ပုံပြင်လေးတစ်ပုဒ်

ပုံပြင်လေးတစ်ပုဒ်ပြောပြမယ်နော်.

Boy : hi lady
Girl : hi :)
Boy : nay kg lar ?
Girl : hote ka`, kg par tal . u kaw ?
Boy : hote ka`

ကောင်လေးတစ်ယောက်နဲ့ ကောင်မလေးတစ်ယောက် အွန်လိုင်းပေါ်က Chat room တစ်ခုမှာ တွေ့ခဲ့ကြတယ်။ တစ်ယောက်နဲ့ တစ်ယောက် မိတ်ဆက်လိုက်ကြတယ်။ တစ်ယောက်နဲ့ တစ်ယောက်ဖော်ဖော်ရွေရွေပဲပေါ့ ။ စကားတွေအများကြီးပြောဖြစ်ခဲ့ကြသည်။ နောက်ဆုံးပြန်ခါနီးမှ သူတို့နှစ်ယောက်ဟာ တစ်မြို့ထဲနေတဲ့သူတွေမှန်းသိလိုက်တယ်။ ဒါနဲ့ပဲ ကောင်လေးက ကောင်မလေးကို ခင်မင် ခွင့်အမှတ်တရ အနေနဲ့ အအေးတိုက်ဖို့ ခွင့်တောင်းလိုက်တယ်။ ကောင်မလေးကလဲ သူ့လိပ်စာအပြည့်စုံကိုကို ကောင်လေးကို ပေးလိုက် ပြီး လာခေါ်ဖို့ပြောလိုက်တယ်။

ကောင်လေးတစ်ယောက် ကောင်မလေးပေးတဲ့ လိပ်စာအတိုင်း ကောင်မလေးရှိတဲ့နေရာကို ရောက်လာခဲ့တယ်။ ကောင်မလေးက ဒီမြို့ မှာနေတယ်ဆိုပေမယ့် ဒီမြို့သူမဟုတ် တခြားနယ်ကကျောင်းလာတက်တဲ့သူ ။ အဆောင်သူလေးပေါ့ ။ ကောင်လေးရောက်တော့ ကောင် မလေး တစ်ယောက်ထွက်တွေ့တယ်။ သူနဲ့ အွန်လိုင်းပေါ်မှာတွေ့တဲ့ကောင်မလေးပေါ့ ။ ကောင်လေးက ကောင်မလေးကိုခေါ်ပြီး ဆိုင် လေးတစ်ဆိုင်မှာ အအေးသောက်ထွက်ခဲ့ကြတယ်။ နောက် မြို့ထဲမှာ လျှောက်လည်ကြတယ်။ တစ်နေကုန်ပဲပေါ့။ နောက်ရက်တွေမှာလဲ ကောင်လေးက လာလည်ပါရစေလို့ခွင့်တောင်းတော့ ကောင်မလေးက အားလုံးအဆင်ပြေပါတယ်တဲ့။

ကောင်လေး ။ ။ ကျွန်တော် သူ့ကို ချစ်မိနေပြီလား မသိဘူး ။ တစ်နေကုန်လဲ သူ့ဆီကို အာရုံရောက်နေတယ်။ ဘာအလုပ်မှမဖြစ်ဘူး။ ရုံးက မန်နေဂျာကတောင် အာရုံတွေလွင့်လို့ ပြောနေပြီ ။ ဒီနေ့သူနဲ့ ချိန်းထားတယ် ။ ညနေရုံးဆင်းရင် အပြေးလေးသွားမယ် စိတ်ကူး လိုက်တယ်။ ကျွန်တော် သူ့ဆီရောက်သွားတော့ သူ အဆောင်အပြင်ကို ထွက်တွေ့တယ်။ ကျွန်တော်တို့ စကားတွေပြောကြတယ်။ အ ဆောင်ပိတ်ခါနီးတော့ သူပြန်ဝင်သွားတယ် ။ အရမ်းကြည်နူးဖို့ကောင်းတယ်ဗျာ ။ သူကျွန်တော့်ပေါ်ဆက်ဆံတာ ကြည့်ရတာ ကျွန်တော်ရဲ့ ခံစားချက်တွေကိုများ သိနေလားမသိဘူး ။ ဒီညတော့ အိမ်မက်လှလှလေးတွေမက်ဦးမယ် ထင်ပါတယ်ဗျာ။

သူနဲ့ စတွေ့တာ ဒီနေ့ဆို 2 ပတ်တောင်ရှိခဲ့ပြီ။ အတူသွားလည်ကြတယ်။ အတူတူစားကြတယ်။ ကျွန်တော်တကယ်ရူးနေပြီထင်ပါတယ်။ ကျွန်တော်သူ့ကို ဖွင့်ပြောလိုက်ရင်ကောင်းမလားဟင် ။ မဖြစ်သေးပါဘူး ကျွန်တော့်ရဲ့ အချစ်က ရင်ထဲကတကယ်ဖြစ်တည်လာတာ။ အချိန်တစ်ခုကြောင့် ကျွန်တော့်အချစ်ကို ပေါ့ပေါ့လေးတွေးသွားနိုင်တယ်။ သူ ဒီနေ့ပြောတယ် စာမေးပွဲနီးလို့ အိမ်ခဏပြန်မယ်တဲ့။ ကျွန် တော် ရင်အရမ်းခုန်သွားတယ်။ သူပြန်သွားရင် အချိန်မကြာသေးတဲ့ ဆက်ဆံရေးလေး ကြဲသွားနိုင်တယ်။ ဒါပေမယ့် ခွင့်ပြုခဲ့ရတယ်။ သူ့ရဲ့ အိမ်ဖုန်းလေးတောင်းတော့ သူ့အိမ်ကိုမဆက်ပါနဲ့တဲ့ ။သူဆက်သွယ်ပါမယ်တဲ့။

သူပြန်ရောက်ရောက်ချင်း ဖုန်းတခါဆက်သည်မှလွဲပြီး သူအိမ်မှာနေတဲ့ တစ်လလုံးလုံးတစ်ကြိမ်မှမဆက်သွယ်။ သူနေမှကောင်းမလား စိတ်ပူနေခဲ့ရတယ်။ သူပြန်ရောက်လာတယ်။ ကျွန်တော့်ကို စိမ်းနေခဲ့တယ်။ ကျွန်တော်ကတော့ အချစ်တွေကော အလွမ်းတွေကောနဲ့ ပိုပြီး ပြည့်လာခဲ့တယ်။ ကျွန်တော်သူ့အဆောင်ရှေ့ရောက်သွားရင် အရင်လို တန်းထွက်မလာတော့ဘူး။ ဖုန်းတွေအရမ်းပြောလာတယ်။ chatting တွေအရမ်းလုပ်လာတယ် ။ သူငယ်ချင်းလို့ပြောတဲ့ ကောင်လေးတွေလဲ အဆောင်ရှေ့မှာသူကို လာလာစောင့်နေတက်တယ်။ အွန်လိုင်းပေါ်က ကောင်လေးတွေကိုလဲ ကျွန်တော့်ရှေ့မှာတင်ကြူတက်လာတယ်။ ကျွန်တော် စိတ်အရမ်းညစ်ပေမယ့် သူ့ကိုချစ်နေခဲ့ တယ်။ မိုးလေတွေကျတဲ့တစ်နေ့က သူကျောင်းမဆင်းသေးလို့ စိတ်ပူပြီး မိုးရွာထဲမှာသွားကြိုခဲ့တယ်။ သူနေမကောင်းဖြစ်လို့ စိတ်ပူပြီး တစ်နေကုန် ပြုစုပေးခဲ့တယ်။ သူ့ဘ၀အတွက် အလုပ်ချိန်ကလွဲရင် ကျန်တဲ့အချိန်ကောင်မလေးအတွက်ဖြစ်စေခဲ့တယ်။

တစ်နေ့ ကျွန်တော်ဖွင့်ပြောတော့ သူ ကျွန်တော့်အချစ်ကိုလက်ခံခဲ့တယ်။ ဒါပေမယ့် ကျွန်တော်တို့ နှစ်ယောက်ထည်းသိမယ့် အချစ်မျိုးတဲ့ ဘေးလူတွေသိမှာမလိုချင်ဘူးတဲ့ ။ ချစ်ရသူက ကျွန်တော်ကိုလက်ခံခဲ့တယ်။ မနက်အစောကြီးထပြီး သူ့ကို မနက်စာစားဖို့သွားခေါ်တယ်။ အိပ်ရာမနိုးသေးလို့ နေတိုင်း 1 နာရီလောက်စောင့်ရတယ်။ ဒါပေမယ့် သူ့ သူငယ်ချင်းကောင်လေးတစ်ယောက်ကိုကျတော့ မနက်အစော ကြီး သူကျောင်းလိုက်ပို့တယ်။ ကျွန်တော်ချစ်သလောက်ရဲ့ 10 ပုံ 1 ပုံလောက်ပဲ ပြန်ချစ်ရင် ကျွန်တော့်အချစ်တွေကို သူသိနိုင်မယ်ပြော တော့ သူကရယ်မောသံလေးနဲ့ အချစ်ကို မယုံကြည်ချင်ဘူးတဲ့ ။ သူနဲ့ ချစ်သက်တမ်း 3 လသာပြည့်လာတယ် ။သူ့လက်ကလေးကို ကိုင် ခွင့်မရခဲ့ ။ ကြည်နူးဖွယ်ချစ်စကားလေးတွေ ပြောခွင့်မရခဲ့ ။ အနမ်းလေးတပွင့်ချွေဖို့က ဝေးစွ ။

တစ်နေ့ သူ့အကောင့်လေး အွန်လိုင်းတက်လာတော့ ကျွန်တော်ပျော်ပြီး ခေါ်မိလိုက်တော့ တခြားကောင်လေး ကျွန်တော့်ကို ဟားတိုက် တယ်။ ကောင်မလေးက အွန်လိုင်းတက်တိုင်း တခြားကောင်လေးတွေကို ကျွန်တော့်အကြောင်းပြောပြီး ဟားတိုက်တယ်တဲ့ ။ Chat list တွေလဲ ပြတယ် ။ ကျွန်တော်အရမ်းတင်းသွားတယ် ။ ကျွန်တော်သူ့ကို ခေါင်းငုံပြီးချစ်ခဲ့တာ သူ့ကို ချစ်လွန်းလို့ ၊ အခုလို အနှိမ်ခံဖို့မဟုတ် ဘူး ။ ကျွန်တော်ဆုံးဖြတ်လိုက်တယ်။ သူ့ကိုအရမ်းချစ်ခဲ့သမျှ အခုအရမ်းမုန်းသွားခဲ့ပြီ ။

ကောင်မလေး ။ ။ ကျွန်မဆီကို အွန်လိုင်းပေါ်က ကောင်လေး တစ်ယောက်ရောက်လာခဲ့တယ်။ သူနဲ့ အပြင်လိုက်သွားခဲ့မိတယ်။ သူပျော်နေတာကို ကြည့်ပြီး ကျွန်မကြည်နူးမိတယ်။ သူရဲ့ အမူရာလေးတွေက ကျွန်မကို နှစ်သက်တဲ့အမူရာတွေအရမ်းပြလာခဲ့တယ်။ သူကျွန်မကို နှစ်သက်နေပြီလား ။ မဖြစ်ဘူး ကျွန်မကို နှစ်သက်လို့မဖြစ်ဘူး ။အခုချိန်မှာ ကျွန်မ ယောင်္ကျားတွေကို မုန်းတယ်။ တစ်ခါခဲမှန် ဘူးတဲ့ စာသူငယ်လို နောက်တစ်ခါအဖြစ်မခံချင်တော့ဘူး ။ ကျွန်မရဲ့ နှလုံးသားက သေနေပြီ ။ အခုချိန်မှာ ယောင်္ကျားတွေကို ကလဲ့စား ချေချင်တာပဲ သိတယ်။ သူစိတ်ရင်းကို ကျွန်မ ခန့်မှန်းမိသည်။ သူ စိတ်ရင်းကောင်းသည်။ အပြုမှုတိုင်းက နှလုံးသားထဲက ထွက်ကျလာ မှန်း ကျွန်မသိသည်။ ကျွန်မ အိမ်ကို ခဏပြန်သွားခဲ့သည်။ သူ့ စိတ်မကောင်းဖြစ်စွာနဲ့ ကျွန်မကို အကြိ်မ်ကြိမ်ဖုန်းဆက်ဖို့မှာသည်။ ကျွန်မ စိတ်ထဲမှာတော့ ဆက်သွယ်ဖုိ့အတွေးမရှိခဲ့ပါဘူး။ အိမ်ပြန်ရောက်တော့ ကိုဦး တစ်ယောက်အိမ်ထောင်ကျသွားကြောင်းသိရသည်။ ကျွန်မ အချစ်ကို ပေါ့ပျက်ပျက်ထားခဲ့ပြီး နောက်တစ်ယောက်နဲ့အခုလိုဖြစ်သွားတယ် ။ ကျွန်မ အရမ်းနာကြည်းသွားတယ် ။

ဆုံးဖြတ်ချက်ချလိုက်တယ်။ ယောင်္ကျားတွေကို မုန်းတယ် ။ သူတို့အချစ်ကိုကစားသလို .. သူတို့ပြန်ပြီးနာကျင်စေရမယ်။ ကျွန်မပြန် ရောက်တော့ သူ့အပြေးလေးရောက်ချလာတယ်။ ကျွန်မ သူ့ကိုရှောင်ခဲ့တယ်။ တခြားတစ်ယောက်နဲ့ ဖုန်းတွေပြောပြခဲ့တယ်။ ကောင်လေး တွေနဲ့ အပြင်ထွက်လျှောက်လည်ခဲ့တယ်။ အွန်လိုင်းပေါ်မှာ ကြူခဲ့တယ်။ ယောကျာင်္တွေကို အရမ်းလှည့်စားခဲ့တယ်။ ဒါပေမယ့် သူစိတ်မ ပျက်ဘူး ။ သူရဲ့ အပြုမှုတိုင်းက ကျွန်မကို နာကြည်းစေဖို့ထက် ကျွန်မရင်ကို လှုပ်ခတ်လာခဲ့တယ်။ ကျွန်မပေါ်မှာ စိတ်ညိုညင်မှုတစက် မျှမရှိခဲ့ဘူး။ သူဖွင့်ပြောလာတော့ ကျွန်မ ဘာရယ်ကြောင့်မှန်းမသိ ခေါင်းညိမ့်မိလိုက်တယ်။ ဒါပေမယ့် ယောင်္ကျားတွေပေါ်နာကြည်းတဲ့ စိတ်ကပြင်းထန်နေတော့ သူ နာကြင်မယ့် အပြုမှုတွေပဲ ဆက်တိုက်လုပ်ခဲ့တယ်။

တစ်နေ့ မိုးတွေအရမ်းရွာနေတယ်။ မြို့ထဲမှာလဲ သစ်ကိုင်းတွေကျိုးကျနေတယ်။ သူတစ်ယောက် ကျောင်းရှေ့ကို မိုးရေစိုရွဲပြီး ရောက်ချ လာတယ် ။ လက်ထဲမှာလဲ ထီးလေးတစ်လက်နဲ့ပေါ့ ။ မိုးတွေအရမ်းရွာတော့ သူစိတ်မချလို့ အဆောင်ကို အရင်သွားကြည့်တာ ပြန်မ ရောက်သေးလို့ ကျောင်းကို လိုက်လာကြောင်းပြောတယ်။ သူအရမ်းချမ်းနေခဲ့တယ်။ ကျွန်မတို့အဆောင်ပြန်ရောက်တော့ အချိန်တော် တော်လေးကြာနေခဲ့ပြီ ။ အဲနေ့က ကျွန်မလဲ မိုးနည်းနည်းမိတော့ ဖျားခဲ့တယ်။ သူတစ်နေကုန်နီးပါး လာပြီး ပြုစုပေးတယ်။ ကျွန်မ နောက် မှသိခဲ့တယ်။ အဲနေ့ သူလဲ ခေါင်းတွေအရမ်းကိုက်ပြီး ဖျားနေတာတဲ့ ။ ကျွန်မ နောက်ပိုင်းသိလိုက်တယ်။ ရင်ထဲမှာ သူ့ကိုချစ်နေမိပြီဆိုတာ သူ့ကို စိတ်ညစ်အောင်မလုပ်ချင်တော့ဘူး။ အရင်ကလုပ်ခဲ့တာတွေကို သူ့ကိုတောင်းပန်မယ်။ သူ့နားလည်ပေးမယ်လို့မျှော်လင့်မိတယ်။ သူ့ကို အရမ်းချစ်နေမိပြီဆိုတဲ့ အကြောင်းတွေပြောပြချင်တယ်။ ကျွန်မ သူ့ကိုအရမ်းချစ်သွားပြီ။

ကောင်လေးတစ်ယောက် ကောင်မလေးဆီကို ရောက်သွားခဲ့တယ်။ ကောင်မလေးထွက်လာသည်။ အရမ်းပြုံးရွှင်လို့ပေါ့။ ကောင်လေးက တော့ မျက်နှာလေးငြိုလို့ပေါ့။ အဆောင်ရှေ့က ခုံတန်းလေးမှာ နှစ်ယောက်သား တူတူထိုင်လိုက်သည်။ ကောင်မလေးက ကောင်လေးကို
မောင် ပြောစရာရှိတယ်..
နေအုံး မောင်အရင်ပြောမယ်..
အင်း ပြောလေ... ပြီးရင် တို့လဲ ပြောမယ် .
မောင် မင်းကို ဘယ်လောက်ချစ်ခဲ့တယ်ဆိုတာသိတယ်နော်..
အင်း သိတယ်လေ မောင်ရယ်..
အေး မင်းဘာသိတာလဲ ငါမင်းကို ချစ်ခဲ့သလောက် မင်းငါ့ကို ရက်စက်လွန်းတယ်.
ကောင်လေး အရမ်းဒေါသထွက်နေမှန်း ကောင်မလေးသိလိုက်သည်။ သူ မှားခဲ့ပါသည် ။ ဒါပေမယ့် ကောင်လေးကို တောင်းပန်ပြီး သူ ချစ်နေတဲ့အကြောင်းပြောချင်သည်။ ကောင်လေးက ဆက်လက်ပေါက်ကွဲလေသည်။
ငါမင်းကို ချစ်ခဲ့တယ် ။အနွံတာခံခဲ့တယ် ။ ဒါတွေအားလုံးဟာ ငါ့ကို မင်းတခြားယောင်္ကျားတစ်ယောက်နဲ့ ဟားတိုက်ဖို့မဟုတ်ဘူး..
အခုတော့ မင်းမို့လုပ်ရက်တယ်ကွာ...
မဟုတ်ပါဘူး မောင်ရယ် .. ရှင်းပြပါရစေအုံး..
နေကွာ ဘာမှမရှင်းပြနဲ့ .. ငါအားလုံးကို ရှင်းရှင်းလင်းလင်းသိပြီးပြီ မြွေဟောက်လိုမိန်းမမျိုး သိပ်ကြောက်ဖို့ကောင်းတယ်..
မင်းကို မုန်းလဲမုန်းတယ်.. ရွံလဲရွံတယ်..
မောင်......
ကောင်မလေးအကျယ်ကြီး အော်လိုက်သည်။
တဖက်သက်မပြောပါနဲ့ တို့ ရှင်းပြတာ နားထောင်ပါအုံး..
ကောင်လေး ထွက်သွားချေပြီ။ အရမ်းကို ခါးသီးခက်ထန်လွန်းသည့်မျက်နှာနှင့် ။ ကောင်မလေးသိလိုက်သည်။ ရှင်းပြခွင်ရမယ်မဟုတ် တော့ ၊ သူ့ဆီဘယ်တော့မှ ပြန် လာတော့မည်မဟုတ်တော့ပေ ။ နှစ်ဦးလုံးရဲ့ မျက်ရည်စများ နှလုံးသားထဲသို့ စီးဆင်းခဲ့လေပြီ ။..

စာဖတ်သူတို့အား အစဉ်လေးစားလျှက်..
မျှော်လင့်သူ...