အမျိုးသားများသာ ဖတ်ရှုရန်

စိုထိုင်းထိုင်းအိပ်မက်များနှင့် အရွယ်ရောက်ပြီးသူတစ်ယောက်ရဲ့ ရင်ခုန်သံ

ညဘက် အိပ်ပျော်နေစဉ်အတွင်း သုက်လွှတ်မိခြင်း နဲ့ ပတ်သက်လို့ ပရိသတ်တစ်ယောက်က ကွန်မန့်တွေမှာ တစ်မျိုး၊ မေးလ်နဲ့တစ်ဖုံ မေးမြန်းခဲ့ပါတယ်။ ကျွန်တော်လဲ အကြောင်းကြောင်းကြောင့် ပြန်လည်ဖြေကြားဖို့ နှောင့်နှေးခဲ့ရတာ တောင်းပန်ပါတယ်။ အခုတော့ မေးမြန်းသူသာမက ပရိသတ်များအားလုံးပါ ဗဟုသုတ ရစေဖို့ စုစည်းတင်ပြပေးလိုက်ပါတယ်။

ဒီဖြစ်စဉ်ကို အင်္ဂလိပ်လို nocturnal emission (ညဖက်သုက်လွှတ်ခြင်း) သို့မဟုတ် wet dreams (အိပ်မက်အစိုများ) လို့ ခေါ်ပါတယ်။ ဖြစ်ရတဲ့ ယေဘုယျ အကြောင်းတရားတွေကတော့ ဆန့်ကျင်ဖက်လိင်နဲ့ သာယာထိတွေ့ရတယ်လို့ မက်တဲ့ အိပ်မက်တွေကြောင့်၊ လိင်အင်္ဂါကို မွေ့ရာ၊ စောင်၊ ခေါင်းအုံး စတဲ့ အရာတွေနဲ့ လှုံ့ဆော်မိသလို ဖြစ်သွားစေလို့ ၊ ဒါမှမဟုတ် တချိန်က ကြုံတွေ့ခံစားခဲ့ရတဲ့ လိင်ပိုင်းဆိုင်ရာ အတွေ့အကြုံ ခံစားမှုတွေကို ဦးနှောက်ထဲမှာ ပြန်လည်ပေါ်ပေါက်လာလို့ ဖြစ်တတ်ကြတယ်လို့ သိရပါတယ်။ ဒါပေမယ့် ဒီလိုတွေကြောင့် မဟုတ်ဘဲနဲ့လဲ ဖြစ်တတ်ပါတယ်လို့လဲ တွေ့ရှိထားရပါတယ်။ (ဒါမျိုးကတော့ အထူးသဖြင့် လူပျိုပေါက်အရွယ် ခန္ဓာကိုယ်ကြီးထွား ဖွံ့ဖြိုးအရပ်ရှည်ထွက်ချိန်မှာ ဖြစ်တတ်ပါတယ်)
သုတေသန ပြုလုပ်ထားချက်များအရ ဒါဟာ တစ်ကိုယ်ရည် အာသာဖြေခြင်း အကြိမ်အရေအတွက်နဲ့ မသက်ဆိုင်ဘူးလို့လဲ သိရပါတယ်။ အရွယ်ရောက်လာချိန်မှာ မျိုးပွားဟော်မုန်းတွေ များပြားလာလို့ ဖြစ်ရတာသာ ဖြစ်တယ်လို့ ဆိုပါတယ်။ ယောက်ျားလေးတွေမှာ အဲန်ဒရိုဂျင်နဲ့ တက်စတိုစတီရုန်း ဖြစ်ပါတယ်။ (ဒီဖြစ်စဉ်က မိန်းကလေးတွေမှာလဲ ဖြစ်တတ်ပါတယ်လို့ သိရပါတယ်။ ယောက်ျားလေးတွေမှာတော့ ပိုများတယ်လို့ သိရပါတယ်)။ ဒါတွေအပြင် အရွယ်ရောက်ပြီး နောက်ပိုင်းမှာလဲ ဘယ်အသက်အရွယ်မှာမဆို ဖြစ်တတ်တဲ့ သဘာဝလဲ ရှိပါတယ်။

ဒီဖြစ်စဉ်ရဲ့ အကြိမ်အရေအတွက်ဟာလဲ လူတစ်ယောက်နဲ့ တစ်ယောက် လုံးဝကွဲပြားခြားနားပါတယ်။ တစ်ချို့က အကြိမ်ပေါင်းများစွာ ခံစားရပေမယ့် တစ်ချို့ကတော့ ဘ၀မှာ တစ်ကြိမ်တစ်ခါတောင် မကြုံဖူးဘူးလို့ သိရပါတယ်။ ဗဟုသုတအနေနဲ့ ပြောပြရရင် အင်ဒိုနီးရှားနိုင်ငံသားတွေက ကမ္ဘာပေါ်မှာ အဖြစ်အများဆုံးလို့ သိရပါတယ်။ သူတို့ဟာ အသက်၂၄ နှစ်အရောက်မှာ ယောက်ျားထုတစ်ရပ်လုံးရဲ့ ၉၇ ရာခိုင်နှုန်းက ဒီဖြစ်စဉ်ကို ခံစားဖူးကြပြီလို့ သိရပါတယ်။ ဖြစ်တဲ့ အကြိမ်အရေအတွက်လဲ တခြားဒေသကလူတွေထက်စာရင် ပိုစိပ်ပါတယ်တဲ့။

ကမ္ဘာသိ လိင်ပိုင်းဆိုင်ရာ သုတေသီတစ်ဦးဖြစ်သူ Alfred Kinsey က “ တစ်ကိုယ်ရည်အာသာဖြေခြင်းနဲ့ အိပ်မက်စိုတွေနဲ့ အနည်းငယ်ဆက်စပ်မှုတော့ ရှိပါတယ်။ အာသာမဖြေသူတွေဟာ အိပ်မက်စိုတွေ ပိုမက်တတ်ကြတယ်လို့ လေ့လာတွေ့ရှိရပါတယ်။ ဒါဟာ ဖြစ်နိုင်ပါတယ်။ အိပ်မက်စိုတွေက အာသာဖြေဖျောက်ပြီးသွားတဲ့ သူတွေမှာ မမက်တော့ဘဲ အာသာပိုလျှံနေမှ မက်တတ်တဲ့ သဘောလို့ ယူဆလို့လဲ ရပါတယ်။ ဒါပေမယ့် အာသာမဖြေကြတဲ့ အကြောင်းရင်းက အိပ်မက်စိုတွေ မက်လွန်းလို့လဲ ဖြစ်နိုင်တယ်ဆိုတာတော့ ထည့်စဉ်းစားရမှာပေါ့ဗျာ” ဟု ဟာသနှော၍ ပြောပြသွားပါတယ်။

အိပ်မက်စိုတွေ မက်စေတဲ့ အကြောင်းတရားတွေထဲမှာ ထင်ရှားတဲ့ အကြောင်းတစ်ခုက တက်စတိုစတီရုန်း နဲ့ သဘာဝချင်းတူတဲ့ ဆေးဝါးတွေ မှီဝဲထားရင်လဲ ဖြစ်တတ်ပါတယ်တဲ့။ ၁၉၉၈ ခုနှစ်ကတည်းက ရှာဖွေတွေ့ရှိ အတည်ပြုနိုင်ခဲ့ပါတယ်။

ဒီဖြစ်စဉ်ဟာ အိပ်ပျော်နေစဉ်အချိန်တွေထဲမှာမှ REM (Rapid Eye Movement) လို့ခေါ်တဲ့ မျက်လုံးတွေ လှုပ်နေတဲ့ အချိန်မှာ ဖြစ်ရတာ ဖြစ်ပါတယ်။ REM အိပ်ချိန်အတွင်းမှာ နှလုံးခုန်နှုန်းနဲ့ အသက်ရှူနှုန်းတွေ ပုံမှန်မဟုတ်လို့ ခန္ဓာကိုယ်ရဲ့ အလိုအလျာက်ထိန်းအာရုံကြောအဖွဲ့အစည်း (Autonomic Nervous System) က နိုးကြားလာပြီး အသက်ရှူနှုန်း၊ နှလုံးခုန်နှုန်း တွေကို လိုက်ထိန်းရာကနေ လိင်အင်္ဂါတွေဆီကို ခံစားမှုတွေ အရည်ထုတ်ဂလင်းတွေကို အားပေးရာရောက်သွားလို့ အခုလို ဖြစ်ရတာလို့ တွေ့ရှိထားကြပါတယ်။ သုက်ရည်တွေ ပိုလျှံနေလို့၊ လိင်စိတ်ကို ပိုလျှံမလာစေအောင် သဘာဝက ထုတ်ပစ်လိုက်တဲ့ ဖြစ်စဉ်ဖြစ်တယ်လို့ ပညာရှင်အများစုက ယူဆထားကြပါတယ်။ ဒါပေမယ့် ဒီယူဆချက်နဲ့ မကိုက်ညီကြတဲ့ အချက်တွေလဲ ရှိနေပါသေးတယ်။

မည်သို့ပင် ဆိုစေကာမူ ဤကိစ္စသည် နေ့စဉ်ရက်ဆက် မဟုတ်ပါက ထူးထူးခြားခြား ပင်ပန်းနွမ်းနယ် အားကုန်စေမည်မဟုတ်ဘဲ တခြား မည်သည့်ရောဂါအတွက်မှ စိုးရိမ်စရာမရှိ၊ ဆေးကုရန်မလိုသော ကိစ္စသာ ဖြစ်ကြောင်း တင်ပြပေးလိုက်ပါတယ်။
အကယ်၍ နေ့စဉ်ရက်ဆက်ဆိုရင် အမျိုးသားဟော်မုန်း တက်စတိုစတီရုန်းတွေ နည်းကုန်ပြီး အလုပ်လုပ်နိုင်စွမ်းတွေ စိတ်အင်အားတွေ နည်းလာတတ်လို့ ကျွန်တော်ဟိုတစ်ခါရေးတင်တဲ့ ကျန်းမာရွှင်လန်းအောင်မြင်လိုသော အမျိုးသားများ အတွက် ဆိုတဲ့ ဆောင်းပါးကအတိုင်း နေထိုင်စားသောက်ခြင်းဖြင့် ပြန်လည် ဖြည့်တင်းနိုင်ပါတယ်။

Source : သီဟ - ဆေး ၂ ( Mutdfan )
စာဖတ်သူတို့အား အစဉ်လေးစားလျှက်..
မျှော်လင့်သူ