲ ပေါက်ဝင်သွားပါအုံးမယ် ငေးလိုက်တာများ .. "
မေမေ့ ရှေ့မို့ ရှက်ရှက်နှင့်
" မိန်းမကလဲကွာ ... မဟုတ်ပါဘူး "
" ကဲပါ မင်းကလဲ ရှက်မနေပါနဲ့... "
မေမေက ၀င်ပြောလိုက်သည်။
" သမီး သမီးရဲ့ မိဘတွေကော နေကောင်းကြလား "
" ဟုတ်ကောင်းပါတယ် မေမေ ... ဟိုတစ်နေ့ကတောင် လာသွားသေး
တယ် သူ့မြေးလေးကို လွမ်းလို့တဲ့ "
" အေးအေး သမီးပြီးပြီလား ပြီးရင် သွားမယ်လေ မေမေ၀င်စရာ ရှိသေး
လို့ "
" ဟုတ်ပြီးပြီလေ မေမေသွားရအောင် "
" အော် မေမေ ညီလေး ဆီက အဆက်သွယ်ရသေးလား "
" အေး ရတယ်သားရဲ့ သူလဲ တပ်ကိစ္စနဲ့ သင်္ကြန်လဲမအားပါဘူးတဲ့
ပြီးလောက်မှလာတော့မယ်တဲ့ မင်းတို့မိသားစုကိုလဲ လွမ်းပါတယ်တဲ့..."
" ဟုတ်ပါပြီ မေမေရယ် မေမေ့သားလဲ မငယ်တော့ဘူးနော် မိန်းမရှာပေး
တော့လေ "
" သားကြီးရယ် မင်းက သားကြီးပဲ သင့်မယ်ထင်တာ ရှာပေးလိုက်ပေါ့"
" ဟုတ်ပါပြီ မေမေရယ် ကဲကဲ နောက်ကျမယ် သွားကြတော့လေ မေမေတို့"
" အေးအေး စကားကောင်းနေတာ သွားမယ်သမီး "
" ဟုတ်မေမေ ၊ ယောင်္ကျား သားသားကို စိတ်ချမယ်နော်... ရေမစိုစေနဲ့
ထမင်းစားချိန်လဲ နောက်မကျနဲ့နော်... သားသားကိုလဲ ၀င်အောင်ကျွေးအုံး"
" ကဲပါမိန်းမရယ် ပြီးမှာ မဟုတ်တော့ဘူး အားလုံးအဆင်ပြေအောင်ကြည့်
လုပ်ထားလိုက်မယ် ... "
" ဟုတ် သားသား မေမေသွားပြီနော် ... ကိုကိုသွားပြီ "
" ဟုတ်မေမေ တာ့တာ့ "
မေမေနဲ့ ချစ်ဇနီးတို့ ထွက်သွားကြပြီ.......

ကျွန်တော် နှင့် သားသား ၀မ်းဗိုက်ပြဿနာ ဖြေရှင်းရပေတော့မည်။
ချစ်ဇနီးလေးထွက်သွားပြီးကတည်းက ကျွန်တော်နှင့်သားသား TV ရှေ့
ိထိုင်ကာ Game ဆော့လိုက် သားသား ကြိုက်တဲ့ Power Ranger ကြည့်
လိုက်နဲ့ ထမင်းစားချိန်တောင် တိုင်ခဲ့ပေါ့... ထိုနှင့် ဖိုးထူးကိုကားထုတ်ခိုင်း
လိုက်သည်။ ထိုနောက် သားသားနှင့် ကျွန်တော် လမ်းထိပ်က ထမင်းဆိုင်
ကို ကားမောင်းရင်း ထွက်ခဲ့သည်။ အကြိုနေ့မို့ သိပ်တော့ရေမကစားကြ
သေး။ သို့သော် တစ်ချို့ကလေးများ ရေကစားနေကြသည်။ သားသားကား
မှန်ပေါ်က ကျော်ကြည့်၍ စိတ်ဝင်စားနေသည်။
" သား ရေကစားချင်လို့လား "
" ဟုတ်သားရေပက်ချင်လို့ "
" အေး မင်းမေမေကလဲ သေချာမှာခဲ့တယ် သူရှိမှ သားသားရေကစား
ရမယ်တဲ့ မနက်ဖြန်မှ ကစားနော်သား အခုသားစားချင်တာ ဖေဖေလိုက်
ကျွေးမယ်နော်.."
" ဟွန်း "
သားသား နှုတ်ခမ်းစူသွားသည် ။ သို့သော် မတက်နိုင်ပေ ချစ်ဇနီးလေးရဲ့
အမိန့်အာဏာ ကို မလွန်ဆန်နိုင်ပေ။

ထမင်းဆိုင်ရှေ့သို့ ကားလေးထိုးရပ်လိုက်သည်။ ထို့နောက်သားသား
လက်ဆွဲကာ ထမင်းဆိုင်ထဲ ၀င်လာခဲ့လိုက်သည်။
" ဟာ ကိုရဲတို့သားအဖ ထမင်းလာစားတာလား "
" ဟုတ်တယ် အစ်ကိုရေ.. အိမ်က မိန်းမ က အမေနဲ့ ဥပုဒ်စောင့် ပါသွား
တယ်လေ "
" ဒါကြောင့် အစ်ကိုဆိုင်ပြေးလာရတာ... "
ထို့နောက် သားသား နှင့်ကျွန်တော် ဆိုင်ထမင်းဆိုင်ဟင်းကို လွေးရပေ
တော့သည်။ ငွေရှင်းပြီး ဆိုင်ကပြန်အထွက်တွင် ဆိုင်မှ ဆိုင်ရှင် အစ်ကို
ကြီးက ကျွန်တော်တို့ကို ရေတစ်ခွက်စီလောင်းလိုက်သည်။

" ကဲ သင်္ကြန်အကြိုဗျို့ ကိုရဲတို့ သားအဖ "
" အမလေး......."
ကျွန်တော်နှင့် သားလေး သင်္ကြန်ရေ စိုလေပြီ.... ။
သားသားလဲ စိုလက်စ နှင့် လမ်းထိပ်မှာ ကစားနေသော ဆိုင်ရှင်အစ်ကို
ရဲ့ ကလေးတွေနဲ့ ကစားပါစေတော့ဆိုပြီး လွတ်ထားပေးလိုက်သည်။
ကျွန်တော်နှင့် ဆိုင်ရှင်အစ်ကိုကြီးလဲ အေးဆေး အအေးသောက်ရင်း
ရှေးဟောင်းနှောင်းဖြစ်တွေပြောနေခဲ့သည်။ အတန်ကြာသောအခါ သားသား
လဲ ဖျားမည်ဆိုးသည်နှင့် ပြန်ခေါ်လာခဲ့ရတော့သည်။ ဒါတောင် ကိုယ်တော်
ချောက မလိုက်ချင် သူ့မေမေနဲ့ခြောက်ခေါ်ခဲ့ရသည်။

အိမ်ပြန်ရောက်တော့ ရေမိုးချိုးအ၀တ်စားလဲကာ သိပ်ထားလိုက်သည်။
ရေကစားတာလဲ မပြောဖို့ မှာထားရသေးသည်။ သူ့မေမေသိလို့ကတော့
ကျွန်တော့် ဗိုက်ကြောပြတ်ပြီ။ .....
ညနေမစောင်းခင် မေမေနှင့် ချစ်ဇနီးလေးတို့ပြန်ရောက်လာကြသည်။
မေမေက နောက်ကြမှာ စိုးသည်နှင့် အထဲမ၀င်တော့ပဲ ပြန်သွားလေသည်။
ချစ်ဇနီးလေးနှင့် ဧည့်ခန်းထဲမှာ ခဏထိုင်ကာ စကားပြောနေသည်။
" ကိုကို သားသားကော "
" အိပ်နေတယ်လေ မိန်းမရယ် "
" ကိုကိုတို့ကော အဆင်ပြေလား ရေကော ကစားသေးလား "
" မိန်းမရယ် နားပါအုံးကွာ အဆင်ပြေပါတယ် ရေလဲမကစားဘူး ဟုတ်ပြီ
လား "
" ဟုတ် "
" မေမေ "
" ဟော သားသား နိုးပြီ.. နေနေ မိန်းမနေ ကိုယ်သွားခေါ်လိုက်မယ်."

ကျွန်တော်အပေါ်ထပ်တက်သွားပြီး သားသားကို ချီခဲ့လိုက်သည်။
" လာပါအုံး မေ့သားလေးရယ်.. အမယ်လေး ချစ်စရာကောင်းလိုက်တာ"
မိန်းမပြောရင်းနဲ့ ကလေးအား တယုတယနမ်းလိုက်သည်။
" သား ....သားသားတို့ နေ့ခင်းက ရေကစားသေးတယ်ဆို "
သားက ကျွန်တော့်ဘက်လှည့်ကြည့်သည်။ ကျွန်တော်မျက်လုံးမှိတ်ပြလိုက်
သည်။ မမှီတော့ သားက " ဟုတ် " ဟုဖြေလိုက်သည်။
ချစ်ဇနီးလေး ကျွန်တော့ဘက်ကို လှည့်ကြည့်သည်။။
" ဟိဟိ ချစ် ကိုကိုပြောတာနားထောင်အုံး "
မမှီတော့ ချစ်ဇနီးလေးရဲ့ လက်ကလေးကျွန်တော့်ဗိုက်ခေါက်ပေါ်ရောက်
လေပြီ......
" အ .. အ.. နာတယ် "
...................................................................................
" နာတယ် လုပ်မနေနဲ့ သားကြီး မင်းမနက်အပြင်သွားစရာရှိတယ်ဆို
ထတော့လေ နေမြင့်နေပြီ.... "
ကျွန်တော်ဗိုက်ကြောလိမ်ဆွဲသူမှာ ကျွန်တော့်ချစ်ဇနီးလေးမဟုတ်...
အိပ်ပုတ်နေသော သားကိုနိုးသော မေမေလက်စွမ်းပင်ဖြစ်လေသည်။...
ဟိဟိ သြော် ... ငါအိမ်မက်မက်နေတာကို.....


ကြိုးစားလျှက်
မျှော်လင့်သူ..