ရွှေစက်တော်သွား တောလား

စာဖတ်သူတို့အတွက် မန်းရွှေစက်တော်ခရီးသွား အကြောင်းလေးနဲ့ သမိုင်းကြောင်းလေးကို ရေးသားဖော်ပြလိုက်ပါတယ်။ မကွေးမြို့ တစ်ဝိုက်ရဲ့ သမိုင်းကြောင်းဟာ ဟိုးဗုဒ္ဓရှင်တော်မြတ်ရှိစဉ်ကာလထဲက ယဉ်ကျေးမှုထွန်းကားခဲ့ပြီး ဗုဒ္ဓရှင်တော်မြတ် ဒေသစာရီကြွချီ တော်မှုခဲ့တဲ့ နေရာဌာနများလဲဖြစ်ပါတယ်။ ရာဇ၀င်တွေအရ ဘုရားရှင်ဟာ မြစ်အနောက်ဖက်ကိုသာ ကြွချီတော်မှုပြီး မြစ်အရှေ့ဘက် ကမ်းကို ကြွချီမှုမပြုခဲ့ပါဘူး။ မြစ်အရှေ့ဘက်က ဘီလူးတို့အပိုင်စားရပြီး မြစ်အနောက်ဖက်က နဂါးတို့အပိုင်စားရတယ်လို့ မှတ်သားရပါ တယ်။ ထူးခြားချက်မှာလဲ မြစ်အရှေ့ဘက်က စေတီများမှာ ဘီလူးရုပ်ကိုတွေ့ရပြီး မြစ်အနောက်ဘက်စေတီများမှာ နဂါးရုပ်များကိုတွေ့ ရသည်။

ကျောင်းတော်ရာစေတီတော်မြတ်(မကွေးတိုင်း၊ပွင့်ဖြူမြို့နယ်)၊မန်းရွှေစက်တော်ရာ(စကုမြို့နယ်)၊စက္ကိန်းတဲစေတီတော်မြတ်(မင်းဘူးမြို့)၊ မြသလွန်စေတီတော်မြတ်ကြီး(မကွေး) တို့ဟာ သမိုင်းကြောင်းအရ ဆက်စပ်မှုရှိတာကိုတွေ့ရှိရပါတယ်။ ကျွန်တော် ကျောင်းတော်ရာစေတီတော် သမိုင်းအကျဉ်းကို လက်လှမ်းမှီသလောက်ဖော်ပြခဲ့ဖူးပါတယ်။ ဘုရားရှင်ဟာ ကျောင်းတော်ရာစေတီတော်ကအပြန် မင်းဘူးမြို့မှာ ကျိန်းစက်တော်မှုပါတယ်။ ဒီအချိန်မှာ မကွေးဘက်ကမ်းမှ ဘီလူးညီနောင်တို့က ဘုရားရှင်အား သဖန်းသီးကပ်ကာ ကိုးကွယ်ရာတစ်ခုခုကို တောင်းခံပါတယ်။ ဒီအချိန်မှာ ဘုရားရှင်ဟာ သိကြားမင်းလှူဒါန်းထားသော မြသားသလွန်အစစ်ကို ပေးသနားတော်မှုပါတယ်။ ထိုသလွန်တော်ကို ဘီလူးညီနောင်တို့က ယူဆောင်ပြီး မကွေးဘက်မှာ စေတီတစ်ဆူ တည်တော်မှုပါသည်။ သို့သော် ဘီလူးတို့ချည်းတည်အပ်သည်မှာ မသင့်သောကြောင့် သိကြားမင်းကိုယ်တိုင် ၀ရဇိန်လက်နက်ဖြင့် ဖြိုခွင်း တော်မှုသည်။ ထိုအခါစေတီပြိုလေသည်။ နောက်အခါတွင် ထိုနေရာတွင် တည်အပ်သော ရွာအား ဘုရားပြိုရွာဟု သမုတ်လေသည်။ ဘီလူးညီနောင်တို့ နတ်သတ်ကြွေ လူဖြစ်ကာမှ လူနှင့်သိကြား ပေါင်း၍ အခုတည်ရှိသော တောင်ကုန်းပေါ်တွင် မြသလွန်စေတီတော်ကြီးကို တည်တော်မှုလေသည်။

ဘုရားရှင် စက္ကိန်းတဲတောင်ပေါ်တွင် တစ်ညတာကျိန်းစက်ပြီးနောက် ပြန်အကြွမှာ မုဆိုးနှင့် နဂါးမင်းတို့ တောင်းပန်မှုကြောင့် ဘုရား ရှင်ကိုယ်တော်မြတ်ကြီးဟာ အခုမန်းရွှေစက်တော်တည်ရှိရာ နေရာမှာ တန်ခိုးဗျာဒိတ်ဖြင့် ခြေတော်ရာ တင်ကျန်တော်မှုစေသည်။ နောက်အခါတွင် လူတို့ကိုးကွယ်အပ်သော် မန်းရွှေစက်တော်ရာဘုရားဖြစ်လာခဲ့သည်။ မန်းရွှေစက်တော်ရာဘုရားဟာ မင်းဘူး(စကု) မြို့နယ် မင်းဘူးမြို့နှင့် 32 မိုင်အကွာမှာတည်ရှိပါတည်။ မန်းရွှေစက်တော်ရာဘုရားပွဲတော်ကြီးကို နှစ်စဉ်နှစ်တိုင်း တပို့တွဲလဆန်း 5 ရက်နေ့မှ မြန်မာနှစ်ဆန်း 1 ရက်နေ့ထိကျင်းပလျှက်ရှိပါသည်။ မြန်မာပြည်အနှံ့အပြားမှ ဘုရားဖူးဧည့်သည်များ သိန်းနှင့်ချီ လာရောက်ဖူးမျှော်ကြသည်။ ဘုရားလဲဖူးရင်း လိပ်ဥလဲတူးရင်းဆိုတဲ့ မြန်မာစကားပုံအတိုင်း ဘုရားလဲဖူးရင်း အညာမြေရဲ့ ပူပြင်းမှု များကို ဘုရား၏ခြေတောင်ရင်းမှာ ရစ်ခွေစီးဆင်းနေတဲ့ မန်းချောင်းအတွင်းမှာ ရေချိုးအပန်းဖြေကြသည်။

မန်းရွှေစက်တော်ရာဘုရားသို့ အလည်ပတ်သွားရောက်ရန် ကျွန်တော်တို့ညီအစ်ကိုတစ်တွေ စီစဉ်ပြီး မတ်လ 7 ရက်နေ့ တနင်္ဂနွေ နေ့က သွားရောက်ခဲ့ပါတယ်။ အစီအစဉ်တိုင်း တနင်္ဂနွေနေ့ နံနက် 5နာရီ 30 လောက်မှာ မကွေးမြို့မှ ထွက်ခွာလို့လာခဲ့ပါတယ်။ အရင်ကဆို ဧရာဝတီတံတားကြီး မရှိသေးတာကတကြောင်း၊ ပုသိမ်-မုံရွာလမ်းမကြီးမပေါက်သေးတာက တစ်ကြောင်း၊ ရွှေစက် တော်နား နီးလေလေ တောင်ဆင်းတောင်တက်များလာပြီး လမ်းများဆိုးဝါးမှုတို့ကြောင့် မိုင် 30 ကျော်ကျော်ခရီးကို နေ့တ၀က် လောက်သွားခဲ့ရပါတယ်။ အခုအခါမှာ မြစ်ကူးတံတားကြီးတွေ၊ လမ်းမကြီးတွေကြောင့် ဆိုင်ကယ်နှင့်ပင် လွယ်လင့်တကူသွားလာ လို့နိုင်ခဲ့ပါပြီ။ ကောင်လေး 6 ယောက်၊ကောင်မလေး 2ယောက် ဆိုင်ကယ် 4စီးဖြင့်ထွက်ခွာလာခဲ့ပါတယ်။ တံတားကြီး(မကွေး- မင်းဘူး) ကိုကူးလိုက်လျှင်ပဲ ကျွန်တော်တို့လို ဘုရားဖူးသွားမည့် ကားကြီး၊ကားငယ်၊ ဆိုင်ကယ်အသွယ်သွယ်တို့ဖြင့် စည်ကားနေ သည်။ တံတားပေါ်မှာ မကွေးဘက်ကမ်းမှ မြသလွန်စေတီတော်ကြီးနှင့် မင်းဘူးဘက်ကမ်းမှ စက္ကိန်းတဲ စေတီတော်မြတ်တို့အား ရွှေသားရောင် တစ်ပြောင်ပြောင်နှင့် သပ္ပာယ်စရာအတိ ဖူးမျှော်ရပါသည်။

မင်းဘူးမြို့အထွက်နားရောက်တော့ အားလုံးပဲခဏတဖြုတ်နားကြပြီး နံနက်ခင်းစာကို သုံးဆောင်ဖြစ်ခဲ့ကြပါတယ်။ ကြည်နူးစရာလင်း အာရုဏ်နံနက်ခင်းများ ဘော်ဒါများပျော်ရွှင်စွာပဲ သုံးဆောင်ဖြစ်ခဲ့ပါတယ်။ ထို့နောက်ဆက်လက်ထွက်ခွာခဲ့ပါတယ်။ အေးဆေးစွာပင် မောင်းနှင်ခဲ့သည်။ ခရီးမပန်းအောင်ကတစ်ကြောင်း၊ ဘေးအန္တရာယ်မကြုံတွေအောင်က တစ်ကြောင်း မောင်းနှင်ခဲ့ကြသည်။ နံနက် 7 နာရီကျော်ကျော်လောက်မှာ မင်းဘူးမြို့နှင့် 19မိုင်နှင့် 2 ဖာလုံအကွာ လေးပင်ရွာ(မန်းရွှေစက်တော်သွားများ ခရီးတစ်ထောက် နားရာ)သို့ရောက်ရှိလို့ လာခဲ့ပါတယ်။ ဆိုင်ကယ်အပူသက်သာအောင် ခေတ္တမျှနားရင်း လ္ဘက်ရည်သောက်ဖြစ်ခဲ့ကြပါတယ်။ ထို့ နောက် မန်းရွှေစက်တော်သို့(12မိုင်နှင့် 6 ဖာလုံအလို) ခရီးဆက်ခဲ့ကြပါတယ်။ 8နာရီ 15 မိနစ်မှာ မန်းရွှေစက်တော်သို့ ရောက် ရှိခဲ့ပါတယ်။ ယခုနှစ်မှဖြင့် ပုသိမ်-မုံရွာလမ်းမှာခွဲထွက် ရွှေစက်တော်သို့ 3မိုင်အလိုလမ်းခွဲမှာ အံသြသင့်လောက်အောင် ကောင်းမွန် နေတာကို တွေ့ရတော့ ၀မ်းမြောက်မိပါတယ်။

မန်းရွှေစက်တော်အ၀င် မန်းချောင်းသစ်သားတံတားလေးအကူး အထက်စက်တော်ရာကို လှမ်းမြင်နေရတဲ့ မြင်ကွင်းဟာဖြင့် မြင်ရသူ ခရီးသွားတိုင်း စိတ်ချမ်းမြေ့မှာ ဧကန်မလွဲပေ။ မန်းရွှေစက်တော်ရောက်တော့ အရင်ဆုံး တည်းခိုဖို့အတွက် တည်းချောင်းစီစဉ်ရပါ တယ်။ အခန်းရတော့ အထုတ်များနေရာချထားပြီး အ၀တ်စားလဲကာ ညီအစ်ကိုတစ်တွေ မန်းချောင်းထဲပြေးဆင်းကြပါတယ်။ နံနက် စောသေးတော့ သိပ်ကြာအောင်ပင် ရေမကစားလိုက်နိုင်။ ချမ်းလို့တုန်လာသည်နှင့် ပြန်တက်ခဲ့သည်။ ထို့နောက် ပြင်ဆင်ပြီး ဘုရား ဆီသို့ ထွက်လာခဲ့ကြသည်။ အရင်ဆုံး အောက်စက်တော်ရာသို့ ၀င်ရောက်ဖူးမျှော်ခဲ့ပါသည်။ ပုံမှန်အချိန်မှာ အောက်စက်တော်ရာ အားဖူးမျှော်ခွင့်မရပါ။ မန်းရေအတက်အကျကြောင့် ခြေတော်ရာတိမ်ကောမှာကို စိုးသောကြောင့် စေတီပုံသံအုပ်ဆောင်းဖြင့် ဖုန်းအုပ် ထားပြီး ပွဲတော်အချိန်တွင်းသာ ဖွင့်လှစ်ပေးထားပါသည်။ အောက်စက်တော်ရာအား ခေတ္တဖူးမျှော်ပြီးနောက် အထက်စက်တော်ရာ သို့ ပွဲဈေးတန်း စောင်းတန်းတစ်လျှောက် တက်ရောက်ခဲ့ပါသည်။ လူငယ်သဘာဝ ဗဟုသုတအနေနှင့် လှေကားထစ်များ ရေတွက် ဖို့ကြံသော်လည်း အာရုံကခပ်များများ၊ မေ့တက်တာလဲ လွန်ရောဆိုတော့ မရေဖြစ်ခဲ့ပေ။ အထက်စက်တော်ရာတည်ရှိရာ တောင်ပေါ် သို့အတက် စောင်းတန်းတစ်လျှောက်မှာ ဘုရားဖူးပြည်သူများ ပြည့်နှက်လို့နေပါသည်။ တနင်္ဂနွေနေ့ အစိုးရရုံးပိတ်ရက်၊ State ( Grade-11 မပါ) များလဲပိတ်ထားချိန်၊ နောက်ပြီး လပြည့်ကျော် 8 ရက်ဥပုဒ်နေ့ ဈေးသူဈေးသားများလဲ အားလပ်ရက်ဖြစ်သော ကြောင့် လူစည်ကားလှသည်။

ပထမအဆင့်တွင် ခဏတစ်ဖြုတ်နားကြပြီး နို့အေးချောင်းများ ၀ယ်စားဖြစ်ခဲ့ကြသည်။ ဆက်လက်ချီတက်ခဲ့ရာ အထက်စက်တော်ရာ သို့ ရောက်ရှိခဲ့သည်။ ရွှေသင်္ကန်းကပ်၊ ဘုရားဖူး၊ ဓာတ်ပုံရိုက်ကြသည်။ အထက်စက်တော်ရာပေါ်မှ အောက်စက်တော်ရာနှင့် ပွဲဈေး များ တည်းချောင်းများကို ကြည့်ရှုရင်း စဉ်းစားမိသည်။ ကျောင်းတုန်းက မန်းရွှေစက်တော်အကြောင်းဖတ်ရတုန်းက ပွဲတော်သို့ လှည်းတန်းရှည်ကြီးဖြင့် လာရောက်ပြီး ဖူးမျှောက်ကြသည်။ အခုတော့လဲ မော်တော်ကားများ၊ဆိုင်ကယ်များဖြင့် လာရောက်ဖူးမျှော် ကြသည်။ ညှို့နေတဲ့ တောင်တန်းကြီးတွေ၊ ခြောက်သွေ့နေတဲ့ ရိုးပြတ်တောတွေ၊ ရစ်ခွေစီးဆင်းနေတဲ့ မန်းချောင်းရယ်၊ နောက် လှသွေးချယ်နေတဲ့ ပျိုမေတွေကြောင့် ဒီမြင်ကွင်းဟာ ပန်းချီးဆရာလက်မှိုင်ချလောက်အောင် လှချင်တိုင်း လှနေပါတော့တယ်။

အထက်စက်တော်ရာမှာ ခဏနားနေရင်း စားဖြစ်ခဲ့တဲ့ သဘောင်္သီးသုပ်နှင့် ရေနွေးပူပူကလဲ စာဖတ်သူတို့ကို စားစေချင်လိုက်သည်။ အရမ်းပင် နှစ်ခြိုက်လွန်းလှသည်။ ပြန်ဆင်းလာပြီးနောက် တည်းချောင်းမှာ ထမင်းစားဖြစ်ကြတယ်။ ဗမာချက်စစ်စစ်ကို လွေးရင်း ပြောင်ကြ နောက်ကြနှင့် ကျွန်တော့် မျက်လုံးအစုံမှ ဘယ်တော့မှလွင့်ပျယ်မည်မထင်။ စားသောက်ပြီး ဗိုက်တင်းတော့ စက်တော် ခေါ်၊ နိုးလာတော့ ချောင်းထဲပြေးဆင်းကြသည်။ ရေကစားတာ 2 နာရီမျှပင်ကြာသွားသည်။ ထို့နောက် ပြန်တက်အထုပ်ပိုးများ ပြင်ဆင်ပြီး ညနေ 5 နာရီ 15 မိနစ်မှာ မန်းရွှေစက်တော်မှ ပြန်လည်ထွက်ခွာခဲ့ပါတယ်။ လမ်းခရီးတစ်လျှောက် အဆင်ပြေချောမွေ့ ခဲ့ပြီး မကွေးမြို့သို့ 8 နာရီပတ်ဝန်းကျင်တွင် ပြန်လည်ရောက်ရှိခဲ့ပါတယ်။

မန်းချောင်းထဲက ကျွန်တော်တို့တသိုက်
အောက်ခြေတော်ရာ ဖူးမျှော်နေစဉ်
အထက်စက်တော်ရာအတက် နှစ်ကျိတ်ရှစ်ဆူစေတီတော်များနှင့် ကျွန်တော်

ဒီအကြောင်းရာလေးကို ကျွန်တော်အရမ်းပဲရေးသားခဲ့ချင်မိပါတယ်။ အဖျက်အမျိုးမျိုးကြောင့် စိတ်ညစ်ပြီးပေါက်ကွဲခဲ့မိပါတယ်။စာဖတ် သူတို့ အမြင်မှာရိုင်းသွားသော် ရှိရင်လဲ အနူးညွှတ်ပဲတောင်းပန်အပ်ပါသည်။ ခွင့်လွှတ်ပေးကြပါ။ ဒီ Post လေးကိုဖတ်မိပြီး မရောက်သေးသူများလဲ လာရောက်ဖူးမျှော်ဖြစ်အောင်၊ လာရောက် လည်ပတ်သူများလဲ သတိရလွမ်းဆွတ်မိအောင် ရည်ရွယ်ပါသည်။

(စာကြွင်း ခရီးသွားဓာတ်ပုံများ Web ပေါ်သို့အမှတ်ရတင်ထားချင်ခဲ့ပေမယ့် Virus ပြဿနာကြောင့် အနည်းငယ်သာတင်နိုင်ခဲ့ပါ သည်။)
စာဖတ်သူတို့အား အစဉ်လေးစားလျှက်..
မျှော်လင့်သူ.

The Royal Militray Academy Sandhurst အကြောင်း Part ( 3 )

ဗိုလ်လောင်းများ၏ တစ်နေ့တာလုပ်ငန်းများကို လေ့လာသိရှိပြီးနောက် Senior အကြီးတန်းများ၏ ကွပ်ကဲမှုတာဝန်ယူရပုံကို လေ့လာသိရှိနိုင် ပါသည်။ Senior များအနေဖြင့် မိမိတို့ကိုယ်တိုင် စံပြအဖြစ် နေထိုင်ပြုမှုကြရရုံသာမက ဗိုလ်လောင်းငယ်များကိုလည်း ကျောင်းစည်းကမ်းနှင့် အညီ ကြပ်မတ်ကွပ်ကဲခြင်းဖြင့် ခေါင်းဆောင်မှု ပညာရပ်ကိုလက်တွေ့လုပ်ဆောင်ကြရသောကြောင့် စစ်မြေပြင်ရောက်သည်တွင် အခက်အခဲ မရှိ ခေါင်းဆောင်မှု ပေးနိုင်စွမ်း ရှိလာပါသည်။ Senior ဘ၀တွင် ခေါင်းဆောင်မှု ဘာသာရပ်ကို စာတွေ့သင်ကြားပေးသည့်အပြင် Psycholo- gy and the fighting men ဟု ခေါ်ဆိုနိုင်သော စိတ္ထဗေဒသာသာရပ်ကို အလေးပေးသင်ကြားပေးလိုက်ပါသည်။ ခေါင်းဆောင်မှုပညာရပ်ကို သင်ကြားရာတွင် ဒုတိယကမ္ဘာစစ်ကြီးအတွင်းက အောင်မြင်ကျော်ကြားခဲ့သော စစ်သူကြီးများဖြစ်သည့် Montgomeory of Alamein,Slim of Burma နှင့် Mount Battern of Pacific တို့၏ အတွေ့အကြုံများ၊ သြ၀ါဒများကို ၄င်းတို့ကိုယ်တိုင် အခါအားလျော်စွာ လာရောက်ပို့ချပေး ကြပါသည်။ ထို့အပြင် လက်ရှိတာဝန်ထမ်းဆောင်နေကြသော ဗိုလ်ချုပ်အထက်အဆင့်ရှိ General Staff ပုဂ္ဂိုလ်များကလည်း Guest Speaker ဧည့်သည်ဟောပြောမှုများအသွင်ဖြင့် ခေါင်းဆောင်မှုပညာရပ်ကို အလေးပေးဟောပြောကြပါသည်။


ဗိုလ်လောင်းများကို မည်သို့မည်ပုံထိန်းကျောင်း ကွပ်ကဲရကြောင်း သိရှိနိုင်ရန် အပြစ်ပေးစနစ်ကို လေ့လာကြည့်ရှုရန် လိုအပ်ပါသော ကြောင့် အောက်ပါအတိုင်း ဖော်ပြလိုက်ပါသည်-

Show Again ( ထပ်မံစစ်ဆေးရန်ပြသရခြင်း )
ဗိုလ်လောင်းတစ်ယောက်အနေဖြင့် သပ်ရပ်စွာ ၀တ်စားဆင်ယင်မှုမရှိခြင်း၊ ကိုယ်ခန္ဓာသန့်ရှင်းမှု(ဆံပင်၊ မုတ်ဆိတ်၊ လက်သည်းစသည်) မရှိခြင်း၊ စစ်ဝတ်တန်ဆာပလာများ သေသပ်ကောင်းမွန်စွာ ထိန်းသိမ်းထားမှု မရှိခြင်း စသည်တို့တွင် အပြစ်တွေ့ရှိပါက စစ်ဆေးသော Senior ဗိုလ်လောင်းထံ Intermediate အပါအ၀င် Junior ဗိုလ်လောင်းက ထပ်မံပြသရသည်။

Extra Drill (ED) ( အပိုစစ်ရေးပြပြုလုပ်ရခြင်း )
ကိုယ်ခန္ဓာသန့်ရှင်းမှုနှင့် ၀တ်စားဆင်ယင်မှုမှအစ စည်းကမ်းတကျ နေထိုင်မှု အပါအ၀င် အပြစ်များပြုလုပ်မိပါက ပေးသောအနိမ့်ဆုံး ပြစ် မှုဖြစ်သည်။ နံနက်ဝေလီဝေလင်းတွင် အပိုစစ်ရေးပြကို မိနစ် ( 30 )ခန့် Senior Sergeant တာဝန်ကျက မောင်းသည်။

Confinement and Drill (CAD)(အကျယ်ချုပ် နှင့် စစ်ရေးပြ )
သာမန်အပြစ်များဖြစ်သော သန့်ရှင်းမှု မရှိခြင်းများထက် လွန်ကဲသော လုပ်ဆောင်မှုကို ကျူးလွန်ခြင်း။( ဥပမာ - တပ်ပြင်ထွက်ခွင့် Out Pass ရသည်တွင် နောက်ကျပြီး ရောက်လာခြင်း၊ ညအိပ်ချိန်တွင် မီးဖွင့်ထားခြင်း။ အားကစားပြုလုပ်ရမည့်အချိန်တွင် အခြားကိစ္စများလုပ် နေခြင်း စသည့်ပြစ်မှုများ) ဤပြစ်မှုမျိုးကို ကျူးလွန်ပါက ကျောင်းပရ၀ဏ်အတွင်းမှာပင် အကျယ်ချုပ်ဖြင့်နေရခြင်း၊ အပိုစစ်ရေးပြ (ED) ပါလုပ်ခြင်းတို့ ဆောင်ရွက်ရသည်။

Restriction ( ကန့်သတ်အရေးယူအပြစ်ပေးခြင်း )
ဤအပြစ်မှာ သာမန်ထက်ပိုသော ပြစ်မှုမျိုးကို လုပ်မိသောကြောင့် ဗိုလ်လောင်းတစ်ယောက်အနေဖြင့် အချိန်ပြည့် ခါးပတ်ဖြူပတ်ထားရ ခြင်း ( အပြစ်မရှိသော သာမန်ဗိုလ်လောင်းမှာ သာရေခါးပတ်နီညိုရောင်သာ ပတ်ထားရသည်။ ) အခြားဗိုလ်လောင်းများနှင့် အတူသွား အတူလာ အတူလုပ်ခွင့်မရှိခြင်း၊ တစ်ဦးတည်း ကန့်သတ်နေထိုင်ရခြင်း၊ ကျောင်းပရ၀ဏ် အပြင်ထွင်ခွင့်မရှိခြင်း၊ အားကစားမလုပ်ရခြင်း၊ Centeen တွင်ဝယ်ယူခွင့်၊ စားသောက်ဖွယ်စားခွင့် ပိတ်ပင်ခြင်း၊ စာသင်ခန်းတါင် နောက်ဆုံးသီးသန့်ခုံတွင်သာ ထိုင်ရခြင်း၊ စစ်ဝတ်စုံကို တစ်နေ့လုံး ၀တ်ဆင်နေရခြင်း၊ အပိုစစ်ရေးပြနေ့စဉ်ပြုလုပ်ရခြင်း စသည်တို့ဖြစ်သည်။ မည်သို့သော ပြစ်မှုလုပ်ခြင်းကြောင့် Restriction အပြစ်ပေးခံရခြင်းကို မိမိကိုယ်တိုင်ခံစားရသော အဖြစ်အပျက်ဖြင့် နမူနာတစ်ခုပြချင်ပါသည်။ ကျွန်တော်က ရန်ကုန်တက္ကသိုလ်မှ English Language and Literature ဘာသာရပ်ဖြင့် ဘွဲ့ရခဲ့ပါသည်။ မိမိကိုယ်မိမိ အင်္ဂလိပ်ဘာသာ ကျွမ်းကျင်သူကြီးသဖွယ် ကျွန်တော်တို့ခေတ် က ခေတ်စားခဲ့သော " You are my Sunshine " သီချင်းလေးကို ရေချိုးခန်းက အထွက် Senior များနေထိုင်သော စင်္ကြံပေါ်တွင် တစ် ကိုယ်တည်း သီဆိုဟစ်ကြွေးလာခဲ့ရာ Senior တစ်ဦးက ကျွန်တော့်ကို " Who the hell is howling in the Gangway,shutup " ဟု အော်လိုက်ရာ ကျွန်တော့်ကို ခွေးဖြင့်နှိုင်းရပါ့မလားဟု ဒေါသဖြစ်ကာ " You do shut your mother's arse you fool " ဟုပြန်လှန်အော် ပြောလိုက်မိပါသည်။ ထိုတွင် ညနေချိန်ရောက်သောအခါ SUO ရုံးခန်းသို့ မောင်းသွင်းပြီး " Restriction " ( 3 ) ရက်ချမှတ်ခံရပါသည်။ အပြစ်ကတော့ အထက်လူကြီးအား မဖွယ်မရာ ပြောဆိုဆက်ဆံမှုဟု ကင်ပွန်းတပ်လိုက်ပါသည်။

ထိုသို့သော ဗိုလ်လောင်းများ အချင်းချင်း အုပ်ချုပ်စနစ်ကို ကျွန်တော်တို့ Sandhurst ဆင်းအရာရှိများက မြန်မာနိုင်ငံတွင် စစ်တက္ကသိုလ် စတင်ဖွင့်လှစ်လိုက်စဉ် ကပင်မြန်မာ့စရိုက်၊ မြန်မာ့ယဉ်ကျေးမှုအစဉ်အလာတို့နှင့် ကိုက်ညီစွာ ပျိုးထောင်ပေးခဲ့ပါသည်။ ကျွန်တော်တို့ စ တင်ရောက်စဉ်က ဗိုလ်လောင်းအပတ်စဉ် ( 1 ) တစ်ခုတည်းသာရှိသောကြောင့် ကျွန်တော်တို့ တပ်စုမှူးများက Senior ဗိုလ်လောင်းကြီး များအသွင် တာဝန်ယူဆောင်ရွက်ခဲ့ကြရပါသည်။ ဗိုလ်လောင်းသင်တန်း အမှတ်စဉ်( 4 ) ရောက်ရှိလာတော့မှ အပတ်စဉ် ( 1 ) ဗိုလ် လောင်းကြီးများအား တာဝန်လွှဲပေးပြီး ကျွန်တော်တို့က သွယ်ဝိုက်အုပ်ချုပ်ရင်း Senior ဗိုလ်လောင်းများကို သွန်သင်မှုပြုရပါသည်။ ထို ဗိုလ်လောင်းအချင်းချင်း အုပ်ချုပ်စေသောစနစ်မှာ အလွန်ကောင်းမွန်သော စနစ်ဟုထင်မိပါသည်။ အဘယ်ကြောင့်ဆိုသော် Junior ဘ၀ တွင် အစစအရာရာ အထက်အမိန့်ကို ချွင်းချက်မရှိ နာခံတက်ပြီး Senior ဖြစ်လာစဉ်တွင် အကြီးအကဲစိတ်ဓာတ်မွေးကာ အရာရာကို စနစ် တကျ အုပ်ထန်းကွပ်ကဲတက်သော အလေ့အကျင့်မျိုး မွေးမြူပေးလိုက်သောကြောင့် ဖြစ်ပါသည်။ သို့ဖြစ်ရာ ဗိုလ်လောင်းများသည်အမိန့် ကိုနာခံပြီး စည်းကမ်းရှိစွာ နေထိုင်တက်ပြီး နိုင်ငံတော်နှင့် ပြည်သူလုထုအကျိုး သယ်ပိုးရာတွင် အသက်ကိုပင် ပဓာနမထားဘဲ လုပ် ဆောင်တက်သော တပ်မတော်အရာရှိ တစ်ဦးအဖြစ် ရောက်ရှိလာမည်မှာ မလွဲဧကန်ဖြစ်ပါသည်။

စာကြွင်း - မြန်မာနိုင်ငံမှ တက်ရောက်သင်ကြားခဲ့သော ဗိုလ်လောင်းများမှာ Sandhurst Intake ( 3 ) မှ Intake ( 21 ) အထိဖြစ်ပြီး ၄င်း နောက်ပိုင်းတွင်မူ ပို့လွှတ်သင်ကြားခြင်းမရှိတော့ပါ။ RMA Sandhurst တက္ကသိုလ်ကျောင်းဆင်း မြန်မာအရာရှိ စုစုပေါင်း 62 ဦးရှိပါသည်။ ၄င်းတို့ထဲမှ စစ်တက္ကသိုလ်တွင် ( 10 ) ယောက် အမှုထမ်းခဲ့ပြီး ကျောင်းအုပ်ကြိး တာဝန်ဖြင့် ( 3 )ဦး အမှုထမ်းခဲ့ပါသည်။

စာဖတ်သူတို့အား အစဉ်လေးစားလျှက်..

မျှော်လင့်သူ..

The Royal Militray Academy Sandhurst အကြောင်း Part ( 2 )

The Royal Militray Academy Sandhurst အကြောင်း အဆက်..

ဗြိတိသျှတပ်မတော်တွင် " Discipline is the back bone of the Army " ဆောင်ပုဒ်မှာ အဓိကဖြစ်ပါသည်။ ထို့ကြောင့် စစ်သည်တစ်ဦးချင်း ၏ စည်းကမ်းကို အလေးပေးဖွဲ့စည်းထားပါသည်။ အသက်အန္တရာယ်နှင့် ဆက်နွယ်လုပ်ကိုင်နေရသော အလုပ်ဖြစ်သောကြောင့် အမိန့်ကိုတစ် သဝေမတိမ်း လိုက်နာလုပ်ဆောင်တက်သော အလေ့အကျင့်ကို ပျိုးထောင်ပေးပါသည်။ ဘုရင့်စစ်တက္ကသိုလ်တွင် ဗိုလ်လောင်းများအားလက် အောက်ငယ်သားဘ၀တွင် အမိန်နှင့်တာဝန်ကို ချွင်းချက်မရှိ နာခံတက်သော စစ်သည်တစ်ဦးအဖြစ်သို့ ရောက်အောင်ပုံသွင်းပေးလိုက်ပါ သည်။

ထို့ကြောင့် ဘုရင့်စစ်တက္ကသိုလ်တွင် အကြီးတန်း ဗိုလ်လောင်းများက ညီငယ်အောက်တန်း ဗိုလ်လောင်းများအား တိုက်ရိုက်ကွပ်ကဲ အုပ်ချုပ် ရသော အစဉ်အလာကို ယနေ့တိုင်စွဲကိုင်လျက်ရှိပါသည်။ ဗိုလ်လောင်းအချင်းချင်း ကွပ်ကဲအုပ်ချုပ်သော စနစ်ဖြစ်ပြီး အငယ်ဘ၀တွင် အမိန့် ကို တိကျစွာနာခံ၍ အကြီးဘ၀တွင် မှန်ကန်ဖြောင့်မတ်သော ကွပ်ကွဲမှုကို ပြုလုပ်နိုင်စေရန် ရည်ရွယ်ချက်ထား၍ သင်ကြားနာယူစေခြင်း ဖြစ် ပါသည်။ Staff အရာရှိများဖြစ်သော ပြန်တမ်းဝင်တပ်ခွဲမှူး၊ တပ်စုမှူးများကမှု "Indirect Watch" ဟုခေါ်ဆို နိုင်သော သွယ်ဝိုက်၍ နည်းပြကွပ်ကဲမှု တာဝန်ကိုသာ ယူကြပါသည်။

အောက်တန်း Juinor Term ဘ၀တွင် Senior ဗိုလ်လောင်းကြီးများက ၀တ်စားဆင်ယင်မှု Turn-Out စစ်ဆေးခြင်း၊ စစ်ဝတ်တန်ဆာပ လာ၊ လက်နက်ခဲယမ်းစသည်များ ကောင်းမွန်သေရပ်စွာ ထားရှိခြင်း ရှိ၊ မရှိစစ်ဆေးခြင်းနှင့် စစ်သည်ကောင်းတစ်ယောက်တွင် ရှိအပ် သော ကိုယ်ကျင့်သိက္ခာနှင့်အညီ နေထိုင်ပြောဆိုမှု ရှိမရှိ စစ်ဆေးခြင်းစသည်တို့အပြင် မိမိတို့ကိုယ်တိုင်က ခေါင်းဆောင်မှု အရည်အချင်း များဖြင့် ပြုမှုနေထိုင်ပြောဆို၍ ကွပ်ကဲကြရကာ အပြစ်ရှိသူ Junior များကိုလည်း ကျောင်းအမိန့်နှင့်အညီ အရေးယူ စီရင်ချက်ချမှတ်ရခြင်း များ လုပ်ဆောင်ကြရပါသည်။ ဥပမာပြရလျှင် Senior ဗိုလ်လောင်းကြီးများကို ညီငယ်အောက်တန်းဗိုလ်လောင်းများက ပြားပြားဝပ် ရို သေလေးစားမှု ပြုရခြင်းပင်ဖြစ်ပါသည်။ မည်သည့်ပြစ်မှုမျိုးကို လုပ်သည်ဖြစ်စေ Juinor များအနေဖြင့် I am guilty, Sir ဟုဝန်ခံပြောဆို ၍အပြစ်ဒဏ်ကို အပြုံးမပျက် ခံယူကြရသော အစဉ်အလာ ထိန်းတက်အောင် သင်ကြားပေးလိုက်ပါသည်။ Canteen တွင် ပစ္စည်းဝယ်ယူ နေချိန်၌ဖြစ်စေ၊ ဆံပင်ညှပ်ဆိုင်တွင် ဆံပင်ညှပ်ရာ၌ဖြစ်စေ၊ ယုတ်စွအဆုံး စားသောက်ဆိုင်တွင် စားသောက်ချိန်၌ဖြစ်စေ၊ အငယ်တန်း ဗိုလ်လောင်းများ ရသမျှအချိန်လေးလုပြီး တန်းစီစောင့်ဆိုင်းနေရချိန်တွင် Senior တစ်သိုက်ရောက်ရှိလာပြီး " Gangway Please " " ဘေးဖယ်ကြစမ်းကွာ " ဟုပြောလိုက်လျှင် Junior များဘေးဖယ်၍ နေရာပေးကြရပါသည်။ ဤမျှ Senior များကိုအလေးပေးရသည်မှာ အမိန့်ကို တစ်သဝေမတိမ်း နာခံတက်စေရန် လေ့ကျင့်သင်ကြားပေးလိုက်ခြင်းကြောင့် ဖြစ်ပါသည်။

Senior များအနေဖြင့်လည်း ခေါင်းဆောင်ရသောနေရာတွင် ရောက်ရှိနေသောကြောင့် အစစအရာရာ ကိုယ်ကျင့်သိက္ခာနှင့် နေရခြင်း၊ မိ မိတို့ကိုယ်တိုင်က ၀တ်စားဆင်ယင်မှု သပ်ရပ်စွာဝတ်ဆင်ရခြင်း၊ အပြစ်မဖြစ်အောင် ကိုယ်ကျင့်တရားနှင့် ကျောင်းအမိန့်၊ ကျောင်းစည်း ကမ်းတို့ကို တိကျစွာလိုက်နာရခြင်း၊ စံနမူနာကောင်းဖြစ်အောင် ခေါင်းဆောင်မှု ပြသရခြင်းတို့ကို လိုက်နာဆောင်ရွက်ကြရပါသည်။ ဘုရင့် စစ်တက္ကသိုလ်၌ Senior များကို အထူးအခွင့်ရေးပေးထားပါသည်။ Senior Club ဟုခေါ်သော အဆောက်အဦးမျှာ Senior များသာ အ သုံးပြုခွင့်ရှိပါသည်။ Whisky မှတစ်ပါး အခြားဘီယာ၊ ဂျင်၊ ၀ိုင်၊ ဘရန်ဒီစသော အဆင့်နိမ့်ယမကာများ သောက်သုံးခွင့်ရှိသည်။ " Ball Room " ဟုခေါ်သော အကခန်းမကြီးလည်းရှိပြီး မိတ်ဆွေအမျိုးသမီးများ သို့မဟုတ် Women Army Corps (WAC) မှ စစ်သည်အမျိုး သမီးများနှင့် တွဲဖက်ကခွင့်ပြုထားပါသည်။

ဗိုလ်လောင်းများ ( Athlete ) အားကစားပြုလုပ်ရာတွင်လည်း ဘုရင့်စစ်တက္ကသိုလ်၌ Gentleman အဖြစ် ဆက်ဆံခြင်းပြုသည်မှာ ထူး ခြားမှုတစ်ရပ်ဖြစ်ပါသည်။ ကျွန်တော် Senior Term ရောက်ချိန်တွင် Academy Soccer လက်ရွေးစဉ်ဖြစ်နေပါပြီ။ လေ့ကျင့်ခန်းပြုလုပ် ရာတွင် အခြားအားကစား ဗိုလ်လောင်းများနည်းတူ သက်ဆိုင်ရာနည်းပြ Coach များကြပ်မတ်၍ " Massage " အနှိပ်ခန်းများတွင် ကိုယ် ကာယ နာကျင်မှု သက်သာပပျောက်စေရန် အနှိပ်ခံရပါသည်။ အနှိပ်သမကလေးများမှာ (WAC) မှရဲမေကလေးများဖြစ်ပြီး တာဝန်အရ လုပ်ကိုင်ပေးရခြင်း ဖြစ်ပါသည်။ Nigeria မှ အာဖရိကနွယ်ဖွား ဗိုလ်လောင်းတစ်ယောက်က မဖွယ်မရာ ဆက်ဆံမိသောကြောင့် စစ် တက္ကသိုလ်မှ ထုတ်ပယ်ခြင်းခံရပါသည်။ ဤသို့အခွင့်အရေးပေးထားသော်လည်း ဗိုလ်လောင်းများအနေဖြင့် Gentlemen ဆန်ဆန် နေ ထိုင်မှု ပြုရပါသည်။ လူကြီးလူကောင်း မဆန်သော၊ မလျော်ကန်ုသော၊ အကျင့်သိက္ခာကို ညှိုးနွမ်းစေသောအပြုမူမှုမျိုးကို အရေးယူမှု ကြီး စွာပြုလုပ်ပါသည်။ ဤသည်မှာ အနောက်နိုင်ငံသားတို့၏ ယဉ်ကျေးမှုနှင့် လူမှုဆက်ဆံရေး အခြေနေအရကျင့်သုံးခြင်း ဖြစ်ပြီး ကျွန်တော် တို့အရှေ့တိုင်း ယဉ်ကျေးမှုနှင့် စပ်ဟပ်ဆက်နွယ်ခြင်း မရှိသောကြောင့် ဤကဲ့သို့ အခွင့်အရေးမျိုး ကျွန်တော်တို့တွင် မရှိအပ်ပါ။ ဤသို့ ဖော်ပြရခြင်းမှာလည်း ကျွန်တော်တို့ တက်ရောက်ခဲ့စဉ်က ဘုရင့်စစ်တက္ကသိုလ်တွင် တွေ့ထိခံစားခဲ့ရသော ဖြစ်ရပ်တစ်ခုကို ဖော်ပြခြင်း သာဖြစ်ပါသည်။ မိမိတို့အမျိုးသား ယဉ်ကျေးမှုအရ မိမိတို့ စစ်တက္ကသိုလ်တွင် မိမိတို့နှင့် ကိုက်ညီသော အခွင့်ရေးမျိုးသာ ရှိသင့်ပါသည်။ ဆိုလိုသည်မှာ အခွင့်အရေး ရရှိသလောက် ပြစ်ဒဏ်ကလည်း မနည်းလှသည်ကို ဖော်ပြလိုခြင်း ဖြစ်ပါသည်။

ဘုရင့်စစ်တက္ကသိုလ်တွင် လက်အောက်ငယ်သားဘ၀၌ အမိန့်ကို တစ်သဝေမတိမ်း နာခံတက်သော အလေ့အကျင့်ကို မည်သို့မည်ပုံ သင် ကြားပို့ချလက်တွေ့ဆည်းပူးရသည်ကို လည်းကောင်း၊ အကြီးတန်းဘ၀တွင် မည်သို့မည်ပုံ ကွပ်ကဲအုပ်ချုပ်ခြင်း ပြုရသည်ကိုလည်း ကောင်း သိရှိလေ့လာနိုင်ကြစေရန် လုပ်ဆောင်ရသော တစ်နေတာ ဆောင်ရွက်ရမှုကို လေ့လာကြည့်ပါစို့။

ဘုရင့်စစ်တက္ကသိုလ်ရှိ ဗိုလ်လောင်းများ၏ တစ်နေ့တာ အချိန်ဇယား

နံနက် 6 နာရီခွဲ
ဗိုလ်လောင်းအလယ်တန်း ( Intermediate ) တပ်ကြပ်အဆင့်ရှိသူက တပ်ခွဲတစ်ခုလုံးရှိ ဗိုလ်လောင်းများကို လိုက်လံနှိုးရပါသည်။ တပ်ခွဲ စင်္ကြံလမ်း ဘေးဝဲယာရှိ အိပ်ခန်းများကို " Swagger Stick " ကြိမ်တုတ်ကလေးဖြင့် ခေါ်၍ " Wakie Wakie Ypres company , It is six thirty , Get ready for the BRC ( Breakfast Roll Call ) ဟု အော်ရပါသည်။

နံနက် 7 နာရီ
နံနက်စာ မစားမှိ တပ်ခွဲပြင်ပကွင်းပြင်၌ BRC နံနက် တန်းစီလူစစ်ဆေးခြင်း ပြုလုပ်သည်။ ဗိုလ်လောင်းများ၏ ၀တ်စားဆင်ယင်မှု ၊ ကိုယ် ခန္ဓာသန့်ရှင်းမှုတိုို့ကို SUO နှင့် JUO တို့က စစ်ဆေးပါသည်။ အပြစ်ရသူများကို နာမည်မှတ်၍ ထားသည်။

နံနက် 8 နာရီ
နံနက်စားစားသည်။ နံနက် 8 နာရီခွဲမှ 11 နာရီထိ စစ်ဝတ်စုံဖြင့် စစ်ဘက်ဆိုင်ရာ လေ့ကျင့်ခန်းများ၊ စစ်ရေးပြ၊ လက်နက်ငယ်၊ နည်းဗျူ ဟာ၊ မြေပုံဖတ်စသည်တို့ကို သင်ကြားကြရပါသည်။

နေ့လည် 12 နာရီ
နေ့လယ်စာ စားသုံးရပါသည်။

နေ့လည် 1 နာရီမှ 3 နာရီ
အရပ်ဝတ် အရပ်စားသို့မဟုတ် စစ်ဝတ်စုံ ( ကြိုက်နှစ်သက်ရာ) ဖြင့် ၀ိဇ္ဇာ၊ သိပ္ပံ ဘာသာရပ်များကို စာတွေ့လက်တွေ့သင်ကြားရသည်။ ဗိုလ်လောင်းများ တစ်ဦးချင်း သင်တန်းသို့ တက်ခွင့်ရှိသည်။ နှစ်ယောက်သွားက နှစ်ယောက်စစ်ရေးပြအသွင် ညီညာစွာ ခြေလှမ်းလှမ်းရ သည်။ သင်တန်းခန်းမများ တစ်ခုနှင့် တစ်ခု ဝေးကွာလွန်းသဖြင့် စက်ဘီးဖြင့် သင်တန်းသို့ တက်ရသည်။ (စက်ဘီးကို ဗိုလ်လောင်းတိုင်း ငွေပေး၍ ငှားထားရသည်။ Term တစ်ခုလုံးအတွက် ငှားထားရသည်။ )

ညနေ 3 နာရီခွဲမှ 5 နာရီခွဲထိ
ဘောလုံး၊ ဘက်စ်ကတ်ဘော၊ တင်းနစ်၊ လက်ဝှေ့၊ ရေကူး၊ မြင်းစီး၊ ပြေးခုန်ပစ်၊ Fencing ကိုယ်ခံပညာစသည့် အားကစားနည်းလေ့ကျင့် ရသည်။

ညနေ 6 နာရီ
နံနက် BRC တွင် နာမည်ရှုံးခြင်း အပြစ်ရမှတ်သားခံရသော ဗိုလ်လောင်းများကို SUO, JUO ရုံးတို့တါင် ရုံးတင်စစ်ဆေးခြင်း ၊ အပြစ်ပေး ခြင်းတို့ ပြုလုပ်ပါသည်။

ညနေ 7 နာရီ
ညနေတန်းစီ လူစစ်ခြင်း Mess Roll call (MRC) ကိုတပ်ခွဲဧည့်ခန်းမဆောင် ( Ante Room ) အတွင်း နေ့စဉ်ပြုလုပ်သည်။ ဦးစွာ Junior နှင့် Intermediate ဗိုလ်လောင်းများက ရောက်ရှိနေရာယူကြရသည်။ သတင်းစာ၊ ဂျာနယ် စသည့်များ ဖတ်ခွင့်ရှိပြီး ဆေးလိပ်သောက်ခွင့် လည်း ပေးထားသည်။ မကြာမီ Senior Sergeant တပ်ကြပ်ကြီး ( တာဝန်ကျ ) ရောက်လာပြီး " Gentlemen attention Please " ဟု အောက်လိုက်သည် ။ ထို့နောက် ၄င်းကပင် Cigarettes Out ( ဆေးလိပ်မီးငြိမ်းလိုက်ပါ ) Paperaway ( သတင်းစာများ ဘေးချထား လိုက်ပါ )ဟု ထပ်မံအော်လိုက်ပြီး Senior Please ! ဟု ၄င်းတို့ Senior များကို အချက်ပြလိုက်လျှင် ကျန်ဗိုလ်လောင်းအားလုံး မတ်တပ် ရပ် သတိအနေအထားဖြင့် နေကြရသည်။ ဤတွင် တပ်ခွဲဗိုလ်လောင်းအရာရှိ ( SUO ) က ထိုင်နိုင်ပါပြီ Be seated ဟုအမိန့်ပေးမှ ထိုင် ကြရသည်။ တာဝန်ကျလုပ်သူ Senior Sergeant က ဗိုလ်လောင်းတစ်ဦးချင်းအမည်ကို ခေါ်ယူ၍ လူစစ်သည်။ ( Senior များမပါဝင်ပါ )

ညနေ 8 နာရီ
ညစာစားရန် အချက်ပေး ခေါင်းလောင်းသံကြားသည်နှင့် Senior Sergeant က " Dinner is ready to serve " ဟုရွတ်ဆိုပြီး Juniors First အော်လိုက်သည်တွင် Junior များက ထမင်းစားခန်းမသို့ အပြေးအလွှားသွားရောက်မတ်တပ်ရပ် နေရာယူကြရသည်။ ထို့နောက် Senior များဝင်ရောက်နေရာယူပြီး နေရာအတည်တကျဖြစ်လျှင် SUO က ထိုင်ရန်အမိန့်ပေးသည်။ ပြီးနောက် ဘုရားသခင်ကောင်းချီး ပေးပြီး ညစာကို Waiter များက စားပွဲထိုးကြသည်။

ည 9 နာရီမှ ည 10 နာရီ
မိမိအဆောင် အိမ်ခန်းများတွက် ကိုယ်ပိုင် အချိန်အဖြစ် နေကြရပြီး ၊ Study Hour စာကြည့်ချိန်အဖြစ်လည်းကောင်း၊ နက်ဖြန်အတွက်စစ် ၀တ်စုံများ ပြင်ဆင်မှုကို လည်းကောင်း လုပ်ကြရသည်။ စာမဖတ်လိုလျှင် မိမိသဘောအလျှောက် အနားယူအိပ်စက်ခြင်းပြုနိုင်သည်။ အိပ် ခန်းတံခါး ဖွင့်ထားရသည်။

ည 10 နာရီ
တာဝန်ကျ Senior Sergeant ရောက်လာပြီး " Rounds Ypres Company , Stand at your doors " ဟုအောက်လိုက်သည်တွင် ဗိုလ် လောင်းများ ( Senior များမပါဝင်ပါ) သတိအနေအထားဖြင့် မိမိအခန်းဝတွင် ရပ်နေရသည်။ မိမိတို့ရှေ့ရောက်လာသော တာဝန်ကျ Senior Sergeant ကို " Good Night,Sir " ဟုနှုတ်ခွန်းဆက်ပြီးမှ အခန်းတံခါး ပိတ်ကြရသည်။ တာဝန်ကျ Senior Sergeant ထွက်သွား သည်နှင့် မရှေးမနှောင်းပင် တာဝန်ကျ တပ်ကြပ်ရောက်လာပြီး စင်္ကြတစ်လျှောက် Sleeping Time, Ypres Company, Lights out ဟု အော်ချိန်တွင် မီးပိတ်၍ အိပ်ကြရသည်။ လှုပ်ရှားမှု လုံးဝမပြုလုပ်ရတော့ပါ။

ဆက်လက်ဖော်ပြပါမည်။

စာဖတ်သူတို့အား အစဉ်လေးစားလျှက်

မျှော်လင့်သူ

The Royal Militray Academy Sandhurst အကြောင်း

ဗြိတိန်နိုင်ငံဘုရင့်စစ်တက္ကသိုလ်

ကျွန်တော် ရန်ကုန်တက္ကသိုလ် တက်ရောက်စဉ်ကပင် ၀ါသနာအလျောက် Student's Volunteer Force(SVF) တက္ကသိုလ် ကျောင်းသားများ အပျော်တမ်းတပ်ဖွဲ့တွင် စစ်ရေးလေ့ကျင့်မှုများ လုပ်ဆောင်ခဲ့ပါသည်။ ကျွန်တော်တက္ကသိုလ်မှ ဘွဲ့ရပြီးချိန် 1951 ခု နှစ်တွင် မြန်မာနိုင်ငံတစ်ဝန်းလုံး စစ်မီးလျှံ တဟုန်းဟုန်းတောက်လောင်နေချိန် ဖြစ်သောကြောင့် အမိနိုင်ငံကို ကာကွယ်ရန် အခြား တက္ကသိုလ်ကျောင်းသားများနည်းတူ တပ်မတော်ထဲဝင်ရန် လျှောက်ထားခဲ့ပါသည်။ တပ်မတော် ဗိုလ်ရွေးအဖွဲ့က ကျွန်တော့်ကို ဗြိတိန် နိုင်ငံ ဘုရင့်စစ်တက္ကသိုလ်သို့ ဗိုလ်လောင်းအဖြစ်တက်ရောက်ရန် ရွေးချယ်ခဲ့ပါသည်။ ကျွန်တော်နှင့်အတူ အခြားသူ 3 ဦးလည်းဘုရင့် စစ်တက္ကသိုလ် အပတ်စဉ် 10 တွင် တက်ရောက်ခဲ့ပါသည်။

ထိုစဉ်က မြန်မာနိုင်ငံမှာ ဗြိတိသျှတို့ လက်အောက်မှ လွတ်လပ်ရေးရပြီးချိန်ဖြစ်သောကြောင့် ဗမာ့တပ်မတော်ကို လေ့ကျင့်ပျိုးထောင် ပေးရန် " British Services Mission " ဟူသော စစ်မစ်ရှင်အဖွဲ့ကို စစ်ဘက်ဆိုင်ရာ အကြံပေးအဖွဲ့အဖြစ် နိုင်ငံတော်အစိုး ရကခွင့်ပြုခဲ့ပါသည်။ တပ်မတော် ခေါင်းဆောင်ကြီးများသည် တပ်မတော်ကို " ခေတ် " နှင့် အညီ ကမ္ဘာ့တပ်မတော်များနှင့် ရင်ပေါင်တန်းနိုင်စေရန် မြန်မာ့လူငယ်များကို ကမ္ဘာ့အဆင့်မြင့် စစ်ကျောင်းကြီးများသို့ စေလွှတ် ပ ညာရယူစေခဲ့ပါသည်။ စေလွှတ်ရခြင်း၏ ရည်ရွယ်ချက်မှာလဲ မိမိတပ်မတော်အတွင်း အဆင့်မြင့် စစ်ပညာများ သင်ကြားတက် မြောက်စေရန်နှင့် ထပ်ဆင့်ပွား ပျိုးထောင်ပေးရန် ဖြစ်ပါသည်။ ထို့ကြောင့် မြန်မာနိုင်ငံတွင် စစ်တက္ကသိုလ် စတင်ဖွင့်လှစ်ချိန်၌ ဗြိ တိန် ဘုရင့်စစ်တက္ကသိုလ်ဆင်း အရာရှိငယ်များအား တာဝန်ပေးခန့်အပ်ခဲ့ခြင်းဖြစ်ပါသည်။ ဤတွင် ကျွန်တော်သည် စစ်တက္ကသိုလ် သို့ နည်းပြအရာရှိကလေးအဖြစ် ရောက်ရှိလာခဲ့ပါသည်။

ဘုရင့်စစ်တက္ကသိုလ် အကြောင်းသိကောင်းစရာများနှင့် ထိုစဉ်က ဗိုလ် လောင်းဘ၀အတွေ့အကြုံများကို အမိစစ်တက္ကသိုလ်တွင် တက်ရောက်လျှက်ရှိကြသော သားငယ်ဗိုလ်လောင်းများ ဗဟုသုတအသွင် ဖတ်ရှုဆင်ခြင်သုံးသပ် လေ့လာခွင့်ရကြစေရန်

ရည်သန်ရေးသားခြင်းဖြစ်ပါသည်။

The Royal Military Sandhurst ကို 1947 ခုနှစ်တွင် Camberley မြို့၌ စတင်ဖွင့်လှစ်ခဲ့ပါသည်။ 1741 ခုနှစ်ကဖွင့် လှစ်ခဲ့သော Royal Military Academy (Woolich) နှင့် Royal Military Collage (Sandhurst) ရှေး ဟောင်းကျောင်းကြီး နှစ်ကျောင်းကို ပေါင်း၍ ဖွဲ့စည်းခဲ့ခြင်းဖြစ်ပါသည်။ ဤပူးပေါင်းစစ်တက္ကသိုလ်ကို The Royal Military Academy Sandhurst ဟုပြောင်းလဲ ခေါ်ဆိုခဲ့ပြီး တက္ကသိုလ်တစ်ခုလုံးကို ကောလိပ် 3 ခုဖြင့် ထပ်မံဖွဲ့စည်းလိုက်ပါသည်။ Old Collage , New Collage နှင့် Victory Collge ဟုဖွဲ့စည်း၍ ကော်လိပ်တစ်ခုစီတွင် ဗိုလ်မှုးကြီးအဆင့်ရှိသူများ ကအုပ်ချုပ်ကာ တက္ကသိုလ်တစ်ခုလုံးကို ဗိုလ်ချုပ်အဆင့်ရှိသူက ကွပ်ကဲပါသည်။ တက္ကသိုလ်တစ်ခုလုံးအုပ်ချုပ်သူကို Commandant ဟုခေါ်ပြီး ဒုတိယကျောင်းအုပ်ကြီးအဖြစ် ဗိုလ်မှူးချုပ် တစ်ဦးက တွဲဖတ်အုပ်ချုပ်သည်။

Old Collage တွင်ဗြိတိသျှတို့၏ Victorian age အတွင်း ဥရောပတစ်ခွင်၌ အောင်ပွဲဆင်ခဲ့သော စစ်ပွဲအမည်များကို အစွဲ ပြု၍ Waterloo , Dettingen , Inkerman နှင့် Blenheim ဟု တစ်ခွဲအမည်များ သတ်မှတ်ပေးထားပါသည်။

New Collage တွင်လည်း ပထမကမ္ဘာစစ်အတွင်း အောင်နိုင်ခဲ့သော စစ်ပွဲများကို အစွဲပြု၍ Ypres , Gaza , Somme ,Marne ဟုတပ်ခွဲအမည်များ ခေါ်ဝေါ်သတ်မှတ်ခဲ့သည်။

Victory Collage ရှိ တပ်ခွဲအမည်များကို ဒုတိယကမ္ဘာစစ်အတွင်း အောင်နိုင်ခဲ့သော Campaign များဖြစ်သည့် Burma , Alamein , Rhine နှင့် Normandy ဟု သတ်မှတ်ခေါ်ဝေါ်ပါသည်။

ကောလိပ်တစ်ခုတွင် တစ်ခွဲ 4 ခွဲစီရှိပြီး တက္ကသိုလ်ကြီးတစ်ခုလုံးကို တပ်ခွဲ 12 ခွဲဖြင့် ဖွဲ့စည်းထားသည်။ ဗိုလ်လောင်းဦးရေ 1200 မှ1500 အတွင်း သင်ကြားပေးပါသည်။ သင်တန်းကာလမှာ 2 နှစ်ဖြစ်ပြီး ဤစစ်တက္ကသိုလ်ကြီးမှ အောင်မြင်သွားသော အရာရှိများကို Regular အမြဲတမ်းပြန်တမ်းဝင်အရာရှိများအဖြစ် ဗြိတိသျှတပ်မတော်တွင် အမှုထမ်းစေပါသည်။

ဗိုလ်လောင်းများမှာ ဗြိတိသျှလူမျိုးများထဲမှ အသက် 18 နှစ်ပြည့်ပြီး ၀င်ခွင့်စာမေးပွဲ ဖြေဆိုအောင်မြင်သူတိုင်း တက်ရောက်ခွင့်ရှိ ပါသည်။ တစ်ချိန်က ဗြိတိသျှတို့၏ နေမ၀င်အင်ပါယာကြီး ပေါ်ထွန်းစဉ် (The Sun Never sets in the British Empire) လက်အောက်ခံကိုလိုနီ နိုင်ငံများမှ ဗိုလ်လောင်းများကိုလည်းလက်ခံသင်ကြားပေးပါသည်။ ကျွန်တော်တို့ကို (Oversea Cadet) ပင်လယ်ရပ်ခြား ဗိုလ်လောင်းများဟု ခေါ်ဝေါ်ပါသည်။ ကျွန်တော်တို့တက်ခဲ့သော Intake 10 တွင် ဂျော်ဒန်နိုင်ငံမှ အိမ်ရှေ့မင်းသား ဟူစိန် ( နောက်ဘုရင်ဖြစ်သူ ) တက်ရောက်ခဲ့ပါသည်။ ထူးခြားမှုတစ်ခုမှာ ကျွန်တော်တို့ Intake တက်ရောက်စဉ်က ဗြိတိသျှလက်အောက်ခံမဟုတ်သော ထိုင်း (ယိုးဒယား) နိုင်ငံမှလည်း တစ်ယောက်စေလွှတ်ခဲ့ပါ သည်။

ကျွန်တော်တို့ သင်တန်းတက်ရောက်ခဲ့စဉ်က ဘုရင့်စစ်တက္ကသိုလ်ကို ကာလအပိုင်းအခြား (Term) 3 ခုခွဲခြားကာ သင်ကြားခဲ့ရ ပါသည်။ အချိန်အားဖြင့် 18 လဖြစ်ပြီး Term တစ်ခုနှင့် တစ်ခုကြား ကျောင်းပိတ်ရက် 1 လရပါသည်။ ပထမရောက်စ Term ကာလကို Junior အငယ်တန်း ၊ ဒုတိယကာလကို Intermediate အလယ်တန်းနှင့် နောက်ဆုံးကာလ Senior Term ကိုအကြီးတန်းဟု သတ်မှတ်ပါသည်။

Sandhurst စစ်တက္ကသိုလ်သိုပ မတက်ရောက်မီ Mons Officer Cadet School ၌ ရက်သတ္တပတ် 16 ပတ်မျှတက် ရောက်ခဲ့ရပြီး Words of Command , Customs and Manners , Terminology in the British Army ကို ပင်လယ်ရပ်ခြား ဗိုလ်လောင်းများ ဗြိတိသျှတပ်မတော်နျင့် accustom ထိတွေ့ယဉ်ပါးလာစေရန် သင်ကြားရပါသည်။ Sandhrust တက္ကသိုလ်၌ ပညာရှာမှီးနေချိန် အခြားဗြိတိသျှ ဗိုလ်လောင်းများနှင့် အခက်ခဲမရှိ ရောနှော ပညာသင်ယူနိုင်စေရန် ဖြစ်ပါသည်။ ကျွန်တော်တက်ရောက်ခဲ့စဉ်က Junior ဘ၀မှစ၍ သင်တန်းတစ်လျှောက်လုံး New Collage ,Ypres Company တွင် နေခဲ့ရပါသည်။

Sandhrust စစ်တက္ကသိုလ်တွင် ဗိုလ်လောင်းများကို Gentleman Cadet များဟုသတ်မှတ်ပြီး အခြားဗြိတိသျှ စစ်ကျောင်း များမှာကဲ့သို့ ဆက်ဆံမှုမျိုး ၊ သင်ကြားမှုမျိုး မဟုတ်ဘဲ တမူထူးခြားထားပါသည်။ ဗိုလ်လောင်းများအနေဖြင့် အငယ်တန်း Junior မှစ၍ တစ်ဦးချင်း ။ တစ်ယောက်တစ်ခန်းစီ နေကြရသည်။ မိမိအခန်းကို ကိုယ်တိုင်သန့်ရှင်းရေးမလုပ်ရပါ။ Room Man (သို့မဟုတ်) သူတို့အခေါ် Servant များက လုပ်ပေးကြရပါသည်။ ၄င်းတို့မှာလဲ ဗြိတိသျှတပ်မတော်မှ အငြိမ်းစားယူသွားသော အခြားအဆင့် ပုဂ္ဂိုလ်များဖြစ်ပြီး ဗိုလ်လောင်း 10 ဦးလျှင်တစ်ဦးကျ တာဝန်ပေးလုပ်ကိုင်စေပါသည်။ ၄င်းတို့ရရှိသော လစာအပြင် ဗိုလ်လောင်းများက စေတနာအလျောက် Tips သဒ္ဓါကြေးများပေးကြရပါသည်။ မြန်မာ့စရိုက်နှင့် ကြီးထွားလာသော မြန်မာဗိုလ် လောင်းများကတော့ (ကျွန်တော်အပါဝင်) ဖိနပ်၊ ခါးပတ်၊ သေနတ် စသည်တို့ကို သိူု့အား (Bonus) ဘောက်ဆူးပေး၍ ပြုလုပ် စေပါသည်။ သူတို့ကလည်း အပြုံးမပျက်လက်ခံကြပါသည်။ သူတို့ တိုက်ချွတ်ပြီးသားကိုမှ ကျွန်တော်တို့က အမွှမ်းတင်လိုက်ရုံသာ ရှိပါသည်။

အထက်တွင်ဖော်ပြသကဲ့သို့ စစ်တက္ကသိုလ်တွင် တက်ရောက်သင်ကြားသူများကို အဆင့် 3 ဆင့်ခွဲ၍ တာဝန်အပ်နှင်းထားပါသည်။ အကြီးတန်း ဗိုလ်လောင်း Senior များအားလုံး တပ်ကြပ်ကြီးအဆင့်ပေးထားပြီး ၄င်းတို့ထဲမှ ထူးချွန်သူများကို Senior Under Officer တပ်ခွဲဗိုလ်လောင်း အရာရှိ၊ Jounior Under Officer တပ်စုဗိုလ်လောင်း အရာရှိ၊ အလယ်တန်း intermediate ဗိုလ်လောင်းများကို Corporal တပ်ကြပ်အဆင့်ပေးထားပါသည်။ Junior အငယ်တန်းဗိုလ်လောင်းများအား လုံး သာမာန်ရဲဘော်အဆင့်ဖြစ်ပါသည်။

ဆက်ဖတ်ဖော်ပြပါမည်။

ကောက်နှုတ်ချက် -- စစ်တက္ကသိုလ် ၊ နှစ်ပတ်လည် မဂ္ဂဇင်း 2009

မျှော်လင့်သူ..

သွေးနှင့်ချွေးနှင့် ရင်းနှီးရယူခဲ့ရသည့် မြန်မာ့လွတ်လပ်ရေး

မြန်မာနိုင်ငံသည် နှစ်ပရိစ္ဆေဒကြာမြင့်စွာကပင် ကိုယ့်ထီးကိုယ့်နန်း၊ ကိုယ့်ကြငှာန်းဖြင့် လွတ်လပ်စွာနေထိုင်ခဲ့သော တိုင်းပြည်တစ်ပြည်ဖြစ်၏။ ယင်းသို့နေထိုင်ခဲ့ကြရာ၌ ပျူခေတ်၊ ပုဂံခေတ်၊ အင်းဝခေတ်၊ ကုန်းဘောင်ခေတ်စသည့် ခေတ်အသီးသီးကို ဖြတ်ကျော်ခဲ့ကြသည်။

လွတ်လပ်ရေးဆုံးရှုံးခဲ့ရခြင်း

ကုန်းဘောင်ခေတ်ဦးကာလ ၁၈၂၄ ခုနှစ်တွင် နတ်မြစ်ဝရှိ ရှင်မဖြူကျွန်းပိုင်ဆိုင်မှုပြဿနာကို အကြောင်းပြု၍ အင်္ဂလိပ်-မြန်မာပထမစစ်ပွဲ ဖြစ်ပွားခဲ့သည်။ ၁၈၂၆ ခုနှစ်တွင် စစ်ပွဲကို ရန္တပိုစာချုပ်ဖြင့် အဆုံးသတ်ခဲ့ရာ စာချုပ်အရ ရခိုင်နှင့်တနင်္သာရီနယ်များကို စတင်လက်လွှတ်ခဲ့ရ၏။

တစ်ဖန် ၁၈၅၂ ခုနှစ်တွင် ချန်ပီယံနှင့်မိုးနတ်သင်္ဘောကပ္ပတိန်နှစ်ဦးအား ရန်ကုန်မြို့ဝန်က ဒဏ်ရိုက်ရာမှ အင်္ဂလိပ်-မြန်မာဒုတိယစစ်ပွဲ ဖြစ်ပွားခဲ့ပြန်၏။ မင်းတုန်းမင်း နန်းတက်စတွင် စစ်ပွဲအဆုံးသတ်ခဲ့သော်လည်း မြန်မာနိုင်ငံအောက်ပိုင်းဒေသတစ်ခုလုံးကို ဗြိတိသျတို့က အဓမ္မသိမ်းယူခဲ့ကြ၏။

သီပေါမင်းလက်ထက် ၁၈၈၅ ခုနှစ်တွင် နယ်ချဲ့အင်္ဂလိပ်တို့သည် တတိယကျူးကျော်စစ်ပွဲကို ဆင်နွှဲခဲ့ကြပြန်ကာ မြန်မာတစ်နိုင်ငံလုံးကို သိမ်းပိုက်လိုက်ကြသည်။ ၁ ဇန်န၀ါရီ ၁၈၈၆ တွင် မြန်မာနိုင်ငံအား ဗြိတိသျအင်ပါယာ၏ အစိတ်အပိုင်းတစ်ခုအဖြစ် သွတ်သွင်းလိုက်ရာ ထိုစဉ်ကာလမှစ၍ မြန်မာတစ်နိုင်ငံလုံး လွတ်လပ်ရေး ဆုံးရှုံးခဲ့ရသည်။

သူ့ကျွန်မခံလိုသူများ

မြန်မာနိုင်ငံနယ်ချဲ့ အင်္ဂလိပ်လက်အောက်သို့ ကျရောက်စတွင် နယ်ပယ်အသီးသီးမှ သူ့ကျွန်မခံလိုသူ မျိုးချစ်အင်အားစုများက ရရာလက်နက်စွဲကိုင်လျက် အင်္ဂလိပ်တို့အား တော်လှန်တိုက်ခိုက်ခဲ့ကြသည်။ ဗြိတိသျတို့သည် နယ်ချဲ့ဆန့်ကျင်ရေး အင်အားစုများအား အိန္ဒိယမှစစ်တပ်များကိုပင် ခေါ်ယူကာ ၁၀ နှစ်ကျော်ကြာ နှိမ်နင်းခဲ့ရသည်။

မဟာဝန်ရှင်တော်မင်းကြီးအုပ်ချုပ်ရေး

၁၈၂၆ခုနှစ် အင်္ဂလိပ်-မြန်မာပထမစစ်ပွဲပြီးစက ရခိုင်ဒေသကို အနောက်ဘင်္ဂလားပြည်နယ် ကော်မရှင်နာမင်းကြီး၏ လက်အောက်၌လည်းကောင်း ၊ တနင်္သာရီဒေသကို ၀န်ရှင်တော်မင်းကြီးတစ်ဦး၏ လက်အောက်၌လည်းကောင်း၊ ထားရှိခဲ့သည်။ ၁၈၅၂ ခုနှစ် အင်္ဂလိပ်-မြန်မာဒုတိယစစ်ပွဲအပြီးတွင် မြန်မာနိုင်ငံအောက်ပိုင်းကို ခရိုင်ဝန်ရှင်တော်မင်းကြီးတစ်ဦးအား ခန့်အပ် အုပ်ချုပ်စေခဲ့သည်။ ယင်းနောက် ၁၈၈၆ ခုနှစ် မြန်မာနိုင်ငံတစ်ဝန်းလုံး ဗြိတိသျအောက်သို့ ကျရောက်သွားသောအခါ မဟာဝန်ရှင်တော်မင်းကြီးတစ်ဦးကို သီးခြားခန့်အပ် အုပ်ချုပ်စေခဲ့၏။

မဟာဝန်ရှင်တော်မင်းကြီးလက်အောက်တွင် ခရိုင်ဝန်ရှင်တော်မင်းကြီး၊ အရေးပိုင်၊ နယ်ပိုင်ဝန်ထောက်၊ မြို့အုပ်၊ ရွာသူကြီးစသည်ဖြင့် ရာထူးအဆင့်ဆင့် ခန့်အပ်ထားရှိပါသည်။ ယင်းမဟာဝန်ရှင်တော်မင်းကြီး အုပ်ချုပ်ရေးမှာ ၁၈၈၆ ခုနှစ်မှ ၁၈၉၇ ခုနှစ်အထိ ကြာမြင့်ခဲ့၏။

ဒုတိယဘုရင်ခံအုပ်ချုပ်ရေး

၁၈၉၇ ခုနှစ်တွင် မဟာဝန်ရှင်တော်မင်းကြီးအုပ်ချုပ်သည့်စနစ်မှ အိန္ဒိယအင်ပါယာ၏ ပြည်နယ်ကြီးတစ်ခုအဖြစ်သတ်မှတ်ကာ ဒုတိယဘုရင်ခံတစ်ဦး ခန့်အပ်အုပ်ချုပ်စေခဲ့သည်။ ဒုတိယဘုရင်ခံအား အကြံပေးရန် အဖွဲ့ဝင် ၉ ဦးပါ ဥပဒေပြုကောင်စီကိုလည်း ဖွဲ့စည်းပေးခဲ့သည်။ သို့သော် ယင်းအဖွဲ့မှာ မည်သည့်အခွင့်အာဏာမျှ မရရှိခဲ့ပေ။ ၁၉၁၅ ခုနှစ်တွင် အိန္ဒိယကောင်စီအက်ဥပဒေအရ မင်းတိုင်ပင်အမတ်များကို ၂၈ ဦးအထိ တိုးမြှင့်လိုက်၏။

ဝိုင်အမ်ဘီအေမှဂျီစီဘီအေသို့

၁၉၀၆ ခုနှစ်တွင် ခေတ်ပညာတတ်လူငယ်အချို့၏ ဦးဆောင်မှုဖြင့် ခရစ်ယာန်လူငယ်အသင်းကို အတုယူလျက် ဗုဒ္ဓဘာသာကလျာဏယုဝအသင်းကို တည်ထောင်ခဲ့ကြသည်။ ယင်းအသင်းမှာ တစ်စတစ်စ တွင်ကျယ်ပြန့်လာကာ မကြာမီ မြန်မာနိုင်ငံတစ်ဝန်းလုံးရှိ ဘာသာရေးအသင်းများပါ ပူးပေါင်းပါဝင်လာခဲ့ကြသည်။ ၁၉၂၀ ပြည့်နှစ်တွင် ၀ိုင်အမ်ဘီအေနှင့် အလားတူအသင်းများ စုစည်းထားသောအဖွဲ့ကြီးမှာ နိုင်ငံရေးလှုပ်ရှားမှုများကို ပိုမိုကျယ်ပြန့်စွာ လုပ်ကိုင်နိုင်ရေးအတွက် ရည်မှန်းလျက် ဂျီစီဘီအေခေါ် မြန်မာလူမျိုးအသင်းများ၏ မြန်မာအသင်းချုပ်ကြီးအဖြစ် ပြောင်းလဲဖွဲ့စည်းခဲ့သည်။ ယင်းနှစ်၌ပင် ရန်ကုန်တက္ကသိုလ်အက်ဥပဒေကို ဆန့်ကျင်သော ပထမကျောင်းသားသပိတ်ကြီး ပေါ်ပေါက်လာခဲ့သည်။

ဒိုင်အာခီမှသည် ၉၁ ဌာနအုပ်ချုပ်ရေးဆီသို့
၁၉၂၃ ခုနှစ်တွင် ဒိုင်အာခီခေါ် ဒွိသန္တကအုပ်ချုပ်ရေးကို စတင်ခဲ့သည်။ ယင်းအုပ်ချုပ်ရေးကာလမှာ ၁၉၃၇ ခုနှစ်အထိ ကြာမြင့်ခဲ့၏။ ထိုအတောအတွင်း မြန်မာနိုင်ငံကိုအုပ်ချုပ်ရေးစနစ် တိုးမြှင့်ပေးရေးအတွက် ဆာဂျွန်ဆိုင်မွန်စုံစမ်းရေးကော်မရှင်ကို မြန်မာနိုင်ငံသို့ စေလွှတ်ခဲ့သည်။

ဒိုင်အာခီအုပ်ချုပ်ရေးကာလအတွင်း မြန်မာလူမျိုးများ မျိုးချစ်စိတ်ဓာတ်ထက်သန်လာခဲ့ကြရာ ၁၉၃၀ ပြည့်နှစ်တွင် တို့ဗမာအစည်းအရုံးကြီး ပေါ်ပေါက်လာခဲ့သည့် နည်းတူတောင်သူလယ်သမား အရေးတော်ပုံကြီးလည်း ပေါ်ပေါက်လာခဲ့ရသည်။ နယ်ချဲ့အင်္ဂလိပ်တို့ကလည်း မြန်မာတို့၏ နိုးကြားတက်ကြွမှုများကို လမ်းလွှဲသည့်အနေဖြင့် အိန္ဒိယ-မြန်မာ၊ တရုတ်-မြန်မာ အဓိကရုဏ်းများကို ဖန်တီးခဲ့ကြသည်။ ယင်းသို့သောအခြေအနေ၌ပင် ၁၉၃၆ ခုနှစ်တွင် ဒုတိယတက္ကသိုလ်ကျောင်းသားသပိတ် ပေါ်ပေါက်လာခဲ့၏။

ခွဲရေးတွဲရေးနှင့် ၉၁ ဌာနအုပ်ချုပ်ရေး

ဆိုင်မွန်ကော်မရှင်က ဒိုင်အာခီထက် တစ်ဆင့်သာသောအုပ်ချုပ်ရေးစနစ်မျိုး တီထွင်ပေးအပ်သင့်ကြောင်း အစီရင်ခံချက်အရ ဥပဒေပြုကောင်စီအစည်းအဝေးတွင် အိန္ဒိယမှခွဲထွက်ရန် ဆုံးဖြတ်ခဲ့သည်။ ထိုအခါ ခွဲရေးတွဲရေးနှင့်ပတ်သက်သော ပြဿနာတစ်ရပ် ပေါ်ပေါက်လာတော့သည်။

ဤသို့ဖြင့် ၁ ဧပြီ ၁၉၃၇ တွင် မြန်မာနိုင်ငံကို သီးခြားခွဲထုတ်ကာ ၉၁ ဌာနအုပ်ချုပ်ရေးကို ချမှတ်ကျင့်သုံးခဲ့သည်။ တစ်နှစ်နီးပါးအကြာ ၁၉၃၈ ခုနှစ်တွင် ရေနံမြေသပိတ်မှသည် လူထုလူတန်းစားပေါင်းစုံပါဝင်သည့် ၁၃၀၀ ပြည့်အရေးတော်ပုံကြီးအဖြစ်သို့တိုင် ပမာဏကြီးမားစွာ ပေါ်ပေါက်လာခဲ့ရ၏။ ယင်းအရေးတော်ပုံကြီး၏ တစ်စိတ်တစ်ဒေသဖြစ်သော တတိယကျောင်းသားသပိတ်တွင် ကျောင်းသားခေါင်းဆောင် ကိုအောင်ကျော် ကျဆုံးခဲ့ရသည်။

ရဲဘော်သုံးကျိပ်
နိုင်ငံရေးစိတ်ဓာတ်နိုးကြားတက်ကြွလာကြသည့် မြန်မာလူငယ်များသည် ၁၉၃၉ ခုနှစ်တွင် ပြည်သူ့အရေးတော်ပုံပါတီကို လျို့ဝှက်စွာဖွဲ့စည်းကာ မြန်မာ့လွတ်လပ်ရေးအတွက် လက်နက်ကိုင်တိုက်ပွဲဝင်ကြရန် ဆုံးဖြတ်ခဲ့ကြ၏။ ဤသို့ဖြင့် ၁၉၄၁ ခုနှစ်တွင် သခင်အောင်ဆန်းဦးစီးသော မြန်မာလူငယ် ၃၀ တို့ ဟိုင်နန်ကျွန်းနှင့် ဖော်မိုဆာကျွန်းတို့၌ လျို့ ၀ှက်စွာ စစ်ပညာသင်ယူခဲ့ကြ၏။

ဂျပန်ခေတ်ကာလ
ရဲဘော်သုံးကျိပ်ဦးဆောင်သော ဘီအိုင်အေတပ်များသည် ဂျပန်တပ်များနှင့်အတူ မြန်မာနိုင်ငံတွင်းသို့ ၀င်ရောက်လာကာ ၁၉၄၂ ခုနှစ် မတ်လတွင် ရန်ကုန်မြို့ကို ဗြိတိသျတို့လက်မှ ပြန်လည်သိမ်းပိုက်ခဲ့၏။ ဂျပန်ခေတ်ကာလအတွင်း ၁ သြဂုတ် ၁၉၄၃ တွင် မြန်မာနိုင်ငံလွတ်လပ်ရေးရရှိခဲ့သော်လည်း အစစ်အမှန်လွတ်လပ်ရေး မဟုတ်ပေ။ သို့ဖြင့် ၂၇ မတ် ၁၉၄၅ တွင် မြန်မာ့တပ်မတော်နှင့် မျိုးချစ်အင်အားစုတို့က ဖက်ဆစ်ဂျပန်တို့အား တိုက်ထုတ်ခဲ့ကြ၏။

လုံးဝလွတ်လပ်ရေးသို့

ဂျပန်များ မြန်မာမြေပေါ်မှ ဆုတ်ခွာသွားပြီးနောက် အင်္ဂလိပ်တို့ ပြန်လည်ရောက်ရှိလာကာ စစ်အုပ်ချုပ်ရေးဖြင့် အုပ်ချုပ်ခဲ့ကြပြန်သည်။ ထို့နောက် ၁၉၄၅ ခုနှစ် အောက်တိုဘာလတွင် ဘုရင်ခံဆာဒေါ်မန်စမစ် ရောက်ရှိလာကာ စက္ကူဖြူစာတမ်းအရ မြို့ပြအုပ်ချုပ်ရေးကို စတင်ခဲ့၏။ ၁၉၄၆ ခုနှစ် ဇွန်လတွင် ဖဆပလကကြီးမှူး၍ စက္ကူဖြူစာတမ်းကို ကန့်ကွက်ခဲ့ရာ ပြည်လုံးကျွတ်အထွေထွေသပိတ်ကြီး ပေါ်ပေါက်လာခဲ့သည်။
ဆာဟူးဘတ်ရန့် ဘုရင်ခံဖြစ်လာပြီးနောက် ဖဆပလမှ ဦးဆောင်၍ လွတ်လပ်ရေးတောင်းဆိုမှုများ ဆက်လက်လုပ်ဆောင်ခဲ့သည်။ ၂၇ ဇန်န၀ါရီ ၁၉၄၇ တွင် အောင်ဆန်း-အက်တလီစာချုပ်ကို ချုပ်ဆိုနိုင်ခဲ့ပြီး ဗြိတိသျတို့ထံမှ အာဏာလွှဲပြောင်းရယူနိုင်ရေးအတွက် ပြင်ဆင်ကြသည်။ ထိုသို့ ကြိုးပမ်းဆောင်ရွက်ဆဲကာလ၌ပင် ၁၉ ဇူလိုင် ၁၉၄၇ တွင် ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးများ လုပ်ကြံခံခဲ့ရသည်။ သို့သော် တိုင်းရင်းသားလုပ်သားပြည်သူများ၏ သွေးစည်းညီညွတ်စွာကြိုးပမ်းမှုများကြောင့် ၄ ဇန်န၀ါရီ ၁၉၄၈ တွင် မြန်မာနိုင်ငံသည် လွတ်လပ်သောအချုပ်အခြာ အာဏာပိုင်နိုင်ငံတစ်ခု ဖြစ်လာခဲ့သည်။
သွေးနှင့်ချွေးနှင့်ရင်းနှီးရယူခဲ့ရသည့် မြန်မာ့လွတ်လပ်ရေးကို ထိမ်းသိမ်းစောင့်ရှောက်ကြရန်မှာ တိုင်းရင်းသားပြည်သူတစ်ရပ်လုံး၏ တာဝန်ပင်ဖြစ်ပါသည်။

ကျမ်းကိုး

၁။ ကိုလိုနီခေတ်မြန်မာ့သမိုင်းအဘိဓာန်(မြဟန်)
၂။ မြန်မာ့လွတ်လပ်ရေးကြိုးပမ်းမှုရက်စဉ်သမိုင်း(ဖိုးအောင်လေး)
၃။ မြန်မာ့နိုင်ငံရေးသမိုင်း(ဦးလေးမောင်)

Copy by : Eleven Media Group
စာဖတ်သူတို့အား အစဉ်လေးစားလျှက်

မျှော်လင့်သူ....

ကျောင်းတော်ရာ ဘုရားသမိုင်းအကျဉ်း

(ကျောင်းတော်ရာ စေတီတော်မြတ်ကြီး)

ရှေးအခါက လှည်းကုန်သည်များ လှေကုန်သည်များ စုပေါင်း နေထိုင်သောကြောင့် ကုန်သည်ရွာ ပါဠိလို
ဝါဏိဇ္ဇဂါမလို့အမည်တွင်ခဲ့ပါတယ်။ ထိုရွာတွင် မဟာပုဏ္ဏနှင့် စူဠပုဏ္ဏဆိုတဲ့ သူကြွယ်ညီနောင် နှစ်ဦးရှိခဲ့ပါတယ်။ ထိုညီနောင်နှစ်ဦးဟာ ကုန်သွယ်မှုပြုကြပါတယ်။ နောင်တော်က လှေနှင့်ကုန်ရောင်းထွက်လျှင် ညီတော်က အိမ်၌နေ၍ကုန်များကို စုဆောင်းပေးပြီးအလှည
့်ကျ လုပ်ဆောင်ကြသည်။

တစ်နေ့၌ အစ်ကိုတော် မဟာပုဏ္ဏဟာ ယူဇနာ ၃၀၀ ဝေးကွာသောမဇ္ဈိမတိုက် ယခုအိန္ဒိယတိုင်း သာဝတ္ထိပြည်သို့ ဆိုက်ရောက်သဖြင့် ဇေတ၀န်ကျောင်းတော် နှင့်မနီးမဝေးသောအရပ်၌ စခန်းချနေကြလေသည်။ အရင်ဘ၀များစွာ ကတည်းကပါရမီရင့်သန်လာခဲ့သော
မဟာပုဏ္ဏအဖို့ ဘုရားရှင်ရဲ့ တရားတော်တွေကို ကြားနားရပြီးရဟန်းပြုလိုသဖြင့် ဘုရားရှင်ထံ၌ ခွင့်တောင်းပြီးရဟန်းပြုကာပိုင်ဆိုင်
သမျှ ပစ္စည်းဥစ္စာများအား ဘဏ္ဍာစိုးကြီးမှတဆင့် လွှဲပေးခဲ့သည်။ ရဟန်းပြုပြီးသည့်နောက် မဂ်ဖိုလ်တရားမထင်နိုင်သဖြင့် ဤနေရာ
သည် ငါနှင့်မအပ်စပ် ငါမွေးရပ်ကိုပြန်၍ အားထုတ်ပါက ထင်နိုင်သည်ဟု တွေးမိသဖြင့် ဘုရားရှင်ထံ ခွင့်တောင်းပြီး ပြန်ကြွလာခဲ့သည်။

မဟာပုဏ္ဏမထေရ်မြတ်သည် သုနပရန္တတိုင်းအရပ်၌ လေးဌာနသတင်းသုံးတော်မူပါသည်။ အဇ္ဇုဟတ္ထတောင် ၊ သမုဒ္ဒဂီရိကျောင်းရာ ၊ မာတုလဂီရိ ၊ မကုလကာမ၀ိဟာရ ဌာနတို့မှာ သတင်းသုံးတော်မူပါသည်။ ဦးစွာ သုံးဌာနမှာစိတ်ငြိမ်မူမရှိခြင်းကြောင့် နောက်ဆုံး မကုလကာမ၀ိဟာရမှာသာ သီတင်းသုံးပြီး မဂ်ဖိုလ်တရားထင်နိုင်ပေတော့သည်။

(မဟာပုဏ္ဏမထေရ်မြတ်)

နောက်ဆုံးသတင်းသုံးသော ဌာနမှာ ညီတော်တို့ရွာနှင့် မနီးမဝေးတည်ရှိရာ ဆွမ်းခံရာ၌လဲ အဆင်ပြေခဲ့၏ ။ နောက်တွင်ညီတော်မှာ မဟာပုဏ္ဏမထေရ်မြတ်၏ သရဏဂုံတည်သော ဥပသကာဖြစ်ခဲ့သည်။

တစ်နေ့မှာ ညီတော် စူဠပုဏ္ဏဦးစီးသော ကုန်သည်အဖွဲ့ဟာ သမုဒ္ဒယထဲသို့ ကုန်သွယ်ထွက်ခဲ့သည်။ရွက်လှေသည်အရှိန်ဟုန်ဖြင့်
ကျွန်တစ်ကျွန်းသို့ ဆိုက်ရောက်လေသည်။ (ယခု အိန္ဒိယတောင်သမုဒ္ဒရာအတွင်းရှိ မလ္လာယု မည်သော မလယကျွန်းပင်ဖြစ်လေသည်။)
ထိုကျွန်း၌ စန္ဒကူးနံ့သာပင်များသာပေါက်ရောက်သည်။ ညီတော်မှာလှေပါကုန်များအား ချစေပြီး ထိုအပင်တို့အား ခုတ်စေကာလှေပေါ်
တင်၍ တင်ဆောင်လာခဲ့သည်။

ဌာနေသို့ပြန်ရောက်လျှင် ထူးခြားလှသော စန္ဒကူးကျောင်းတော်ကြီး ဆောက်လုပ်ကာနောင်တော်မထေရ်အားလှုဒါန်းလေသည်။
မထေရ်မြတ်က ဌာနေမှတိုင်းသားတို့ တရားရေအေး တိုက်ကျွေးနိုင်ရန်အတွက် ဘုရားရှင်ထံ အသနားခံပြီး ဆွမ်းစားဖိတ်တော်မှုသည်။
ဘုရားရှင်သည် ရှင်သာရိပုတ္တရာ ၊ ရှင်မောဂ္ဂလ္လာန် နှစ်ပါးနှင့်တကွ တပါးယုတ်ငါးရာ( ရဟန်း ၄၉၉ ) နှင့်အတူသိကြားမင်းဖန်ဆင်းပေး
သော ပြာသာဒ်ယာဉ်ပျံ ငါးရာနှင့် ကြချီတော်မူပါတယ်။


မြတ်စွာဘုရားရှင် ( ၇ ) ရက် သီတင်းသုံးတော်မူပြီးနောက် မထေရ်အားခေါ်ကာ ဗျာဒိတ်ပေးတော်မူသည်။
" နောင်သော်အခါ အရိမဒ္ဒန ပေါက္ကာရာမပြည်ကို အစိုးရသောအလောင်းစည်သူမင်းသည် ဖောင်စင်္ကြာနှင့် တိုင်းခွင်လှည့်လည်၍ ဆိုက်ရောက်လာသောအခါ (ဤငါ၏ သရက္ခန်ကျောင်းရာ၌)စေတီတည်၍ ကြီးစွာသော ပူဇော်ခြင်းကို ပြုလတ္တံ့"ဟုဗျာဒိတ်
စကားမိန့်ကြာပြီး ပြန်ကြွတော်မူလေသည်။

စာဖတ်သူတို့အား အစဉ်လေးစားလျှက်

မျှော်လင့်သူ