ရေပေါ်ဆီဝေ့ စာပေဖတ်ရှုမှုမျိုး မဖြစ်စေလို

ကျွန်တော် ဒီ Post လေးကိုတင်ရင် လူမုန်းခံရမယ်၊ ဆဲခံရမယ် ဆိုတာ အသေချာသိပါတယ်။ ဒါပေမယ့် ရေးချင်လွန်းတဲ့ စိတ်ဆန္ဒက ပြင်း ထန်နေတော့ အရဲစွန့်ပြီး ရေးသားလိုက်ရပါတယ်။ ကျွန်တော်ပြောချင်တဲ့ အကြောင်းရာကတော့ လူငယ်တစ်ချို့ စာဖတ်ရှုခြင်းနဲ့ ပတ်သတ် ပြီးပြောချင်ပါတယ်။ စာပေဖတ်ရှုရာမှာ နှစ်မျိုးတွေ့ရှိရပါတယ်။ တမျိုးကတော့ ရေပေါ်ဆီဝေ့၊ ပြီးစလွယ် အစကနေအဆုံးဖတ်ရှုလိုက်ခြင်းပဲ ဖြစ်ပါတယ်။ နောက်တစ်မျိုးကတော့ သေချာအာရုံစိုက်ပြီး ဖတ်ရှုကာ ထိုစာပေါ်ဝေဖန်ထောက်ပြနိုင်ခြင်းဖြစ်ပါတယ်။

အခု ကျွန်တော်တို့နိုင်ငံက လူငယ်အများစုကြားမှာ ရေပေါ်ဆီဝေ့ စာပေဖတ်ရှုခြင်းကိုသာ တွေ့ရှိနေရပါတယ်။ စာတပုဒ်၊ စာတပိုဒ်၊ စာအုပ် တစ်အုပ် ဖတ်လို့ပြီးဆုံးသွားသည်။ ထိုဖတ်ရှုပြီးသော စာပေါ်တွင် ဝေဖန်ထောက်ပြခြင်းမရှိနိုင်သလို၊ ရေးသားထားသော စာ၏ ဆိုလိုရင်းကို လဲ သိပ်သဘောမပေါက်ကြသည်က များသည်။ အခုကျွန်တော်ပြောပြနေတာတွေက အွန်လိုင်းပေါ်က လူတန်းစားအများစုဖြစ်ပါတယ်။ တစ စနှင့်တစ နည်းပညာများ အလွန်တရာမှ ထွန်းကားလာပါတယ်။ ဒီလို ထွန်းကားလာတဲ့ နည်းပညာကို အသုံးချပြီး ပြစ်မှုကျူးလွန်သူတွေ၊ လိမ်လည်လှည့်ဖျားမှုတွေ၊ အသေရေဖျက်မှုတွေ၊ အမျိုးမျိုးတွေ့ရှိလာရပါတယ်။ ဒီလိုခေတ်ကြီးတည်းမှာ ဒီလိုရေပေါ်ဆီဝေ့စာဖတ်ခြင်းမျိုးနဲ့ တော့ နောက်ကောက်ကျကျန်ခဲ့ဖို့ များပါတယ်။

ခေတ်ပညာရေးကြောင့် လူငယ်တွေ စာဖတ်အလေ့ကျင့် အရမ်းနည်းလာတာကို တွေ့ရပါတယ်။ ကျောင်းပညာသင်ချိန်မှာ ကျန်တဲ့ဗဟုသု တ ရွေးဖတ်ဖို့နေနေသာသာ ကျောင်းဖတ်စာအုပ်ကိုတောင် နှံ့စပ်အောင် မဖတ်ခဲ့ကြတဲ့အတွက် စာဖတ်ခြင်းမှာ အရမ်းအားနည်းလို့လာ ပါတယ်။ ဒါကိုလဲ စာဖတ်သူတို့အနေနဲ့ သုံးသပ်ကြည့်နိုင်ပါတယ်။ ဘလော့ဘ်တွေ ၊ မဂ္ဂဇင်းတွေ၊ လူမှုရေးဆိုဒ်တွေ၊ ဘာသာရေးဆိုဒ်တွေ နောက် အမျိုးမျိုးသော စာပေတွေကို ဖတ်ရှုပြီးရင် ကိုယ်ဥာဏ်အားမှီသလောက် ဝေဖန်စဉ်းစားသင့်ပါတယ်။ ဝေဖန်တယ်ဆိုလို့ တလွဲမ တွေးစေချင်ပါဘူး။ ကျွန်တော်ပြောချင်တာက ကပ်သပ်ပြီးထောက်ပြခိုင်းတာမဟုတ်ပါဘူး။ ဥပမာ ဆိုကြပါတော့ဗျာ. ကိုယ့် email ထဲကို Fwd mail တစ်စောင်ရောက်လာတယ်။ လူတစ်ဦးရဲ့ စာရိတ္တနဲ့ပတ်သတ်တာမျိုးပေါ့ ။ ထိုသို့သော mail မျိုးကို မိမိအနေနဲ့ ထပ်မံဝေဖြန့် ပါက လူတစ်ယောက်ရဲ့ သိက္ခာ၊ ဘ၀ ကောင်းကျိုးတစ်ကွက်မှမတွေ့နိုင်။ ထို့ကြောင့် ထိုရောက်လာသော email ကိုဆန်းစစ်သင့်သည်။ ဒါကအမှန်လား၊ အမှားလား၊ သူ့ကို ပုတ်ခတ်ဖို့ လူတစ်ဦးတစ်ယောက်က စီစဉ်ထားတာလား၊ လှည့်ဖျားချက်လား၊ ငါယုံပြီး ဆက်လက် ဖြန့်သင့်လား၊ ဒီမှာပဲ ရပ်တန်းက ရပ်သင့်ပြီလား စသဖြင့် တွေးတောစေချင်သည်။ ထိုသို့တွေးတော့ပြီး ဖြန့်သူအလွန်နည်းပါးလှပါသည်။ ကိုယ့်ဆီရောက်လာတဲ့ mail တိုင်းအမှန်တရားလို့ မတွေးတောပါနှင့်။ စီးပွားရေး ၊ လူမှုရေး၊ ပညာရေး၊ ကျန်းမာရေး၊ နိုင်ငံရေးလှည့်ကွက် များစွာဖြစ်နိုင်သည်။

ကျွန်တော် ဘလော့ဘ်များစွာကို သွားရောက်လည်ပတ်ဖူးသည်။ ရသပေါင်းများစွာကိုလဲ ဖတ်ရှုခဲ့ပါသည်။ Blogger အများစုမှာ အရေး သားပိုင်နိုင်ကြသည်။ လာရောက်ဖတ်ရှုသူများလဲ များပြားကြသည်။ စာဖတ်သူများသည် စာရေးသူအတွက်အားဖြစ်စေသည်။ စာဖတ်သူ ၏စကားတစ်ခွန်းသည် စာရေးသူအတွက်လွန်စွာအထောက်ကူဖြစ်စေသည်။ သို့သော် comments များကို ဖတ်ရှုရာမှာတော့ စိတ်ပျက် ဖွယ်ရာများကိုသာ ဖတ်ရှုခဲ့ရသည်။ အထက်က post ရဲ့ ဆိုလိုရင်းကို သေချာနားမလည်၊ သဘောမပေါက်၊ ကိုယ့်ရေးချင်တာရေးသွား သည်။ အများစုမှာ ရေးသားထားသော Post ကိုဝေဖန်အကြံပြု ဆွေးနွေးမှုထက်၊ ပုဂ္ဂိုလ်ရေး အာပလာများကိုသာ ပြောပြီးထွက်သွားကြ သည်။ ကိုယ်ဖတ်လိုက်တဲ့ Post က မှန်၏ မှား၏ ဖြစ်တန်၏ မဖြစ်တန်၏ ၊ ဘယ်လိုအကြောင်းရာမျိုးတော့ဖြင့် လွဲနေသည်၊ ဘယ်လိုဟာ မျိုးက မသင့်လျော်။ ထို့သို့ထောက်ပြခဲ့နိုင်လျှင် မည်မျှလောက်ကောင်းမည်နည်း။ စာရေးသူတို့အနေနှင့်လဲ ထိုသို့သော ဝေဖန်ချက်မျိုးကို လက်ခံနိုင်မည်ထင်ပါသည်။

အခုလိုတင်ပြမှုကို ကျွန်တော့်ထက် ၀ါရင့် Blogger ကြီးများလဲ လက်ခံနိုင်မယ်လို့ မျှော်လင့်မိပါတယ်။ ဒါကြောင့်မို့လဲ ၀ါရင့် Blogger ကြီး များအနေဖြင့် အချိန်အားလျော်စွာ ကိုယ့်ညီငယ်ညီမငယ်များအား စာဖတ်စွမ်းရည် တိုးတက်လာမည့်ဆောင်းပါများ၊ စာဖတ်သူညီငယ် မောင်ငယ်များ စာပေကို ဖတ်ရှုပြီး ဝေဖန်တက်လာအောင် စွမ်းဆောင်ပေးသင့်ပါတယ်လို့ အကြံပြုတိုက်တွန်းရေးသားလိုက်ရပါတယ်။

စာဖတ်သူတို့အားအစဉ်လေးစားလျှက်..
မျှော်လင့်သူ