ညီလေး တက်ရောက်နေသော ကျောင်းတော်ကြီးအေးချမ်းလှသော အညာဆောင်းတွင်းလေးဟာလဲ တဖြည်းဖြည်းနဲ့ ကုန်ဆုံးလာခဲ့လေပြီ။ ပထမနှစ်ကျောင်းဆင်းလို့ အိမ်၌ခွင့်ပြန်နားနေ သော ညီလေးလဲ ပြန်ဖို့ခွင့်ရက်စေ့ခဲ့ပြီ။ အချိန်တွေဟာ အကုန်မြန်သယောင်တောင် ထင်ရသည်။ သူကျောင်းတက်နေတုန်းက ပြန်လာဖို့ရက် တွက်ရင် ဝေးနေခဲ့သည်။ အခုကြတော့လဲ ခွင့်ရတဲ့ 1 လက မျက်စိရှေ့တွင် ကုန်ဆုံးသွားခဲ့ပြီ။ ဒါပေမယ့် သူပြန်လာနေတဲ့အချိန်လေးတွေမှာ မိသားစုလေး၏ ကြည်နူးရိပ် ၊ ရယ်သံများဖြင့် အိမ်ကလေးမှာစိုပြေနေခဲ့သည်။
ကျွန်တော်တုိ့ မိသားစုက အင်အားအရမ်းနည်းသည်ဆိုရမည်။ ဖေဖေဆုံးပြီးတဲ့နောက် မေမေရယ် ၊ ညီလေးရယ် ၊ ကျွန်တော်ရယ် သုံး ယောက်နေခဲ့ကြရာ အခုသူကျောင်းစတက်ကတည်းက မေမေနှင့်ကျွန်တော် နှစ်ယောက်ထဲနေဖြစ်တော့သည်။ ကျွန်တော်ကလဲ နေ့ရောည ပါအိမ်သိပ်မကပ်နိုင် ။ အလုပ်ချိန်များနှင့် အပြင်မှာသာ အချိန်ကုန်နေခဲ့သည်။ အမေတစ်ယောက်ထည်း အိမ်မှာနေဖြစ်ခဲ့သည်။ ညီလေး ရောက်လာတော့ မေမေတစ်ယောက် အဖော်ရပြီး ပျော်ရွှင်နေခဲ့သည်။ သားငယ်လေးဖို့ မိုးလင်းကတည်းကတိုင်း မိုးချုပ်တဲ့အထိ မပင်ပန်း နိုင် ချက်ပြုတ်ကျွေးလိုက် ၊ လျှော်ဖွတ်ပေးလိုက် ၊ စကားတွေပြောနေလိုက်နှင့်. အချိန်တွေကုန်လွန်ခဲ့တာ ပြန်ဖို့ရက်တောင် ရောက်လာခဲ့ သည်။
မေမေစိတ်ကောင်းနိုင်မည်မဟုတ် ။ ကျွန်တော်လဲ စိတ်မကောင်းဖြစ်ရသည်။ မိသားစုလေး ခြောက်ကပ်သွားမှာကို စိုးရိမ်မိသည်။ အိမ်က လေးစိုပြေအောင် အစွမ်းကုန်ကြိုးစားမယ်လို့လဲ ကျွန်တော်စိတ်ကူးမိပါသည်။ မေမေတစ်ယောက် စိတ်မကောင်းဖြစ်ရပေမယ့် သားငယ် ရှေ့မှာ မျက်ရည်မကျခဲ့ပါဘူး ။ သားငယ်ရှေ့ရေးကောင်းစားဖို့အတွက် ခွဲနေရတယ်ဆိုတာကို သေချာသဘောပေါက်နားလည်ထားသော မိခင်ကောင်းတစ်ဦးဖြစ်ပါတယ်။ ဖေဖေ မေမေတို့ရဲ့ ရည်မှန်းချက်အပြင် ကိုယ့်ရည်မှန်းချက်ပန်းတိုင်ကို အပြည့်ဝယုံကြည်စိတ်ဖြင့် လျှောက်လှမ်းနေသော ညီလေးအတွက်လဲ ဂုဏ်ယူမိပါတယ်။ ကျွန်တော်မလုပ်ခဲ့နိုင်တာကို သူက ဖြစ်အောင်လုပ်ပေးနိုင်ခဲ့ပါတယ်။
ဒီမပြန်ခင်ရက်ကလေးမှာ ကျွန်တော်တို့ စိတ်ပူစရာနဲ့ ကြုံတွေ့ခဲ့ရပါသေးတယ်။ ယမန်နေ့က အိမ်ကို တပ်မဌာနချုပ် စစ်ဦးစီးရုံးမှ အကြပ် တစ်ယောက် အိမ်ကိုရောက်ချလာသည်။ မေမေ့အား ရုံးခဏလိုက်ခဲ့ဖို့ပြောပါတယ်။ မေမေလဲ မီးဖိုချောင်ထဲမှ အ၀တ်စားလေးလဲခါထ လိုက်သွားသည်။ ဟိုရောက်တော့ အရာရှိများ ရုံးထဲမှထွက်လာပြီး အမကြီး ဗိုလ်လောင်းကိုဘယ်လွတ်သေးလဲ ဟု စိုးရိမ်နေတဲ့ စိတ်ဖြင့် မေးမြန်းကြသည်။ မေမေတောင်ကြောင်သွားခဲ့သည်။ ပြီးတော့မှ တာဝန်ရှိ ဗိုလ်မှုးက သေချာပြောပြသည်။ စစ်တက္ကသိုလ်မှ ကြေးနန်းဝင်ကြောင်း ၊ ရန်ကုန်တစ်ဝိုက်တွင် ဗိုလ်လောင်းအမှတ် .... ဗိုလ် လောင်း ...... ကား Accident ဖြစ်၍ ရန်ကုန် မင်္ဂလာဒုံစစ်ဆေးရုံကြီးမှာ တင်ထားကြောင်း ၊ အခု ထိုစစ်ဆေးရုံကြီးမှ စစ်တက္ကသိုလ်သို့ သတင်းလှမ်းပို့၍ အခုလို သက်ဆိုင်ရာ စစ်ဌာနချုပ်သို့ သတင်းလှမ်းပို့တာဖြစ်ကြောင်း ပြောပြသည်။ ထိုအခါမှ မေမေက မဟုတ်ကြောင်း ဗိုလ်လောင်းက အိမ်မှာသာဖြစ်ကြောင်း ၊ ကျောင်းတော်က လွဲနေတာဖြစ်ကြောင်း ၊ ဗိုလ်မှုးတို့အနေနဲ့ ပြန်လည်သတင်းပို့ပေးစေလို ကြောင်းပြောကြားပြီး ပြန်လာခဲ့သည်။
ညနေလောက်တွင် ရုံးမှ တာဝန်ရှိသူတစ်ဦး ပြန်လည်ရောက်ချလာပြန်သည်။ ထိုအခါ ညီလေးလဲ ယူနီဖောင်းလဲကာ မေမေနှင့် ရုံးကို လိုက်သွားခဲ့သည်။ ရုံးရောက်တော့ စစ်တက္ကသိုလ်မှ ဖုန်းမှာ အချိန်ပြည့်လာနေကြောင်း ၊ ကျွန်တော်တို့ တာဝန်မှုးတွေတောင် ရှင်းပြတာ ကိုမယုံကြောင်း ၊ ကျောင်းမှ တာဝန်ရှိသူများက စိတ်ပူနေကြောင်း ၊ ဗိုလ်လောင်းကိုယ်တိုင် သတင်းပို့ပေးစေလိုကြောင်းပြောကြားသည်။ ထိုအခါ ညီလေးက ကျောင်းသို့ဖုန်းခေါ်ပြီး သေချာရှင်းပြလိုက်သည်။ အမှန်မှာ ကား Accident ဖြစ်ခဲ့သည့် ဗိုလ်လောင်းမှာ ညီလေးနှင့် နာမည်တူဖြစ်နေခဲ့သည်။ နောက်ပြီး တပ်ခွဲနံပါတ်ချင်းတူကာ တပ်ရင်းသာကွဲခဲ့သည်။ နောက်ပြီး BC နံပါတ်မှာလဲ ကျောင်းတုန်းကလွဲနေ ခဲ့ရာ ကျောင်းဆင်းလို့ ပြန်လာခါနီးမှ တည့်ခဲ့ရသည်။ ထို့အပြင် ထပ်ပြီး တိုက်ဆိုင်နေသည်မှာ အဖေနာမည်ပင် တူနေခဲ့လေသည်။
ဗိုလ်လောင်း နာမည် ၊ တပ်ခွဲ ၊ အဖေနာမည် ၊ နောက်ပြီး ဗိုလ်လောင်းအမှတ် အားလုံးက တိုက်ဆိုင်နေခဲ့သည်။ ထို့ကြောင့်လဲ ကျောင်း တော်မှ စိတ်ပူပြီး အကြိမ်ကြိမ်ဖုန်းဆက်ပြီး မိဘတွေကို ဆက်သွယ်နေချင်းဖြစ်သည်။ တကယ်ဖြစ်ခဲ့သော ဗိုလ်လောင်းအခြေနေကို ကျွန် တော်တို့ မသိခဲ့ရပေ။ သို့သော် အသက်အန္တရာယ်စိုးရိမ်စရာမရှိတော့ သိရသည်။ သို့သော် ကျောင်းစာတွေမှီနိုင်အောင်က ကြိုးစားရပေ တော့မည်။ ညီလေးလဲ ပထမနှစ်တက်တုန်းက ပြင်ဦးလွင်စစ်ဆေးရုံကြီးမှာ နှစ်ကြိမ်တိတ်ိတက်ရောက်ကုသခဲ့ရသေးသည်။
စပြီး ညီလေး ကျောင်းတက်ခါစက သေးသေးသွယ်သွယ်ဆိုပေမယ့် ပထမနှစ်ပြီး ပြန်လာတော့ တော်တော်လေးကို ထွားကြိုင်းလာပြီး ယောကျာင်္းပီသလာခဲ့သည်။ နောက်နှစ်တွေပြန်လာရင် ပိုပြီးတောင့်တင်းလာမည်။ ကျွန်တော်တော့ လိုက်မမှီတော့း) . အခု ဒီနေ့ 12.1.2010 မှာ ညီလေးဟာ ကျောင်းတော်မှာ ပညာဆည်းပူးပြီး နိုင်ငံအကျိုးသယ်ပိုးနိုင်ရန်အတွက် အရှေ့တောင် အာရှ၏ တစ်ခုတည်း သော စစ်တက္ကသိုလ်သို့ ယနေ့စံတော်ချိန် ည 7 နာရီတိတိမှာ ရွှေမန်းသူ အမြန်ယာဉ်လိုင်းမှ တဆင့် ပြင်ဦးလွင်မြို့သို့ ပြန်လည်ထွက်ခွာ သွားခဲ့ပါသည်။ အဝေးတစ်နေရာမှာ ပညာတွေသင်ကြားရင်း နိုင်ငံသားကောင်းရတနာဖြစ်လာမယ့် ညီလေးအား ဂုဏ်ပြုလျှက်...
12.1.2010 မြန်မာစံတော်ချိန် ည 8 နာရီ 20 မိနစ်...
စာဖတ်သူတို့အား အစဉ်လေးစားလျှက်.
မျှော်လင့်သူ
