သူတို့အချစ်

အသံများဆူညံနေမှုကြောင့် မျက်စိနှစ်လုံးဖွင့်ကာ အိပ်ရာမှမထချင်ထချင်နှင့်
ကုန်းရုံးထထခဲ့သည်။ နေတောင်အတော်မြင့်ပေါ့။ မျက်နှာသစ်ဖို့ အခန်းအပြင်
ထွက်လာတော့ ဧည့်ခန်းထဲကြည့်လိုက်မိသည်။ သြော် ဖေဖေရဲ့အချစ်ဆုံးမွေး
စားသား စုံတွဲရောက်နေတာကိုး၊ ဒါကြောင့် ဆူညံနေပါလားဟု တွေးမိလိုက်
သည်။ရေမိုးချိုးပြီးချိန်တွင် ထိုစုံတွဲမရှိတော့ကျောင်းသွားကြလေပြီ။

လောက၌ အချစ်သည် အလွန်ဆန်းကြယ်လှသည်။ ပုံစံအမျိုးမျိုးနဲ့ တည်ရှိနေ
တက်သည်။အသက်ကြီးကြီးငယ်ငယ် မည်သည့်အရွယ်၌ဖြစ်စေ ပုံစံအမျိုးမျိုး
အဓိပ္ပာယ်အမျိုးမျိုးနဲ့တည်ရှိနေတက်ပါသည်။ ထို့ကြောင့်လဲ လူသားတို့ အချစ်
နဲ့တွေ့လျှင် မှင်တက်အံ့သြသွားကြသည်။

ဖေဖေ၌ မွေးစားထားသော သားတစ်ယောက်ရှိသည်။ ထိုကောင်လေး တစ်နှစ်
သားအရွယ်လောက်က ကျန်းမာရေးချူချာသဖြင့် ဗေဒင်ကိန်းဂဏန်းအရ မွေး
စားထားခြင်းဖြစ်သည်။ ဖေဖေနှင့်မေမေက ထိုကလေးအား အရမ်းချစ်သည်။
နာမည်က "ထက်အာကာဟိန်း"..မေမေတို့က ချစ်စနိုးဖြင့် "ကိုထက်" ဟုခေါ်
ကြသည်။ ကျွန်တော်ကတော့"ကုလားလေး"လို့ခေါ်ခဲ့သည်။ညီလေးက အသား
ညိုညိုလေး နှင့် အရမ်းချစ်ဖို့ကောင်းသည်။

အခုဆိုရင် ကုလားလေးတောင် ၄ နှစ်ကျော်ခဲ့ပြီ။ ကုလားလေးမှာလူလည်လေး
ဖြစ်သည်။ အရွယ်နှင့်မလိုက်အောင် ဥာဏ်ကောင်းလှသည်။ ဟိုအရာလဲသူသိ
သည်။ ဒီအရာလဲသူတက်သည်။ သူ့၏ မိဘအရင်းများကလဲ အရမ်းချစ်ကြသည်။
ကျွန်တော်တို့နှင့် အိမ်နီးချင်းများပင်ဖြစ်သည်။ ကျွန်တော်တို့အိမ်ရဲ့တစ်အိမ်ကျော်
မှာ ကုလားလေးထက် ၁ နှစ်မျှကြီးသော ကောင်မလေး တစ်ယောက်ရှိသည်။
ကုလားလေးလိုပင် ဂျင်လေးဖြစ်သည်။ကောင်မလေး နာမည်က" အိရွှေဇင်ဗိုလ်" ။
မိုးလင်းလို့ မျက်နှာသစ်ပြီးပြီဆိုသည်နှင့်ကုလားလေးအား တခြားမှာမရှာတော့နှင့်။
ကောင်မလေး အိမ်သို့ ရောက်နှင့်လေပြီ။

သူတို့နှစ်ယောက်ကို ဘေးအိမ်က လူများက သာမာန်ကလေး အပေါင်းသင်းလို့
မသတ်မှတ်ရဲ။ ဘာကြောင့်လဲဆိုတော့ အတွင်းသိများဖြစ်သောကြောင့်ဖြစ်သည်။
သူတို့နှစ်ယောက်ရဲ့ပြောဆိုပုံ နေထိုင်ပုံအပြုမူလေးတွေဟာ လူကြီးစိတ်နဲ့ကလေး
ကိုယ်တွဲထားလားမှတ်ရသည်။ သူတို့နှစ်ယောက်ရဲ့ အချစ် (၀ါ) သံယောဇဉ်မှာ
ခိုင်မြဲလွန်းလှသည်။ ကုလားလေး သုံးနှစ်ပြည့်တဲ့နှစ်မှာ မူကြိုကို စတင်တက်ခွင့်ရ
သည်။ ထိုအချိန်မှာ ကောင်မလေးမှာ မူကြိုကို ဒုတိယနှစ်တက်နှင့်ပြီ။မိုးလင်းသည်
နှင့် ကုလားလေးမှာ အိမ်မှသုတ်ခနဲ ထွက်လာပြီးကောင်မလေး အိမ်အ၀မှာ ပြူတစ်
ဲပြူတစ်လုပ်နေတယ်သည်။ အထဲသို့လဲ တန်းမ၀င်ရဲ.....။ကောင်မလေး၏ ဖခင်အား
ကြောက်ရွံ့ခြင်းဖြစ်သည် ။ ကောင်မလေးမှာ ကုလားလေးကိုမြင်သည်နှင့် တန်းထွက်
လာသည်။ ထိုအကြောင်းကို လူကြီးပြောနေကြသည်ကို ကျွန်တော်မယုံခဲ့ပေ။
တစ်နေ့မှာ ကျွန်တော့်မျက်လုံးနှင့် သေချာတွေ့မှပင် ယုံခဲ့ရတော့သည်။ သူတို့နှစ်
ယောက်တွေ့ပြီဆိုတာနှင့် လက်ချင်းချိတ်ပြီး ကစားသည်လဲမဟုတ်။ စကားပြောနေ
တက်ကြသည်။ ကျွန်တော်တို့ နားမလည်တဲ့ စကားတွေနဲ့ပေါ့။ အချိန်အတော်ကြာမြင့်
လို့ အိမ်ကမနက်စာစားဖို့ လိုက်ခေါ်မှ သူတို့ပြောတာရပ်သွားတော့သည်။

ဒီလိုအဖြစ်ပျက်လေးတွေ မြင်မှသူတို့ရဲ့ သံယောဇဉ်လေးတွေကို အံ့သြမှင်တက်
ခဲ့ရသည်။ကုလားလေး ကောင်မလေးအိမ်မှာ ထမင်းစားမည်ဆိုပါက ကောင်မလေး
မှာ အရွယ်နဲ့မလိုက်အောင် ပျာယာခက်နေတက်သည်။ လက်ဆေးရေ မနိုင်တနိုင်ထ
ယူပေးသည်။ယပ်တောင်နှင့် ဘေးမှ ခတ်ပေးနေတက်သည်။ ကျွန်တော့်အိမ်ကို
နှစ်ယောက်သားရောက်လာရင်လဲ အမြဲစဖြစ်သည်။ ကောင်မလေးအား ကျွန်တော်က
ကိုကြီးကို အာဘွားပေးပါလားလို့ပြောရင် ကောင်မလေးက ကုလားလေးအား
"နာတိုကြီးကို အာဘွားပေးရမှာလား " ဟုအမြဲမေးတက်သည်။ ထိုအခါမျိုး၌ ကုလား
လေးက မျက်မှောင်ကျုတ်ကြီးနဲ့ကြည့်ပြီး အံကိုကြိတ်ကာ အာလုပ်သံကြီးနှင့် " ပေး
ရင် နင့်ကိုထော်ဝူး " လို့ပြောတက်သည်။ ကျွန်တော်က ရှေ့ဆက်ပြီး ပြောနေမိလျှင်
ကုလားလေးမှာ ကျွန်တော့်ဆီပြေးလာပြီး ကိုက်ဆွဲပါတော့သည်။

ယခုနှစ်ဆိုလျှင် ကောင်မလေးမှာ ၅ နှစ်ပြည့်သောကြောင့် မူကြိုမှ သူငယ်တန်းသို့
ပြောင်းတက်ရလေသည်။ ကုလားလေးမှာ အသက်မပြည့်သေးသောကြောင့် မူကြိုပဲ
ထပ်တက်ရလေသည်။ ဘယ်လိုမှမနေ ကုလားလေးမှာ ကောင်မလေးနှင့်သာ ကျောင်း
အတူတူတက်ချင်နေသည်။ လူကြီးတွေလဲပြောမရသည့်အဆုံး ကျောင်းကဆရာမ
တွေကိုပြောပြပြီး တက်ခွင့်တောင်းရလေသည်။ ဆရာမများလည်း အကျပ်ရိုက်နေလေ
သည်။နောက်ဆုံးတွင် တရားမ၀င်သော်လည်း ကျောင်းရန်ပုံငွေထည့်ခိုင်းကာ အပျော်
သူငယ်တန်း တက်ခွင့်ပြုရလိုက်တော့သည်။ အခုတော့ အဆင်ပြေနေပေမယ့် နောင်
နှစ်ကြရင်ကုလားလေး ဘယ်လိုပြဿာနာရှာမည်ဆိုတာကိုတော့ ကျွန်တော်မတွေးရဲ
တော့ပေ။

ကလေးလေးတွေဖြစ်ပေမယ့် သူတို့သံယောဇဉ်မှာ ခိုင်မြဲလွန်းလှသည်။ ကျွန်တော့်၏
စာအရေးသား ညံ့ဖျင်းမှုကြောင့် သူုတို့ရဲ့ သံယောဇဉ်ကလေးကို ပုံဖော်နိုင်စွမ်းမရှိသော်
လဲ စာဖတ်သူတို့်အပြင်မှာ တွေ့ပါက အတော်တန်ပင်အံ့သြသွားကြမည်။
အော် အချစ်မေတ္တာတရား ဆန်းကြယ်လှပါကော...
မျှော်လင့်သူ....