AD HOC ( တင်္ခနုပ္ပတ္တိ )

ဒတ်(ချ) ပုံပြင်လေးတစ်ခုရှိတယ်။ ကလေးတစ်ယောက်ဟာ ရေကန်ကြီးတစ်ခုဘေး လမ်းလျှောက်ရင်းက အပေါက်တစ်ပေါက်ကို တွေ့လိုက် တယ်တဲ့ ။ အပေါက်ကလဲ တဖြည်းဖြည်းကြီးလာနေတော့ ဒီအတိုင်းဆိုရင် ရေကာတာကြီးပြိုတော့မယ်။ ဘေးဘီကို ဝေ့ကြည့်လိုက်တော့ ဘာမှမရှိ ၊ ဘယ်သူမှမရှိ ။ ရွာပြန်ပြီး လူစုဖို့ဆိုတာကလဲ အချိန်ရမှာမဟုတ် ။ သူဘာလုပ်မလဲ နောက်ဆုံး သူအကြံရတာနဲ့ အပေါက်ထဲကို သူ့ လက်ကိုထိုးပြီး ပိတ်ထားလိုက်တယ်။

အလားတူ ဂျပန်ရိုးရာပုံပြင်တစ်ခုလဲ ရှိသေးတယ်။ ပင်လယ်ကမ်းစပ်က ရွာလေးတစ်ရွာ။ ရွာဘေးမှာတောင်ကုန်းတွေရှိပြီး အဲဒီ့တောင်ကုန် တွေပေါ်မှာ စပါးခင်းတွေရှိတယ်။ တစ်ညတော့ စပါးခင်းစောင့် သူငယ်လေးဟာ ပင်လယ်ထဲက ဒီရေလှိုင်းကြီးတက်လာတာ မြင်လိုက်ရ တယ်တဲ့ ။ ရွာဘက်ကြည့်တော့လဲ အားလုံးက အိပ်မောကျလို့ ။ ဒီအတိုင်းဆို တစ်ရွာလုံး ဒီရေအောက်ကိုရောက်တော့မယ် ။ သူဘာလုပ်မလဲ ။ ချက်ချင်းပဲ စပါးခင်းကို မီးတင်ရှို့လိုက်ပါတယ်။

ဒီလိုပုံပြင်တွေ အများကြီးပါ။ ဟာသဆန်ဆန်ပုံပြင်တွေလဲ ဖြစ်နေတက်ပါတယ်။ တစ်ခါက ခင်ကြီးတစ်ပါးဟာ သူ့ကျောင်းမုခ်ဦးမှာ မီးလောင်နေ တာကိုတွေ့လို့ ကျင်ငယ်စွန့်ပြီး ငြိမ်းလိုက်ရတယ်ဆိုတာမျိုးလဲ ရှိရဲ့ ။ ဒီပုံပြင်တွေထဲက ဖြေရှင်းနည်းအားလုံးကို “ တင်္ခနုပ္ပတ္တိ ဖြေရှင်းနည်း ” ( Ad hoc Solution ) လို့ခေါ်ပါတယ်။

တစ်ချိန်မှာ ဖြစ်လာနိုင်စရာရှိတာကို ကြိုတင်တွက်ဆပြီး ဘယ်လိုလုပ်မယ်ဆိုတာကို ကြိုတင်စီစဉ်ထားတာမျိုးလဲ ရှိပါတယ်။ “ အရေးပေါ် အစီအစဉ် ” ( Emergency Plan ) ပေါ့။ ဘာဖြစ်ရင် ဘာလုပ်မယ်၊ ပြီးတော့ ဘာဆက်လုပ်မယ်ဆိုတဲ့ “ ပုံသေဖြေရှင်းနည်း ” (Routine Solution ) တွေလဲရှိပါတယ်။ တကယ့်လက်တွေ့မှာတော့ ဒါတွေဟာ တကယ်ဖြစ်ချင်မှ ဖြစ်တက်တာပါ ။ ဖြစ်ခဲ့ရင်လဲ မူလထင်ထားတာ နဲ့မတူတာတွေက များပါတယ်။ ဒါကြောင့်လဲ “ မသေချာတဲ့ စီမံကိန်း ” ( Contingency Plans ) တွေဖြစ်ပါတယ်။

“ တင်္ခနုပ္ပတ္တိ ” သဘောက ဒါမျိုးမဟုတ်ဘူး ။ ထင်မထားတဲ့ အခြေအနေတစ်ခုနဲ့ ရုတ်တရက် ရင်ဆိုင်လိုက်ရချိန်မှာ ဖျက်ခနဲဝင်လာတဲ့ အတွေးနဲ့ ၊ ဒိုင်ခနဲ ထလုပ်ရတာမျိုးကို ဆိုလိုပါတယ်။ ဘာမှ ကြိုတင်စီစဉ်ထားတာမျိုး မရှိသလို ။ ဘာကြိုတင်မျှော်လင့်ချက်မှလဲ မရှိပါ ဘူး။ လတ်တလော အခြေအနေကို အမြန်ဖြေရှင်းနိုင်ဖို့သာ ၊ ရည်ရွယ်ရင်းဖြစ်ပါတယ်။ တစ်ခါတစ်လေမှာ တင်္ခနုပ္ပတ္တိ ဖြေရှင်းနည်းတွေ ဟာ၊ တီထွင်ဖန်တီးမှုတွေရဲ့ လမ်းစတွေလဲ ဖြစ်နေတက်ပါတယ်။

ပင်တဂွန် စစ်ဌာနချုပ်ဆိုရင် ဖြစ်လာနိုင်တဲ့ တိုက်ခိုက်မှုတွေကို ကြိုစဉ်းစားပြီး တုံ့ပြန်တိုက်ခိုက်ရမယ့် စစ်ဗျူဟာတွေ အများကြိးရှိတယ် လို့သိရပါတယ်။ ဒါပေမယ့် 2001 စက်တင်ဘာ 11 မှာ တကယ်ဖြစ်လာတော့ ကြိုတင်မှန်းဆထားတာတွေနဲ့ ဘာမှမဆိုင်သလို ဖြစ်လာ တယ်။ အကျိုးဆက်က အတော်ဆိုးပါတယ်။ အားလုံးသိကြတဲ့ အတိုင်း WTC မျှော်စင်ညီနောင် ပြိုကျရုံမက ပင်တဂွန် ကိုယ်တိုင်တောင် ခါးကျိုးသွားခဲ့ရတယ်။

ဒါပေမယ့် Flight 93 ပေါ်က ခရီးသည်တစ်စုကတော့ တင်္ခနုပ္ပတ္တိဥာဏ်နဲ့ အကြမ်းဖက်သမားတွေကို တုံ့ပြန်တိုက်ခိုက်ခဲ့ပါတယ်။ သူတို့ရဲ့ ကောင်းမှုကြောင့် အိမ်ဖြူတော် သက်သာသွားတာပါ ။ ဒီအဖြစ်အပျက်ကြီးရဲ့ နောက်ပိုင်းမှာ တင်္ခနုပ္ပတ္တိဖြေရှင်းနည်းရဲ့ အရေးပါမှုကို စစ်ပါရဂူကြီးတွေကအစ အသိအမှတ်ပြုလာရပါတယ်၊ ရေတိုရေရှည်စီမံကိန်းတွေထက်တောင် သူကပိုအရေးပါသလို ဖြစ်လာပါတယ်။

ဧကန်မဲ့မှု အခြေအနေကြီးအောက်မှာ သွက်သွက်လက်လက်၊ ထက်ထက်မြက်မြက် တုံ့ပြန်နိုင်ဖို့က အခရာဖြစ်လာဟန်ရှိပါတယ်။ ဒီအ တွက် တင်္ခနုပ္ပတ္တိဥာဏ် ရွှင်ဖို့လိုသလို ၊ လုပ်ရဲကိုင်ရဲ ဆုံးဖြတ်ရဲ၊ တာဝန်ယူရဲတဲ့ စိတ်ဓာတ်ရှိဖို့လဲ လိုပါလိမ့်မယ်။

Source : ကျော်ဝင်း ( အတောင်ပါသော စကားလုံးများ )

စာဖတ်သူတို့အား အစဉ်လေးစားလျှက်..
မျှော်လင့်သူ..